Election bannerElection banner
Published:Updated:

`மே 6 முதல் மளிகை, காய்கறி கடைகள் நண்பகல் 12 மணி வரை மட்டுமே அனுமதி!’ - புதிய கட்டுப்பாடுகள் அறிவிப்பு #NowAtVikatan

லாக் டெளன்
லாக் டெளன்

03-05-2021 | இன்றைய முக்கிய நிகழ்வுகளின் தொகுப்பு..!

03 May 2021 11 PM

புதிய கட்டுப்பாடுகள்!

தமிழகத்தில் கொரோனா பரவலை தடுக்க, புதிய கட்டுப்பாடுகள் அறிவிக்கப்பட்டுள்ளது. வரும் 6-ம் தேதி முதல் 20 -ம் தேதி வரை புதிய கட்டுப்பாடுகள் அமலில் இருக்கும் என தமிழக அரசு தெரிவித்துள்ளது.

மே 6-ம் தேதி முதல் அரசு மற்றும் தனியார் அலுவலகங்களில் 50 சதவீத ஊழியர்கள் மட்டுமே அனுமதி

இறைச்சிக் கடைகள் மீன் மார்க்கெட் உள்ளிட்டவை காலை 6 மணி முதல் மதியம் 2 மணி வரை மட்டுமே செயல்பட அனுமதி

வரும் 6 ஆம் தேதி முதல் தமிழகத்தில் தேனீர் கடைகள் நண்பகல் 12 மணி வரை மட்டுமே செயல்படும்!

மே 6ம் தேதி முதல் மளிகை மற்றும் பலசரக்கு கடைகள் மதியம் 12 வரை மட்டுமே அனுமதி

தனியாக செயல்படும் மளிகை, பலசரக்கு, காய்கறிக் கடையை தவிர சலூன் உட்பட அனைத்து கடைகளும் திறக்கத்தடை. பால், மருந்து கடைகள் வழக்கம் போல் செயல்படலாம்!

தமிழக அரசின் புதிய கட்டுப்பாடுகள் தொடர்பான முழு அறிவிப்பு....

download
03 May 2021 10 AM

ராஜினாமா செய்த பழனிசாமி... பதவியேற்கும் ஸ்டாலின்!

தமிழக தேர்தலில் பதிவான வாக்குகள் நேற்று, மே 2-ம் தேதி காலை முதல் எண்ணப்பட்டுவருகின்றன. பெரும்பாலான தொகுதிகளின் முடிவுகள் வெளியாகிவிட்டன. இன்னும் ஒரு சில தொகுதிகளின் வாக்கு எண்ணிக்கை மட்டும் தொடர்ந்து நடைபெற்றுவருகிறது. இந்தநிலையில் திமுக இந்தத் தேர்தலில் பெரும்பாலான இடங்களைக் கைப்பற்றியுள்ளது.

ஸ்டாலின்
ஸ்டாலின்

திமுக தலைவர் ஸ்டாலின், வரும் வெள்ளிக்கிழமை, அதாவது மே மாதம் 7-ம் தேதி முதல்வராகப் பதவியேற்கவிருப்பதாகத் தெரிவிக்கப்பட்டுள்ளது. கொரோனா பரவல் காரணமாக ஆளுநர் மாளிகையில் எளிய முறையில் பதவியேற்பு விழா நடைபெறும் எனத் தெரிவிக்கப்பட்டுள்ளது. நாளை திமுக எம்.எல்.ஏ-க்கள் கூட்டம் நடைபெறவிருக்கிறது. அதில், அவர் முறைப்படி முதல்வராகத் தேர்ந்தெடுக்கப்படுவார்.

இதற்கிடையே, தேர்தலில் திமுக பெரும்பான்மையான இடங்களில் முன்னிலையில் இருக்கும் நிலையில் தமிழக முதல்வராக இருந்துவந்த எடப்பாடி பழனிசாமி தனது பதவியை ராஜினாமா செய்திருக்கிறார்!

Election bannerElection banner
அடுத்த கட்டுரைக்கு