Published:Updated:

விண்ணைத் தொட்ட கலாம்சாட் 2

விண்ணைத் தொட்ட கலாம்சாட் 2
பிரீமியம் ஸ்டோரி
News
விண்ணைத் தொட்ட கலாம்சாட் 2

விண்ணைத் தொட்ட கலாம்சாட் 2

றாவது முறையாக, ஜனவரி 24-ம் தேதி விண்ணில் செலுத்தப்பட்டுள்ளது பி.எஸ்.எல்.வி ராக்கெட். ஸ்ரீஹரிகோட்டா, இந்திய விண்வெளி ஆராய்ச்சி மையத்தில் கவுன்ட் டவுன் தொடங்கியதுமே, கலாம் சாட்-2 என்ற செயற்கைக்கோளைத் தயாரித்த குழு, பரபரப்பும் பரவசமும் பெற்றது.

‘ஸ்பேஸ் கிட்ஸ் இந்தியா’ நிறுவனம் மூலமாக 15 மாணவர்கள் இணைந்து தயாரித்ததுதான், ‘கலாம்சாட்-2’ செயற்கைக்கோள். இஸ்ரோ மூலம் ஏவப்படும் மாணவர்கள் தயாரித்த முதல் செயற்கைக்கோள் இது.  18 முதல் 20 வயதுள்ள மாணவர்கள்  தயாரித்தது. இந்தக் குழுவைச் சேர்ந்த ரிஃபாத் ஷாரூக், சுட்டி விகடனின் சீனியர் சுட்டி ஸ்டார் என்பது சிறப்பு.

விண்ணைத் தொட்ட கலாம்சாட் 2

கடந்த ஆண்டு ‘கலாம்சாட்’ என்ற உலகின் மிகச்சிறிய செயற்கைக்கோள், நாசாவிலிருந்து விண்ணில் ஏவப்பட்டது. இப்போது ஏவியுள்ள பி.எஸ்.எல்.வி ராக்கெட்டில், கலாம்சாட்டின் இரண்டாம் வெர்ஷனை அனுப்பியுள்ளனர் இந்தக் குழுவினர்.

குறைந்த செலவில், 3D பிரிண்டிங் என்ற செயல்முறையில் கலாம்சாட்டின் வடிவமைப்பைத் தயாரித்துள்ளார்கள். கையடக்கமாக இருக்கும் இந்தச் செயற்கைக்கோள் இப்போது விண்ணில்.

‘‘ ‘கலாம்சாட்-2’ ஒரு தொலைத்தொடர்பு செயற்கைக்கோள். இந்த நானோ செயற்கைக்கோள், பூமியின் சுற்றுவட்டப் பாதையில் மிகத் தாழ்வாக நிலை நிறுத்தப்படும். அதனால், இயற்கைப் பேரிடர்களின்போது மக்கள்தொடர்பு மற்றும் செய்திப் பரிமாற்றம் எளிமையாகச் சாத்தியப்படும். மிகவும் எடை குறைவான, அதேசமயம் உறுதியான உலோகங்களால் இது தயாரிக்கப்பட்டுள்ளது. இஸ்ரோவின் ராக்கெட்டில் எங்கள் செயற்கைக்கோள் ஏவப்பட வேண்டும் என்பது பல வருடக் கனவு.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இதைத் தயாரிக்க எடுத்துக்கொண்ட காலம், ஒரு வாரம் மட்டுமே. இந்த 15 பேர் போலவே நாட்டின் ஒவ்வொரு  மாணவரும் புதிய சாதனைகள் படைத்து இந்தியாவின் புகழை, விண்ணில் நிலைநாட்ட வேண்டும் என்றே விரும்புகிறோம்’’ எனப் புன்னகைக்கிறார் ரிஃபாத்.

உங்கள் கனவுகள் பல தொடர்ந்து சாதனைகளாக மாறட்டும்!

-  க.சுபகுணம்