Published:Updated:

ஏழை மாணவர்களின் உயர்கல்வி பறிபோகிறதா?

அரசுக் கல்லூரி
பிரீமியம் ஸ்டோரி
News
அரசுக் கல்லூரி

அரசுக் கல்லூரிகளில் ஷிஃப்ட் முறை நீக்கம்...

‘அரசுக் கல்லூரிகளில் வரும் கல்வியாண்டிலிருந்து ஷிஃப்ட் முறை ரத்து செய்யப்படும்’ என்று சில தினங்களுக்கு முன்னர் தமிழக அரசு அறிவித்திருப்பது பெரும் அதிர்வலைகளை ஏற்படுத்தியுள்ளது. ‘‘ஷிஃப்ட் முறை ரத்து செய்யப்பட்டால் ஏழை மாணவர்களின் உயர்கல்வி மறுக்கப்படும்’’ என்று பல்வேறு தரப்புகளிலும் எதிர்ப்புகள் கிளம்பியுள்ளன.

இதுகுறித்து நம்மிடம் பேசிய இந்திய மாணவர் சங்கத்தின் மாநிலத் தலைவர் கண்ணன், ‘‘கொரோனாவைவிட மிக மோசமான சூழ்நிலையை இந்த ஆட்சியாளர்கள் உருவாக்கியிருக்கிறார்கள். வரும் கல்வியாண்டில் ஏழை மாணவர்கள் உயர்கல்வி படிக்க முடியாத நிலையை உருவாக்கியுள்ளனர்.

கண்ணன், அன்பழகன்
கண்ணன், அன்பழகன்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

தமிழகத்திலுள்ள அரசுக் கல்லூரிகளில் பயில்பவர்களில் அதிகமானோர் கிராமப்புற விளிம்புநிலை மாணவர்கள்தான். அரசுக் கல்லூரிகளில் போதுமான வகுப்பறைகள், ஆய்வகங்கள், ஆய்வக உபகரணங்கள் இல்லாததால், காலை 8:30 முதல் மதியம் 1:30 வரை ஒரு ஷிஃப்ட், மதியம் 1:30 முதல் மாலை 6:30 வரை ஒரு ஷிஃப்ட் என இரண்டு ஷிஃப்ட்டுகளாக வகுப்புகள் நடக்கின்றன. இந்த ஷிஃப்ட் முறைதான் அதிக அளவிலான மாணவர்கள் சேர்க்கைக்கு வழிவகுத்தது. இந்தச் சூழலில், வரும் கல்வியாண்டிலிருந்து ஷிஃப்ட் முறையை ரத்து செய்வதாக தமிழக அரசு அறிவித்துள்ளது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

இதனால் 40,000-க்கும் மேற்பட்ட அரசுக் கல்லூரி மாணவர்கள் பாதிக்கப்படுவார்கள். இரு ஷிஃப்டுகளிலும் சேர்த்து 100 பேர் ஒரு வகுப்பில் படித்தார்களென்றால், ஷிஃப்ட் முறை ரத்துசெய்யப்பட்ட பிறகு 50 பேரால்தான் படிக்க இயலும். இதனால் ஏழை, எளிய மாணவர்கள் தனியார் கல்லூரிகளை நோக்கித் தள்ளப்படுவார்கள். வசதியில்லாத மாணவர்கள் உயர்கல்வி பெற முடியாத அவலநிலை உருவாகும். எனவே, ஷிஃப்ட் முறையை ரத்து செய்யும் முடிவை அரசு கைவிட வேண்டும்.

அரசுக் கல்லூரி
அரசுக் கல்லூரி

மத்திய அரசு 100 புதிய இணையவழிப் பல்கலைக்கழகங்கள் தொடங்க அனுமதி அளிப்பதாக அறிவித்திருக்கிறது. முதலில் அரசுக் கல்லூரிகளில் உட்கட்டமைப்பு வசதிகளே இல்லை. மாணவர்களுக்குத் தொலைத்தொடர்பு வசதிகளைச் செய்து கொடுத்துவிட்டு பிறகு, இணையவழிப் பல்கலைக்கழகம் தொடங்க அனுமதியளிக்க வேண்டும். இல்லையெனில், அது பணக்காரர்களுக்கு மட்டுமே பயன்படும்’’ என்றார்.

இதுகுறித்து உயர்கல்வித் துறை அமைச்சர் அன்பழகனிடம் கேட்டோம். “ஷிஃப்ட் முறையை நீக்கினால் மாணவர்களுக்கு எந்தவொரு பாதிப்பும் ஏற்படாது. அனைத்துக் கல்லூரிகளிலும் உடனடியாக ஷிஃப்ட் முறையை ரத்துசெய்யவில்லை. அதிக எண்ணிக்கையிலான மாணவர்கள் பயில்வதற்கு போதுமான கட்டமைப்பு வசதிகள் உள்ள கல்லூரிகளில்தான் ஷிஃப்ட் முறையை ரத்து செய்யப்போகிறோம். அதாவது, இரண்டு ஷிஃப்ட் மாணவர்களையும் சேர்த்து ஒரே ஷிஃப்டாக கல்லூரியை நடத்தும் அளவுக்கான வசதி வாய்ப்புள்ள கல்லூரிகளில் மட்டும்தான் ரத்து செய்யப்போகிறோம்” என்றார்.