Published:Updated:

பாரம்பர்ய அரிசித் திருவிழா!

ஒட்டுமொத்த விகடனுக்கும் ஒரே ஷார்ட்கட்

Use App
பாரம்பர்ய அரிசித் திருவிழா!
பாரம்பர்ய அரிசித் திருவிழா!

நாட்டு நடப்பு

பிரீமியம் ஸ்டோரி

வேலூர் மாவட்டம், ஆற்காட்டில் உள்ள தக்கான்குளத்தில் கடந்த மார்ச் 3-ஆம் தேதி, தொண்டை மண்டல இயற்கை விவசாயிகள் கூட்டமைப்பின் சார்பில்... ‘பாரம்பர்ய அரிசித் திருவிழா’ நடைபெற்றது. விழாவில் புதுச்சேரி சட்டப்பேரவை துணைத்தலைவர் சிவக் கொழுந்து, சித்த மருத்துவர் சிவராமன், வி.ஐ.டி துணைத்தலைவர் வி.செல்வம் ஆகியோர் கலந்துகொண்டனர். முதல் நிகழ்வாக... ‘இயற்கை வேளாண் விஞ்ஞானி’ கோ.நம்மாழ்வார், ‘நெல்’ ஜெயராமன் ஆகியோரின் படங்களுக்கு மாலை அணிவித்து மரியாதை செலுத்தப்பட்டது. 

பாரம்பர்ய அரிசித் திருவிழா!

விழாவில் பேசிய சித்த மருத்துவர் சிவராமன், “காலங்காலமாக நம் முன்னோர் எடுத்துக் கொண்ட உணவு ஆரோக்கியமான உணவாகத்தான் இருந்து வந்திருக்கிறது. கடந்த 15 ஆண்டுகளாக உணவு மோசமாகிவிட்டது. நம் மரபு உணவை நாம் உண்ட பிறகு, அதன் எச்சங்கள்கூட இயற்கைக்கு நன்மை கொடுத்தன. மரபுவழி உணவை விளைவிக்கும்போதுதான் பல்லுயிர்ச்சூழல் நன்றாக இருக்கும்.

நம் நாட்டில் 1,60,000 அரிசி ரகங்கள் இருந்திருக்கின்றன. ஒவ்வொரு சூழல் சார்ந்தும், ஒவ்வொரு நிலம் சார்ந்தும், ஒவ்வொரு ரகமும் இருந்திருக்கிறது. கைக்குழந்தையாக இருக்கும்போது, பாலூட்டும்போது, வளரும் பருவத்தின்போது, வாலிபப் பருவத்தின்போது, நடுத்தர வயதின்போது, முதுமைக்காலத்தின் போது என ஒவ்வொரு பருவத்துக்கும் நாம் உண்ண வேண்டிய அரிசி ரகங்களை அடையாளம் காட்டியிருக்கிறார்கள், நம் முன்னோர். 

பாரம்பர்ய அரிசித் திருவிழா!

தற்போது, சர்க்கரை நோய் இருப்பவர்கள் அரிசி சாப்பிடக் கூடாது என்று உலகம் முழுக்கச் சொல்லப்படுகிறது. ஆனால், பாரம்பர்ய அரிசி ரகங்களைச் சர்க்கரை நோய் உள்ளவர்களும் சாப்பிடலாம். அதனால்தான் பாரம்பர்ய அரிசியை, ‘உணவே மருந்து’ என்று நம் முன்னோர் குறிப்பிட்டுள்ளனர்” என்றார்.

துரை.நாகராஜன் - படங்கள்: பெ.ராக்கேஷ் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு