Published:Updated:

விளம்பரங்கள்... களேபரங்கள்!

விளம்பரங்கள்... களேபரங்கள்!
பிரீமியம் ஸ்டோரி
விளம்பரங்கள்... களேபரங்கள்!

முன்பெல்லாம் அரசியல் கட்சிகளின் பிரசாரம், தேர்தல் அறிக்கை, செயல் திட்டங்கள் ஆகியவற்றை மக்களிடம் சேர்க்கும் கருவியாகத்தான் விளம்பரங்கள் இருந்தன.

விளம்பரங்கள்... களேபரங்கள்!

முன்பெல்லாம் அரசியல் கட்சிகளின் பிரசாரம், தேர்தல் அறிக்கை, செயல் திட்டங்கள் ஆகியவற்றை மக்களிடம் சேர்க்கும் கருவியாகத்தான் விளம்பரங்கள் இருந்தன.

Published:Updated:
விளம்பரங்கள்... களேபரங்கள்!
பிரீமியம் ஸ்டோரி
விளம்பரங்கள்... களேபரங்கள்!

கடந்தகால தேர்தல்களுடன் ஒப்பிடுகையில், 2021 சட்டமன்றத் தேர்தலில் அரசியல் கட்சிகளின் விளம்பரங்கள் மிக அதிகம். அதைவிட அதிகம் விளம்பர மோதல்கள்! பிரசார இறுதிக்கட்டத்தில் ‘வெற்றிநடை போடும் தமிழகமே...’ என்று ஆளுங்கட்சி ஆரம்பித்தால், ‘கோமாளிகளை நிராகரிப்போம்’ என்று பதிலடி தருகிறது எதிர்க்கட்சி. ‘நான் ரெடி... நீங்க ரெடியா?’ என்று எதிர்க்கட்சி ஆரம்பித்தால், அச்சுறுத்தும் பி.ஜி.எம் பின்னணியுடன் ரெளடிகளை நிறுத்தி, ‘தி.மு.க-வை நிராகரிப்போம்’ என்று மிரட்டுகிறது ஆளுங்கட்சி!

விளம்பரங்கள்... களேபரங்கள்!

இப்படி ஒன்றல்ல... இரண்டல்ல... 10-க்கும் மேற்பட்ட ‘வெற்றிநடை’ரீதியிலான விளம்பரங்களை அ.தி.மு.க வெளியிட... அதற்கு கவுன்ட்டராக காஸ் சிலிண்டர், பெட்ரோல் விலை உயர்வு, வேலையில்லாத் திண்டாட்டம், குறு, சிறு தொழில்கள் முடக்கம், மத்திய அரசுக்கு அடிமைகளாக இருப்பது எனப் போட்டி விளம்பரங்களை வெளியிட்டு, ஆளுங்கட்சி விளம்பரங்களை ‘என்கவுன்ட்டர்’ செய்திருக்கிறது தி.மு.க. இதற்கெல்லாம் பதிலடி தருவதுபோல தேர்தல் பரப்புரை முடியும் கடைசிநாளில் தமிழகத்தில் வெளியான பெரும்பாலான நாளிதழ்களில் பத்தாண்டுகளுக்கு முன்பு தி.மு.க ஆட்சியில் நடந்த நில அபகரிப்பு உள்ளிட்ட நெகட்டிவ் சம்பவங்களைச் செய்திகளைப் போலவே நான்கு பக்கங்களுக்கு விளம்பரமாக வெளியிட்டிருக்கிறது, அ.தி.மு.க முகாம்! இது, இரு கட்சிகளுக்குமே ஆதரவாகவும், எதிராகவும், கலவையாகவும் எனச் சமூக வலைதளங்களில் பெரும் தாக்கத்தை ஏற்படுத்தியிருக்கிறது. இந்த முறை அரசியல் கட்சிகள் விளம்பரங்களுக்கு இந்த அளவு முக்கியத்துவம் கொடுக்கக் காரணம் என்ன, அவை தேர்தலில் தாக்கத்தை ஏற்படுத்துமா என்பதை விவரிக்கத் தொடங்கினார் மூத்த பத்திரிகையாளர் ஜென்ராம்...

விளம்பரங்கள்... களேபரங்கள்!

‘‘மிகவும் உறுதியான அரசியல் கருத்து கொண்டோரிடம் இந்த விளம்பரங்கள் தாக்கத்தை ஏற்படுத்தாது என்றாலும் புதிய வாக்காளர்கள், நடுநிலையாளர்கள் எடுக்கும் முடிவில் ஓரளவேனும் சலசலப்பை ஏற்படுத்தும். நம் சிந்தனையில் ஒரு சலனத்தை உருவாக்கும் சக்தி விளம்பரத்துக்கு இருக்கிறது. அதற்காகத்தான் விளம்பரங்களுக்காகக் கோடிக்கணக்கில் பணத்தைக் கொட்டுகிறார்கள். அதே உத்தியைத்தான் தேர்தலுக்காக தற்போது அரசியல் கட்சிகள் பயன்படுத்துகின்றன.

முன்பெல்லாம் அரசியல் கட்சிகளின் பிரசாரம், தேர்தல் அறிக்கை, செயல் திட்டங்கள் ஆகியவற்றை மக்களிடம் சேர்க்கும் கருவியாகத்தான் விளம்பரங்கள் இருந்தன. ஆனால் இன்று, தலைவர்களை மக்களிடம் அறிமுகம் செய்யவே... தலைவரின் முகத்தை மக்கள் மனதில் பதியவைக்கவே விளம்பரங்கள் தேவைப்படுகின்றன. சொல்லப்போனால், ஒரு கட்சியின் மொத்த தேர்தல் நிகழ்வுகளையும் விளம்பரங்கள் மூலமாகத்தான் கொண்டுசேர்க்க வேண்டிய நிலை ஏற்பட்டுள்ளது. அந்த அளவுக்குத் தலைவர்கள் தங்களைச் சந்தைப்பொருளாகவும், விற்பனைச் சரக்குகளாகவும் மாற்றிக் கொண்டிருக்கிறார்கள். இதற்குத் தேர்தல் வியூகங்களை வகுக்கும் நிறுவனங்கள் மார்க்கெட்டிங் ஏஜென்சிகளாகச் செயல்படுகின்றன. எதிர்காலத்தில் இது அதிகரிக்கவே செய்யும்’’ என்றார்.

விளம்பரங்கள்... களேபரங்கள்!

இந்த முறை டி.வி மற்றும் நாளிதழ்களின் விளம்பரங்களைவிட டிஜிட்டல் விளம்பரம் சக்கைபோடு போடுகின்றன. 2016-ல் லேசாக தலைகாட்டத் தொடங்கிய டிஜிட்டல் விளம்பரங்கள், இந்த முறை தேசிய அளவில் 60 கோடி ரூபாய்க்கு கல்லாகட்டியிருக்கின்றன. ‘இந்திய அளவில் அனைத்துக் கட்சிகளும் 2019, பிப்ரவரி மாதம் தொடங்கி தேர்தல் காலம் வரை கூகுள் மற்றும் யூடியூப் தளங்களில் 19,000-க்கும் அதிகமான விளம்பரங்களை வெளியிட்டுள்ளன’ என்கிறது Google Transparency Report. இதில், அதிகபட்சமாக பா.ஜ.க 17.92 கோடி ரூபாயும், தி.மு.க 15 கோடி ரூபாயும், அ.தி.மு.க 4.5 கோடி ரூபாயும், காங்கிரஸ் 2.9 கோடி ரூபாயும், நாம் தமிழர் கட்சி 9.10 லட்சம் ரூபாயும், மக்கள் நீதி மய்யம் 1.34 லட்சம் ரூபாயும் செலவிட்டுள்ளன. இவை தவிர, ஃபேஸ்புக் விளம்பரத்துக்காக தமிழகக் கட்சிகள் 3.42 கோடி ரூபாய் செலவிட்டுள்ளன.

தொகையைப் பார்த்தால், தலையைச் சுற்றுகிறது... இனிமேல் பேச்சுக்குக்கூட ‘சும்மா ஒரு விளம்பரம்’ என்று சொல்லக் கூடாதுபோல!