Published:Updated:

தமிழகத்தில் 580 பேருக்கு கொரோனா தொற்று – சென்னையில் தொடர்ந்து அதிகரிக்கும் எண்ணிக்கை #NowAtVikatan

கொரோனா
கொரோனா

7-5-2020 | இன்றைய முக்கிய நிகழ்வுகளின் தொகுப்பு!

07 May 2020 6 PM

தமிழகத்தில் 580 பேருக்கு கொரோனா தொற்று!

தமிழகத்தில் இன்று மட்டும் 580 பேருக்கு கொரோனா தொற்று உறுதிசெய்யப்பட்டுள்ளதாக தமிழக சுகாதாரத்துறை தரப்பில் தெரிவிக்கப்பட்டுள்ளது. இதனையடுத்து தமிழகத்தில் கொரோனா நோய்த் தொற்றால் பாதிக்கப்பட்டவர்களின் எண்ணிக்கை 5409-ஆக உயர்ந்துள்ளது. சென்னையில் மட்டும் இன்று 316 பேருக்கு பாதிப்பு உறுதிப்படுத்தப்பட்டுள்ளது. சென்னையில் கொரோனா நோய்த்தொற்றால் பாதிக்கப்பட்டவர்களின் எண்ணிக்கை 2,644 ஆக அதிகரித்துள்ளது.

07 May 2020 12 PM

போராட்டத்தால் திறக்காத டாஸ்மாக்!

இராமநாதபுரம் மாவட்டம் திணைக்குளம் கிராமத்தில் டாஸ்மாக் கடையை திறப்பதற்கு எதிர்ப்பு தெரிவித்து கிராம மக்கள் முற்றுகை போராட்டத்தில் ஈடுபட்டு வருகின்றனர். இதனால் மதியம் வரை கடை திறக்கப்படவில்லை.

07 May 2020 12 PM

கொரோனா நிதிக்காக கையேந்திய இளைஞர்!

இடம்: புதிய பேருந்து நிலையம் வேலூர் டாஸ்மாகில் நீண்ட வரிசையில் காத்திருந்து மதுபானங்களை வாங்கிச் செல்லும் மக்களிடம் கொரோனா நிதிக்கு பிச்சை எடுக்கும் சமூக ஆர்வலர் ராஜேஷ் வீடியோ.ச.வெங்கடேசன்

Posted by Vikatan EMagazine on Wednesday, May 6, 2020

நீண்ட நாள்களுக்கு பிறகு டாஸ்மாக் திறந்துள்ள நிலையில் மாநிலங்களில் பல இடங்களில் டாஸ்மாக் முன்பு கூட்டம் குவிந்துள்ளது. இதற்கிடையே, வேலூர் புதிய பேருந்து நிலையம் அருகே உள்ள டாஸ்மாக்கில் நீண்ட வரிசையில் காத்திருந்து மதுபானங்களை வாங்கிச் செல்லும் மக்களிடம் கொரோனா நிதி கோரி பிச்சை எடுத்து வருகிறார் சமூக ஆர்வலர் ராஜேஷ் என்பவர்.

07 May 2020 10 AM

டாஸ்மாக் கடையில் கூட்டம்!

ராமநாதபுரம் மாவட்டம் ராமேஸ்வரம் அருகே பாம்பன் பகுதியில் ஊரடங்கு தளர்த்தப் பட்ட நிலையில் இலவச ரேஷன் பொருள் பெறும்...

Posted by Vikatan EMagazine on Wednesday, May 6, 2020

ராமநாதபுரம் மாவட்டம் ராமேஸ்வரம் அருகே, பாம்பன் பகுதியில் ஊரடங்கு தளர்த்தப்பட்ட நிலையில், இலவச ரேஷன் பொருள்கள் பெறும் கூட்டமும், டாஸ்மாக் கடையில் சரக்கு வாங்கும் கூட்டமும் ஒரே நேரத்தில் ஒரே இடத்தில் உள்ளது.

07 May 2020 10 AM

போக்குவரத்துத் துறை சுற்றறிக்கை!

ஊரடங்கு முடிந்த பிறகு 50 சதவிகித பயணிகளுடன் அரசுப் பேருந்துகள் இயங்க வேண்டும் என்று தமிழக போக்குவரத்துத் துறை செயலாளர் தர்மேந்திர பிரதாப் யாதவ் சுற்றறிக்கை அனுப்பியுள்ளார். மேலும், ``ஓட்டுநர், நடத்துநர்களுக்கு மருத்துவப் பரிசோதனை செய்த பிறகே அனுமதி வழங்கப்படும். போக்குவரத்து ஊழியர்களுக்கு முகக்கவசம், கையுறை உள்ளிட்ட உபகரணங்கள் வழங்கப்பட வேண்டும். முகக்கவசம் அணிந்து வருபவர்களுக்கு மட்டுமே பேருந்தில் பயணிக்க அனுமதிக்கப்படுவார்கள். வரிசையில் நின்று பேருந்தில் ஏற வேண்டும். கூகுள் பே போன்ற செயலிகள் மூலம் ஆன்லைனில் கட்டணம் செலுத்த ஏற்பாடு என்று புதிய விதிமுறைகள் ஏற்படுத்தப்பட்டுள்ளன. அதேபோல் பயணிகளிடையே இருக்கையில் சமூக இடைவெளியைக் கடைபிடிக்கவும் அறிவுறுத்தியுள்ளது.

அடுத்த கட்டுரைக்கு