Published:Updated:

தியாகத்துக்கு சல்யூட்!

தியாகத்துக்கு சல்யூட்!
பிரீமியம் ஸ்டோரி
தியாகத்துக்கு சல்யூட்!

தியாகத்துக்கு சல்யூட்!

தியாகத்துக்கு சல்யூட்!

தியாகத்துக்கு சல்யூட்!

Published:Updated:
தியாகத்துக்கு சல்யூட்!
பிரீமியம் ஸ்டோரி
தியாகத்துக்கு சல்யூட்!

‘மறத்தல் தகுமோ?’ - ஜூனியர் விகடன் இதழில் ராணுவ வீரர்களின் தியாக வாழ்க்கை குறித்து, காவல்துறை அதிகாரி ஸ்ரீகாந்த் எழுதிய தொடர். இந்த சாராம்சத்தின் அடிப்படையில், ராணுவ வீரர்களின் தியாகத்தை நினைவுகூரும் விதமாக, சென்னை அண்ணா பல்கலைக்கழத்தில், எஸ் பவுண்டேஷன் ‘மறத்தல் தகுமோ’ எனும்  நிகழ்ச்சியை நடத்தியது. இதில், நிஜ ஹீரோக்களான ராணுவ வீரர்களைப் பற்றிய பேச்சுப்போட்டி நடைபெற்றது. 

தியாகத்துக்கு சல்யூட்!

இந்தப் போட்டிக்காக தமிழகத்தின் பல்வேறு கல்லூரிகளிலிருந்து, பல சுற்றுகள் நடத்தப்பட்டு இறுதிச்சுற்றுக்கு 11 மாணவர்கள் தேர்வாகி யிருந்தனர். அந்த 11 பேரும் கலந்துகொள்ள, சிறப்பு விருந்தினர்களாகக் கலந்துகொண்டவர் களில் ஒருவர் ‘லெட்டர்ஸ் ஃப்ரம் கார்கில்’ புத்தகத்தை எழுதிய திக் ஷா த்வேதி.  இன்னொருவர் சென்ற ஆண்டு ராணுவத் தாக்குதலில் உயிரிழந்த ராணுவ வீரர் இளையராஜாவின் மனைவி செல்வி. தன் கணவர் இறந்தபோது, செல்வி கர்ப்பிணி.

நிகழ்வில் தன் ஏழு மாதக் குழந்தையுடன் மேடையேறிய செல்வி இளையராஜா, ‘மிக்க நன்றி’ என்று மட்டுமே கூறினார். அவ்வளவுதான் அவரால் பேச முடிந்தது. உண்மையில் நன்றியை இந்த நாடுதான் செல்விக்குச் சொல்ல வேண்டும்.
 செல்வியிடம் பேசியபோது ‘‘இன்னும் அவர் இறந்த சோகத்திலிருந்து நான் வெளி வரவேயில்லை. கர்ப்பமா இருக்கும்போதே, என் பையனுக்கு ‘குணால்சிங் ராஜா’ என்று பெயர் வைத்துவிட்டார். எம்.பில் முடிச்சிருக்கிறேன். வேலைக்குப் போய் என் பையனைக் காப்பாத்தணும்’’ என்றார். பெயரை வெளியிட விரும்பாத ஒருவர், நிகழ்வில் அவருக்கு ஒரு லட்ச ரூபாய் உதவித்தொகையாக அளித்தது, அரங்கை நெகிழவைத்தது.

இந்த நிகழ்ச்சியை நடத்திய வழக்கறிஞர் கே.சுமதி, “சென்ற ஆண்டு இந்த நிகழ்ச்சிக்கு 300 பேர் வந்திருந்தார்கள். இந்த ஆண்டு 500 பேர் வந்திக்கிறார்கள். மாணவர்களிடம், நம் நாட்டுக்காகத் தியாகம் செய்த, செய்துகொண்டி ருக்கிற வீரர்களைப் பற்றி நினைவுபடுத்திக் கொண்டிருந்தால், அவர்களுக்கு தேசப் பற்றும் பொறுப்பும் வரும். அதுதான் எங்களுடைய நோக்கம். இதற்கு மறத்தல் தகுமோ என்று பெயர் வைத்ததற்குக் காரணமாக இருந்த விகடனுக்கு நன்றி” என்றார்.

நிகழ்ச்சி முடிந்து வெளியே வந்தபோது நெஞ்சு முழுக்க நிறைந்திருந்தது, ‘இது என் தேசம்’ என்ற பெருமிதம்.

எம்.ஆர்.ஷோபனா

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism