Published:Updated:

`புது ஐடியாக்களும் திறன்களும் அவசியம்!’ - விகடன் டிஜிட்டல் எக்ஸ்போவில் சங்கர் வேணுகோபால்#EducationExpo #LiveUpdates

டாக்டர் சங்கர் வேணுகோபால்
டாக்டர் சங்கர் வேணுகோபால்

``ரயில்வே டி.ஜி.பி மற்றும் தீயணைப்பு, மீட்புப் பணிகள் துறையின் இயக்குநர் டாக்டர் சைலேந்திர பாபு உரையாற்ற உள்ளார். இவருடன் பிற கல்வியாளர்களும் உரையாற்ற உள்ளனர்”

09 May 2020 3 PM

“உயர்கல்வியைத் தேர்வு செய்வது எப்படி, எதிர்காலம் உள்ள படிப்புகள் எவை, நல்ல கல்லூரியைத் தேர்வு செய்வது எப்படி,...

Posted by Vikatan EMagazine on Saturday, May 9, 2020
10 May 2020 6 PM

பெற்ற தாயும் பிறந்த பொன்நாடும்!

ஆனந்த விகடன் மெகா டிஜிட்டல் கல்வி எக்ஸ்போவின் நிறைவுப்பகுதியாக “பெற்ற தாயும் பிறந்த பொன்நாடும்” என்ற தலைப்பில் பட்டிமன்ற பேச்சாளர் எஸ்.ராஜா உரையாற்றினார். “ தன்னலம் பாராமல் 24 மணிநேரம் நமக்காக உழைப்பவர்கள் தாய்தான்.இந்த லாக்டெளன் காலத்தில் நம்முடைய வீட்டில் இருந்த பழைய மதிப்பீடுகள் கொஞ்சம் மாறியிருக்கும் என நம்புகிறேன். குடும்பத்தில் எவ்வளவு நெருக்கடி இருக்கும் என பிள்ளைகள் பார்த்திருப்பீர்கள். தயவு செய்து உங்கள் வாழ்க்கையை சரியாக பாருங்கள். உங்களுக்கு எந்த துறையில் ஆர்வம் இருக்கிறதோ அதை தேர்வு செய்துக்கொள்ளுங்கள். உங்கள் வாழ்க்கையை நீங்கள் சரியாக வழிக்காட்டிக்கொள்ளுங்கள். எந்த காலத்திலும் வழிமாறி விடாதீர்கள்.

பட்டிமன்ற பேச்சாளர் எஸ்.ராஜா
பட்டிமன்ற பேச்சாளர் எஸ்.ராஜா

என்னுடைய மதிப்பெண்கள் நிறைய இருந்தும் எனக்கு கல்லூரியில் இடம்கிடைத்தும் அதற்கான கட்டணம் கட்ட முடியாமல் அமெரிக்கன் கல்லூரி வாசலில் நின்று அழுத காலம் எனக்கு இருக்கிறது. சொன்னால் நம்பமாட்டீர்கள் ஒரு வருட கட்டணமான ரூ 84.50 பைசா என்னிடம் இல்லாமல் கல்லூரி வாசலில் அழுதுக்கொண்டிருந்தேன். அப்போது இருசக்கர வாகனத்தில் வந்த சாலமன் பாப்பையா என்னிடம் ஏன் அழுகிற எனக் கேட்டு என்னுடைய முதல் கட்டணத்தை அவர்தான் கட்டினார். எனக்கு அந்தநாள் நினைவிருக்கிறது.’என்றார்.

10 May 2020 12 PM

கிரியேட்டிவிட்டியும் பாஸிட்டிவிட்டியும் முக்கியம்!

பல்வேறு துறைகளிலும் நமது திறன்களை வளர்த்துக்கொள்வது குறித்து பேசிய டாக்டர் சங்கர் வேணுகோபால், ``எந்த துறையாக இருந்தாலும் சவால்களை சமாளிப்பதற்கான சில திறன்களை வளர்த்துக் கொண்டால் அதை சமாளிக்க முடியும். சின்ன சின்ன பயிற்சிகளின் மூலம் நிறைய ஐடியாக்களை வளர்த்துக்கோள்ள முடியும். அந்த ஐடியாக்களுக்கு செயல் வடிவம் கொடுப்பதன் மூலம் மிகப்பெரிய மாற்றத்தை ஏற்படுத்த முடியும். இந்த மோசமான சூழ்நிலையில்கூட நமக்கு தேவையானது கிரியேட்டிவிட்டியும் பாஸிட்டிவிட்டியும்தான்” என்று பேசினார். மேலும், இதுதொடர்பான சில நுணுக்கமான விஷயங்களையும் எடுத்துக்காட்டுகள் மூலமாக விளக்கினார்.

டாக்டர் சங்கர் வேணுகோபால்
டாக்டர் சங்கர் வேணுகோபால்
vikatan

மதியம் 3 மணி முதல் ஆனந்த விகடன் மெகா டிஜிட்டல் கல்வி எக்ஸ்போவில் பட்டிமன்றம் ராஜா உட்பட கல்வியாளர்கள் பலரும் உங்களுடன் உரையாடுகிறார்கள்.

வெபினாரில் கலந்து கொள்ள -> https://bit.ly/vikatandigitalexpo Meeting ID: 375 122 1038

10 May 2020 11 AM

படிப்பதற்கான வழிமுறைகளை நாம் மாற்ற வேண்டும்!

இன்ஜினீயரிங் துறையில் உள்ள பல்வேறு துறைகளைப் பற்றி விளக்கிய முனைவர் D.வாசுதேவன், ``இன்ஜினீயரிங் படித்தால் வேலை கிடைக்குமா என்கிற சந்தேகம் அனைவருக்கும் இருக்கும். நிச்சயம் வேலை கிடைக்கும். ஆனால், சரியான கல்லூரிகளையும் சரியான துறைகளையும் தேர்வு செய்வது முக்கியம். மேலும், படிப்பதற்கான வழிமுறைகளையும் நாம் மாற்ற வேண்டும்" என்று கூறினார். மேலும், கல்லூரிகளை தேர்வு செய்வதற்கான முறைகளைக் குறித்தும் பல்வேறு துறைகளின் எதிர்காலம் குறித்தும் விளக்கினார்.

முனைவர் D.வாசுதேவன்
முனைவர் D.வாசுதேவன்
vikatan

வெபினாரில் கலந்து கொள்ள -> https://bit.ly/vikatandigitalexpo Meeting ID: 375 122 1038

10 May 2020 10 AM

அனைத்து மருத்துவப் படிப்புகளுக்கும் நீட் தேவையில்லை!

நீட் தேர்வு வந்தபிறகு மருத்துவம் சார்ந்த படிப்புகளைப் படிப்போர் எண்ணிக்கை குறைந்து வருவதாக புள்ளிவிவரங்கள் கூறுகின்றன. இந்தநிலையில், விகடன் எக்ஸ்போவில் பேசிய கல்வியாளர் ரமேஷ் பிரபா, `அனைத்து மருத்துவப் படிப்புகளுக்கும் நீட் தேவையில்லை’ என்று கூறி நீட் தேவைப்பாடாத மருத்துவப் படிப்புகள் என்னென்ன? அவற்றை எங்கு படிக்கலாம் என்பதையும் விரிவாக விளக்கினார். மருத்துவம், கலை மற்றும் அறிவியல், சட்டம் மற்றும் இன்ஜினீயரிங் என பல்வேறு துறைசார்ந்த படிப்புகள் குறித்தும் அவர் விளக்கினார்.

கல்வியாளர் ரமேஷ் பிரபா
கல்வியாளர் ரமேஷ் பிரபா
vikatan

வெபினாரில் கலந்து கொள்ள -> https://bit.ly/vikatandigitalexpo Meeting ID: 375 122 1038

09 May 2020 4 PM
`புது ஐடியாக்களும் திறன்களும் அவசியம்!’ - விகடன் டிஜிட்டல் எக்ஸ்போவில் சங்கர் வேணுகோபால்#EducationExpo #LiveUpdates

`கல்லூரி காலம் என்பது ஒவ்வொரு மாணவருக்கும் முக்கியமான காலம். அந்தக் காலத்தை மாணவர்கள் எவ்வாறு பயன்படுத்துகிறார்கள் என்பதைப் பொருத்துதான் அவர்களுடைய எதிர்காலம் தீர்மானிக்கப்படும்’

– டாக்டர் சங்கர சரவணன்

09 May 2020 12 PM

வேலையைத் தருவது மட்டும் கல்வி அல்ல!

உலகத்தில் எந்த மூலைக்குச் சென்றாலும் வெற்றிபெறலாம் என்ற தன்னம்பிக்கையைத் தருவதுதான் கல்வி. வேலையைத் தருவது மட்டும் கல்வி அல்ல. நேரமும் கல்வியும் இருந்தால் நிச்சயமாக வெற்றி கிடைக்கும்.

- நெடுஞ்செழியன்

நெடுஞ்செழியன்
நெடுஞ்செழியன்
vikatan

வெபினாரில் கலந்துகொள்ள -> https://bit.ly/vikatandigitalexpo

Meeting ID: 375 122 1038

09 May 2020 11 AM

ஐ.டியில் வேலை செய்ய எந்தத் துறை படித்தாலும் சரியா?

பி.சுபாராமன்
பி.சுபாராமன்
vikatan

ஐ.டி துறை தொடர்பாக ஹெச்.சி.எல் நிறுவனத்தின் மதுரை கிளை துணைத் தலைவர் பி.சுபாராமன், ``பன்னிரண்டாம் வகுப்பு முடித்த மாணவர்களுக்கு ஐ.டி துறையில் வேலை செய்யத் தேவையான பயிற்சிகளை ஒருவருடம் ஐ.டி நிறுவனங்களே வழங்குகின்றன. பயிற்சி முடிந்ததும் அவர்களுக்கு நேரடியாக வேலை வழங்கப்படுகிறது” என்று கூறியுள்ளார். தொடர்ந்து ஐ.டி துறையில் உள்ள பல்வேறு விஷயங்கள் குறித்தும் பேசி வருகிறார்.

09 May 2020 10 AM
09 May 2020 10 AM

கல்வி எக்ஸ்போ!

`ரிஸ்ல்ட் வந்தாச்சா.. எவ்வளவும் மார்க்.. அடுத்து என்ன படிக்கப் போற?’ என்று பரபரப்பாக மாணவர்கள் இருக்கும் நேரம் இது. ஆனால், கொரோனா எல்லாவற்றையும் முடக்கி வைத்துள்ளது. எனினும், மாணவர்களிடையே அடுத்து என்ன படிக்கலாம் என்ற குழப்பம் நீண்டுகொண்டுதான் இருக்கும். இந்த நெருக்கடியான சூழலில் இருந்து, மாணவர்களுக்கும் பெற்றோருக்கும் வழிகாட்ட ஆனந்த விகடன் இணைய வழியில் `மெகா டிஜிட்டல் எஜுகேஷன் எக்ஸ்போ’ ஒன்றை ஏற்பாடு செய்துள்ளது. இந்த எக்ஸ்போவை ஒட்டி, தமிழகத்தின் பிரபல கல்வியாளர்கள், தன்னம்பிக்கை பேச்சாளர்கள் பங்கேற்கும் வெபினாரையும் ஆனந்த விகடன் நடத்துகிறது. இந்த வெபினாரில் எந்தப் படிப்பைத் தேர்வு செய்வது... எதிர்காலம் உள்ள படிப்பு எது... நல்ல கல்லூரியைத் தேர்வு செய்வது எப்படி.. இவை உள்ளிட்ட பல்வேறு கேள்விகளுக்குக் கல்வியாளர்கள் பதிலளிக்க உள்ளார்கள்.

விகடன் கல்வி எக்ஸ்போ
விகடன் கல்வி எக்ஸ்போ

கல்வி எக்ஸ்போவின் முதல் நாளான இன்று கல்வியாளரும் அரசு அதிகாரியுமான சங்கர சரவணன் `கல்லூரிச் சாலை’ என்ற தலைப்பில் மாணவர்களிடமும் பெற்றோரிடமும் உரையாடுகிறார். மேலும், YOU CAN DO IT " என்ற தலைப்பில் உங்களோடு உரையாட இருக்கிறார், ரயில்வே டி.ஜி.பி மற்றும் தீயணைப்பு, மீட்புப் பணிகள் துறையின் இயக்குநர் டாக்டர் சைலேந்திர பாபு உரையாற்ற உள்ளார். இவருடன் பிற கல்வியாளர்களும் உரையாற்ற உள்ளனர்.

அடுத்த கட்டுரைக்கு