Published:Updated:

ஆன்லைன் வகுப்புகள்... மாணவர்கள் பெற்றதும் இழந்ததும்!

ஆன்லைன் வகுப்புகள்... மாணவர்கள் பெற்றதும் இழந்ததும்!
பிரீமியம் ஸ்டோரி
News
ஆன்லைன் வகுப்புகள்... மாணவர்கள் பெற்றதும் இழந்ததும்!

ஆன்லைன் வகுப்புகள் மூலம் குழந்தைகள் ஏதாவது ஒரு வகையில் பள்ளியோடு, கல்வியோடு, ஆசிரியரோடு தொடர்பிலிருக்கிறார்கள்.

ஆன்லைன் வகுப்புகளில் குழந்தைகள் பெற்றதும் இழந்ததும் எவை என்று பகிர்ந்து கொள்கிறார் ‘குழந்தைகளைக் கொண்டாடு வோம்’ கல்வி இயக்கத்தின் ஒருங்கிணைப் பாளரும் ஆசிரியருமான திருவள்ளூர் மாவட்டத்தைச் சேர்ந்த சுடரொளி.

“ஆன்லைன் வகுப்புகள் மூலம் குழந்தைகள் ஏதாவது ஒரு வகையில் பள்ளியோடு, கல்வியோடு, ஆசிரியரோடு தொடர்பி லிருக்கிறார்கள். இதை மட்டும்தான் பாசிட்டிவ் வான விஷயமாகப் பார்க்கிறேன். ஆன்லைன் வகுப்புகளில் சிறப்பான முறையில் கல்வி கற்பிக்கப்படுகிறதா என்பது கேள்விக்குறியே. வியாபாரத்துக்காகவும், தங்கள் பள்ளிகளில் மாணவர்களைத் தக்க வைப்பதற்கும், கட்டணம் வசூலிப்பதற்கும் மட்டுமே இது பயன்படுகிறது.

ஆன்லைன் வகுப்புகள்... மாணவர்கள் பெற்றதும் இழந்ததும்!

அழுத்தமான சூழல்

அரசுப் பள்ளி மாணவர்களில் மிகக்குறைந்த எண்ணிக்கையிலானவர்களின் வீடுகளில் மட்டும்தான் ஆன்லைன் வகுப்புகளில் கற்பதற்கான வசதி உள்ளது. ஒரு வகுப்பில் 10 குழந்தைகள் ஆன்லைனில் படிக்கின்றனர். மற்ற குழந்தைகளுக்கு அதற்கான வாய்ப்பில்லை என்றால் விடுபட்ட குழந்தைகளுக்கு கல்வி கிடைக்காத ஏக்கமும், பெற்றோருக்கு மன உளைச்சலும் உருவாகிறது.

நேரடி வகுப்புகளில் பாடங்கள் போக, சிறிய இடைவேளை, விளையாட்டு என நேரத்தைப் பிரித்திருப்பார்கள். ஆன்லைன் வகுப்புகளில் வகுப்பறையில் இருப்பது போல் அதிக கலந்துரையாடலுடன் வகுப்புகள் நடைபெறுவதில்லை. ஆன்லைன் வகுப்புகளில் குழந்தைகள் அதிக நேரம் கேட்பவர்களாக மட்டுமே இருக்கிறார்கள்.

தொடர்ந்து ஆன்லைன் வகுப்புகளில் குழந்தைகள் பங்கேற்பதால் மிகவும் அழுத்த மான சூழலுக்குத் தள்ளப்படுகின்றனர். அதிலும் பெற்றோரின் கண்டிப்பு, கண்காணிப் புடன் வகுப்பை அட்டெண்டு செய்பவர்கள், நன்றாகப் படிக்க வேண்டும் என்ற உந்துதலி லிருக்கும் குழந்தைகள் அதிக அழுத்தத்துக்கு ஆளாகின்றனர். இது குழந்தை உளவியலுக்கு எதிரானது.

துன்புறுத்தல்!

ஆன்லைன் வகுப்புகளால் அதிக கேட்ஜெட் பயன்பாட்டில் ஈடுபடும் பல குழந்தைகள் ஆன்லைன் கேம்ஸுக்கு அடிமையாகி உள்ளதாகப் பெற்றோர் புகார் தெரிவிக் கின்றனர். தன் வீட்டில் செல்போன் இல்லாத குழந்தைகள் அதற்காக உறவினர்களையோ தெரிந்தவர்களையோ சார்ந்திருக்கலாம். இதனால் அவமானம், பாலியல் ரீதியான துன்புறுத்தல்களை குழந்தைகள் சந்திக்க நேர்கிறது.

கற்றலில் வேறுபாடு!

முதலாம் வகுப்பு படித்த குழந்தை இரண்டு ஆண்டுகள் ஆன்லைன் வகுப்பில் படித்துவிட்டு நேராக நான்காம் வகுப்புக்குப் பள்ளி செல்கிறது என்று வைத்துக்கொள்வோம். அந்தக் குழந்தைக்கு எழுத்துகளை அடையாளம் காண்பதில்கூட பிரச்னை இருக்கும். 2, 3-ம் வகுப்பில் படிக்க வேண்டியதைப் படிக்காமல் நான்காம் வகுப்புக்கு வந்ததும் பாடத்திட்டத்தை மட்டும் குறைத்துக் கொடுப்பதால் பயனில்லை. பெரிய வகுப்பு மாணவர்களுக்கும் அவர்கள் இழந்த நேரடி வகுப்புகளுக்கான இடைவெளி இருக்கவே செய்யும்.

ஆன்லைன் வகுப்புகள்... மாணவர்கள் பெற்றதும் இழந்ததும்!

சமூக இணக்கம்

குழந்தைகள் வீடுகளுக்குள்ளேயே முடங்கி யிருப்பதால் தன் வயதுக் குழந்தைகளுடன், சமூகத்துடன் பழகுவதில்லை. சமூகத்துடன் பழகும்போதுதான் குழந்தைகள் வாழ்க்கைக் கல்வியைக் கற்றுக்கொள்வார்கள். காலையில் எழுந்து, குளித்து, சாப்பிட்டு, பள்ளிக்குச் செல்ல வேண்டும் என்ற ஒரு பொது ஒழுங்குக்கு குழந்தை பழகியிருக்கும். ஆன்லைன் வகுப்புகள் எப்போது வேண்டுமானாலும் குளித்துக் கொள்ளலாம், சாப்பிட்டுக் கொள்ளலாம் என்ற புதிய முறைக்குப் பழக்கியிருக்கும். இதையெல்லாம் மீண்டும் பழைய நிலைக்குக் கொண்டுவருவது சவாலான காரியம்.

ஆன்லைன் வகுப்புகளில் எந்தக் குழந்தைக்கு என்ன பிரச்னை இருக்கிறது, எதில் பின்தங்கி யிருக்கிறது என்பதைத் தனித்தனியாக மதிப்பீடு செய்து, அந்த விஷயங்களை மேம்படுத்த கவனம் செலுத்த வேண்டும்” என்கிறார்.