Published:Updated:

`இந்த ஆண்டு மலர்க் கண்காட்சியை இணைய வழியாகவே காணலாம்!' - வனத்துறை அமைச்சர்

ஒட்டுமொத்த விகடனுக்கும் ஒரே ஷார்ட்கட்

Use App
வனத்துறை அமைச்சர் ராமச்சந்திரன்
வனத்துறை அமைச்சர் ராமச்சந்திரன்

கொரோனா பொது முடக்கம் காரணாமாக மக்கள் வீட்டிலிருந்தே ஊட்டி மலர் கண்காட்சியை இணைய வழியில் கண்டு ரசிக்கும் திட்டத்தை வனத்துறை அமைச்சர் ராமச்சந்திரன் தொடங்கி வைத்தார்.

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

சர்வதேச சுற்றுலா சிறப்பு வாய்ந்த நீலகிரிக்கு வரும் சுற்றுலாப் பயணிகளை மகிழ்விக்கும் வகையில் ஒவ்வோர் ஆண்டும் மே மாதத்தில் கோடை விழா நடத்தப்படுவது வழக்கம். இந்தக் கோடை விழா சமயத்தில் நூற்றாண்டுகளைக் கடந்து நடத்தப்பட்டுவரும் ஊட்டி மலர்க் கண்காட்சி, குன்னூரில் பழக்கண்காட்சி, கோத்தகிரியில் காய்கறிக் கண்காட்சி, கூடலூரில் வாசனைதிரவிய கண்காட்சி என ஒரு மாதத்துக்கு விழாக்கள் நடத்தப்படுவது வழக்கம்.

வனத்துறை அமைச்சர் ராமச்சந்திரன்
வனத்துறை அமைச்சர் ராமச்சந்திரன்

கொரோனா பெருந்தொற்று பரவலைக் கட்டுப்படுத்த அமல்படுத்தப்பட்ட ஊரடங்கு காரணமாகத் தொடர்ந்து இரண்டாவது ஆண்டாகக் கோடை விழாக்கள் அனைத்தும் ரத்து செய்யப்பட்டு பயணிகளுக்குத் தடை விதிக்கப்பட்டுள்ளது. வீட்டில் முடங்கிக்கிடக்கும் மக்கள் தங்களின் மன இருக்கத்தைப் போக்கும் முயற்சியாக ஒரே நேரத்தில் சுமார் 5 லட்சம் மலர்ச்செடிகளை இணைய வழியில் கண்டு ரசிக்கும் வகையில் சிறப்பு ஏற்பாட்டை நீலகிரி தோட்டக்கலைத்துறை ஏற்பாடு செய்திருந்தது. இந்த திட்டத்தைப் பார்வையிட்ட வனத்துறை அமைச்சர் ராமச்சந்திரன், இதை இன்று தொடங்கி வைத்தார். https://drive.google.com/drive/folders/1roQLpXMlMZJHrtWyEd8B_I9N7kjp5K9Q?usp=sharing இணைய வழியில் காண இந்த லிங்கையும் பகிர்ந்துள்ளனர்.

இது குறித்து பேசிய வனத்துறை அமைச்சர் ராமச்சந்திரன், ``கடந்த ஆண்டு கொரோனா பாதிப்பு காரணமாக மலர்க் கண்காட்சி ரத்து செய்யப்பட்டது. இம்முறையும் கொரோனா பாதிப்பு தமிழகத்தில் அதிகமாக உள்ளதால் மலர்க் கண்காட்சி ரத்து செய்யப்பட்டுள்ளது. மேலும், சுற்றுலா பயணிகள் வரவும் தடை விதிக்கப்பட்டுள்ளது. இதனால், அனைத்து மக்களும் இந்த மலர் அலங்காரங்களை இணைய வழியில் காணும் ஏற்பாட்டை தோட்டக்கலைத்துறை ஏற்பாடு செய்துள்ளது.

வனத்துறை அமைச்சர் ராமச்சந்திரன்
வனத்துறை அமைச்சர் ராமச்சந்திரன்

230 ரகங்களில் 35,000 பூந்தொட்டிகளில் வண்ண மலர்கள் பூத்துள்ளன. இதுதவிர ஒரே இடத்தில சுமார் 5 லட்சம் மலர்ச்செடிகள் பூத்துள்ள மலர்களைக் கண்டு ரசிக்க முடியும். நாட்டில் உள்ள அனைத்து மக்களும் வெளியில் வராமல் இணைய வழி மூலமாக இந்த மலர் அலங்காரங்களைக் கண்டு ரசிக்கலாம்" என்றார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு