Election bannerElection banner
Published:Updated:

கொரோனா: `4 லட்சத்தைத் தாண்டிய ஒரு நாள் பாதிப்பு!’ - இந்தியாவில் கொரோனா நிலவரம் #NowAtVikatan

கொரோனா
கொரோனா

01-05-2021 | இன்றைய முக்கிய நிகழ்வுகளின் தொகுப்பு..!

01 May 2021 9 AM

இந்தியாவில் கொரோனா நிலவரம்..!

இந்தியாவில் தொடர்ந்து கொரோனா பாதிப்பு அதிகரித்துவருகிறது. கடந்த 24 மணி நேரத்தில் இந்தியாவில் மேலும் புதிதாக 4,01,993 பேருக்கு கொரோனா பாதிப்பு ஏற்பட்டிருப்பதாக மத்திய சுகாதாரத்துறை தெரிவித்திருக்கிறது. இதன் காரணமாக, இந்தியாவில் மொத்த கொரோனா பாதிப்பு 1,91,64,969 என்ற எண்ணிக்கையை எட்டியிருக்கிறது.

கொரோனா பரிசோதனை
கொரோனா பரிசோதனை

கடந்த 24 மணி நேரத்தில் கொரோனா காரணமாக பலியானவர்களின் எண்ணிக்கை 3,523. இந்தியாவில் இதுவரை கொரோனா பாதிப்பு காரணமாக பலியானவர்களின் எண்ணிக்கை 2,11,853-ஆக உயர்ந்துள்ளது. இந்தியாவில் இதுவரை கொரோனா பாதிப்பிலிருந்து மீண்டு வந்தவர்களின் எண்ணிக்கை 1,56,84,406 -ஆக இருக்கிறது. தற்போது மருத்துவமனைகளில் 32,68,710 பேர் சிகிச்சையில் இருக்கிறார்கள். ஒரே நாளில் 2,99,988 பேர் பாதிப்பிலிருந்து மீண்டு, வீடு திரும்பியிருக்கிறார்கள்.

இந்தியாவில் இதுவரை 15,49,89,635 பேருக்குத் தடுப்பூசி போடப்பட்டிருக்கிறது.

01 May 2021 8 AM

குஜராத் மருத்துவமனையில் தீ விபத்து..! 

இந்தியாவில் தொடர்ந்து கொரோனா பாதிப்பு அதிகரித்துவருகிறது. மருத்துவமனைகள் நிரம்பி வழிகின்றன. ஓய்வின்றி இயங்கும் மருத்துவமனைகளில் தற்போது விபத்துகளும் அதிகரித்துள்ளன. மகாராஷ்டிராவில், ஆக்ஸிஜன் கசிவால் கொரோனா நோயாளிகள் பலியானதும், ஏ.சி வெடித்ததில் தீ விபத்து ஏற்பட்டு நோயாளிகள் பலர் பலியானதும் அதிர்ச்சி அளித்த நிலையில், தற்போது குஜராத் மருத்துவமனையிலும் தீ விபத்து ஏற்பட்டுள்ளது.

தீ விபத்து
தீ விபத்து

குஜராத் மாநிலம், பாரூச் நகரில் படேல் மருத்துவமனையில், கொரோனா நோயாளிகள் பலர் சிகிச்சை பெற்றுவந்தனர். இந்தச் சிகிச்சை மையத்தில் நேற்று நள்ளிரவில் திடீரென தீ விபத்து ஏற்பட்டது. தீயை அணைக்கும் முன்னர் பல கொரோனா நோயாளிகள் உடல் கருகியும் கடும் புகையினால் பாதிக்கப்பட்டும் பலியானார்கள். அதிகாலை நிலவரப்படி தீ விபத்தில் 12 பேர் பலியானதாகக் கூறப்பட்ட நிலையில், தற்போது பலி எண்ணிக்கை 16-ஆக அதிகரித்துள்ளது. மருத்துவமனையில் இருக்கும் மற்ற நோயாளிகள் வேறு பிரிவுக்கும், நகரின் மற்ற மருத்துவமனைகளுக்கும் கொண்டு செல்லப்பட்டனர். பலியான 16 நபர்களில் 14 பேர் கொரோனா நோயாளிகள் எனவும், 2 பேர் செவிலியர்கள் எனவும் தெரியவந்திருக்கிறது.

Election bannerElection banner
அடுத்த கட்டுரைக்கு