Published:Updated:

கடந்தகாலம் தெரியாவிட்டால் எதிர்காலம் கிடையாது!

பரிசளிப்பு விழா
பிரீமியம் ஸ்டோரி
பரிசளிப்பு விழா

சுட்டிவிகடன்

கடந்தகாலம் தெரியாவிட்டால் எதிர்காலம் கிடையாது!

சுட்டிவிகடன்

Published:Updated:
பரிசளிப்பு விழா
பிரீமியம் ஸ்டோரி
பரிசளிப்பு விழா

‘சுட்டிவிகடன்’ மற்றும் `தமிழ்நாடு மெர்க்கன்டைல் வங்கி’ இணைந்து நடத்திய `நம்ம தூத்துக்குடியை நல்லாத் தெரிஞ்சுப்போம்’ தேர்வில் பரிசு பெற்ற பள்ளி மாணவர்களுக்கான பரிசளிப்பு விழா, அக்டோபர் 20-ம் தேதி தூத்துக்குடி வ.உ.சிதம்பரம் கல்லூரியில் நடைபெற்றது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
கடந்தகாலம் தெரியாவிட்டால் எதிர்காலம் கிடையாது!

இதில் கலந்துகொண்டு மாணவர்களுக்குப் பரிசளித்துச் சிறப்புரை ஆற்றிய மாவட்ட ஆட்சியர் சந்தீப் நந்தூரி, “நமது மாவட்டத்தின் முக்கியமான விஷயங்களைத் தெரிந்துகொள்வது நம் ஒவ்வொருவரின் கடமை. நானும் பல தகவல்களை இந்தப் புத்தகத்தைப் பார்த்துத்தான் தெரிந்துகொண்டேன். கொற்கையில் இரண்டாயிரம் ஆண்டுகள் பழைமையான வன்னி மரம் இருக்கின்ற தகவல், அனைவரையும் பார்க்கத் தூண்டுகிறது. இதுபோன்ற பல வியப்பூட்டும் வரலாற்றுத் தகவல்கள் இடம் பெற்றுள்ளன” என்றார்.

கடந்தகாலம் தெரியாவிட்டால் எதிர்காலம் கிடையாது!

தூத்துக்குடி மாநகராட்சி ஆணையாளர் முனைவர் ஜெயசீலன், “புத்தகத்தைத் தாண்டிய வாசிப்பு என்பது குழந்தைகளின் வளர்ச்சிக்கு மிக முக்கியமானது. அதிலும் நமது ஊரில் என்ன நடந்தது என்ற வரலாறு தெரியாமல், நிகழ்காலத்தில் நிச்சயமாக வெற்றிபெற முடியாது. நிகழ்காலத்தை வரலாற்றின் அடிப்படையில் நாம் புரிந்துகொள்ளவில்லை என்றால் எதிர்காலம் பிரகாசமாக இருக்கும் என்று உத்திரவாதம் தர முடியாது” என்றார். `தமிழ் வழியில் கற்று, ஐ.ஏ.எஸ் தேர்விலும் தமிழ்வழியில் எழுதித் தேர்ச்சி பெற்றவர்’ என ஆணையாளருக்கு அறிமுகம் கொடுத்த போது கைத்தட்டல்களால் அரங்கமே அதிர்ந்தது.

மாவட்ட முதன்மைக் கல்வி அலுவலர் ஞானகௌரி, “ஒரு நேர்முகத்தேர்வில் நான் பங்கேற்றபோது என்னிடம் கேட்ட கேள்வி, `உங்கள் கிராமத்தின் பெயருக்கு முன்னால் உள்ள இனிஷியலுக்கு என்ன பொருள்?’ என்பதுதான். அந்த மாதிரியான சூழல் யாருக்கும் வந்துவிடக்கூடாது. அதற்கு சுட்டி விகடன் வெளியிட்டுள்ள இந்தத் தகவல்கள் அவசியம்” என்றார்.

கடந்தகாலம் தெரியாவிட்டால் எதிர்காலம் கிடையாது!

A.A.A பொறியியல் மற்றும் தொழில்நுட்பக் கல்லூரியின் முதல்வர் முனைவர் சேகர், “இனி எல்லாப் படிப்புகளில் சேர்வதற்கும், வேலை வாய்ப்புகளைப் பெறுவதற்கும் போட்டித் தேர்வு முறைதான் பின்பற்றப்படும் என்ற நிலை ஏற்பட்டுள்ளது. அவற்றில் வெற்றிபெற வாசிப்புப் பழக்கத்தையும் குறிப்பெடுக்கும் பழக்கத்தையும் வளர்த்துக்கொள்ள வேண்டும்” என்றார்.