Published:Updated:

அசைவ யாகம்... நள்ளிரவு பூஜை... யானை ஆசி!

அசைவ யாகம்... நள்ளிரவு பூஜை... யானை ஆசி!
பிரீமியம் ஸ்டோரி
அசைவ யாகம்... நள்ளிரவு பூஜை... யானை ஆசி!

அரசியல்வாதிகளிடம் ‘சர்வ ஜெயம்’ என்கிற பூஜை மிகப் பிரபலம்.

அசைவ யாகம்... நள்ளிரவு பூஜை... யானை ஆசி!

அரசியல்வாதிகளிடம் ‘சர்வ ஜெயம்’ என்கிற பூஜை மிகப் பிரபலம்.

Published:Updated:
அசைவ யாகம்... நள்ளிரவு பூஜை... யானை ஆசி!
பிரீமியம் ஸ்டோரி
அசைவ யாகம்... நள்ளிரவு பூஜை... யானை ஆசி!

நடந்து முடிந்த சட்டசபைத் தேர்தலில் கடைசிகட்ட பிரசாரம், கடைசி நிமிட பண விநியோகம் ஆகியவற்றை போலவே வேட்பாளர்கள் சிலர் கடைசி கட்டத்தில் தீவிரமாக யாகங்களையும் பூஜைகளையும் நடத்தியிருக்கிறார்கள்... இன்னும் சிலர் வாக்கு எண்ணிக்கை நாள் வரை நள்ளிரவு பூஜைகளை நடத்திக்கொண்டிருக்கிறார்கள்!

அசைவ யாகம்... நள்ளிரவு பூஜை... யானை ஆசி!

அமைச்சர் ஒருவரின் உதவியாளர், இந்த பூஜைகள் குறித்து நம்மிடம் விவரித்தார். “அரசியல்வாதிகளிடம் ‘சர்வ ஜெயம்’ என்கிற பூஜை மிகப் பிரபலம். தயிர், நெய், வெண்ணெய், காய்கறி, அரிசி சாதம் என சைவ பதார்த்தங்களை யாக குண்டத்தில் படையலிட்டு, யார் பெயரில் யாகம் செய்யப்படுகிறதோ, அவரின் வெற்றியை உறுதிசெய்ய ஒரு லட்சம் முறை மந்திரங்கள் உருவேற்றப்படும். இந்த முறை தேர்தல் கிட்டத்தட்ட போர்போல நடப்பதால், ‘சர்வ ஜந்து நாசம்’ என்ற பூஜையை அறிமுகப்படுத்தியிருக்கிறோம். இதில் ரத்தப் பொரியல், சமைத்த ஆட்டுக்கறி, கோழிக்கறி, மாட்டுக்கறி உள்ளிட்ட அசைவ பதார்த்தங்களைப் படையலிட்டு, எதிரியின் வியூகங்களை உடைப்பதற்கு மந்திரங்கள் உருவேற்றப்படும். எதிரிகளின் திட்டங்களை சர்வ நாசம் செய்யும் இந்த பூஜையை, தமிழகத்தின் வட மாவட்ட அமைச்சர் ஒருவர், தென்மாவட்ட அமைச்சர் ஒருவர் உட்பட பலரும் செய்திருக்கிறார்கள்.

இது தவிர, தமிழகத்தைச் சேர்ந்த பல்வேறு அரசியல் வி.ஐ.பி-கள் நள்ளிரவு பூஜைக்கு ஆட்களை அழைத்திருக்கிறார்கள். ‘ரத்த புஷ்பாஞ்சலி’ என்றழைக்கப்படும் இந்த பூஜை, வெற்றியில் தோஷம் கழிப்பதற்காக நடத்தப்படுகிறது. வாக்குப்பதிவுக்கு முதல்நாள் ஏப்ரல் 5-ம் தேதி ஆரம்பித்து, வாக்கு எண்ணிக்கை நடைபெறவிருக்கும் மே 2-ம் தேதி வரை இந்த பூஜை நாள்தோறும் நள்ளிரவு 12 மணிக்கு நடைபெறவிருக்கிறது. சிவப்பு நிற பூக்களால் தேவியை அர்ச்சித்து, வாசனைத் திரவியங்கள், பட்டு உடைகளை யாக குண்டத்தில் படையலிட்டு இந்த பூஜையை நடத்துகிறார்கள். இன்னும் சிலர் ஆடு மற்றும் எருமை மாடுகளை வெட்டி பலி கொடுத்து பூஜையை நடத்துகிறார்கள். தென்மாவட்டத்தைச் சேர்ந்த மூத்த அரசியல் தலைவர் ஒருவர் கேரள மாநிலம், கோழிக்கோட்டிலுள்ள ஒரு பண்ணையில் இந்த பூஜையை கடந்த ஒரு வாரமாக நடத்திவருகிறார்” என்று மிரளவைத்தார்கள்!

அசைவ யாகம்... நள்ளிரவு பூஜை... யானை ஆசி!

இவர்கள் இப்படியென்றால் இன்னொரு பக்கம் தனது நடை, உடை பாவனைகளை மந்திரவாதியைப்போலவே மாற்றிக்கொண்ட தென்மாவட்ட கோட்டைப் பிரதிநிதி ஒருவர், தனது ஜாதகத்தை ஜோதிடரிடம் காட்டியிருக்கிறார். “ஜாதகத்தில் குரு தசை நடப்பதால், குருவின் வாகனமான யானைக்கு தினமும் பரிகார பூஜை செய்தால் வெற்றி கைகூடும்” என்று சொன்னாராம் அந்த ஜோதிடர். இதையடுத்து, கேரளாவிலிருக்கும் தனியார் எஸ்டேட்டிலிருந்து யானையை வாடகைக்கு வரவழைத்த கோட்டைப் பிரதிநிதி, தினசரி வீட்டைவிட்டுக் கிளம்பும்போதெல்லாம் யானையை வணங்கி, துதிக்கையால் மாலையைப் பெற்றுக்கொண்ட பிறகே வாசல் தாண்டுகிறாராம்.

இப்பவே கண்ணைக் கட்டுதே!