Published:Updated:

இன்ஃப்ராதுறைக்கு ரூ.102 லட்சம் கோடி ஒதுக்கீடு!

infrastructure industry
பிரீமியம் ஸ்டோரி
infrastructure industry

லாபத்துக்கு வாய்ப்புள்ள பங்குகள்!

இன்ஃப்ராதுறைக்கு ரூ.102 லட்சம் கோடி ஒதுக்கீடு!

லாபத்துக்கு வாய்ப்புள்ள பங்குகள்!

Published:Updated:
infrastructure industry
பிரீமியம் ஸ்டோரி
infrastructure industry

ந்தியப் பொருளாதாரம் மந்தநிலையில் இருப்பதைத் தொடர்ந்து, பொருளாதார வளர்ச்சியை வேகப்படுத்துவதற்கான ஒரு முயற்சியாக முக்கியமான ஒரு நடவடிக்கை எடுத்திருக்கிறார் நிதியமைச்சர் நிர்மலா சீதாராமன். புத்தாண்டு தினத்துக்கு முதல் நாளன்று அதை அறிவிக்கவும் செய்தார். `உள்கட்டமைப்புத்துறையின் வளர்ச்சிப் பணிகளுக்காக அடுத்த ஐந்து ஆண்டுகளில் ரூ.102 லட்சம் கோடி செலவிடப்படும்’ என்பதுதான் நிதியமைச்சர் அறிவிப்பின் சாராம்சம்.

infrastructure industry
infrastructure industry

ஏன் உள்கட்டமைப்பு?

உள்கட்டமைப்புத்துறையின் வளர்ச்சிதான் ஒரு நாட்டின் பொருளாதார வளர்ச்சிக்கு முதுகெலும்பு. இந்தியா போன்ற பரந்த தேசத்துக்கு உள்கட்டமைப்பு சிறப்பாக இருக்க வேண்டும்.இந்தியாவின் உள்கட்டமைப்பு உலகமயமாக்கலுக்குப் பிறகு, உலக வங்கி மற்றும் வெளிநாட்டு நிறுவனங்களின் பங்களிப்புடன் முன்னேற்றமடைந்துவருகிறது.

இந்தியாவின் உள்கட்டமைப்பு வளர்ச்சியில் தங்க நாற்கரச்சாலைத் திட்டம் நல்ல தொடக்கமாக அமைந்தது. தொடர்ந்து நாடு முழுவதும் உள்கட்டமைப்பு வசதிகளை அதிகரிப்பதற்கான பணிகள் முழுவீச்சில் தொடர்கின்றன; ஜி.எஸ்.டி., இ-வே பில், சுங்கச் சாவடிகளில் ஃபாஸ்டாக் வசதி என வரிசையாக மேம்பாட்டுப் பணிகள் நடைபெற்றுவருகின்றன.

சுணக்கத்தில் உள்கட்டமைப்புப் பணிகள்

போதுமான வங்கிக் கடன் கிடைக்காதது, குறைவான வருவாய், நிதிப் பற்றாக்குறை, உள்கட்டமைப்புப் பணிகள் திட்டமிட்டதைவிட விரிவடைந்துவருவது, எதிர்பார்த்த சுங்க வரி வசூல் இல்லாதது போன்ற காரணங்களால் கடந்த பத்து ஆண்டுகளாக உள்கட்டமைப்புப் பணிகளில் சுணக்கம் ஏற்பட்டது. அவற்றை ஒழுங்குபடுத்தி, 2019 டிசம்பர் இறுதிநாளில் அடுத்த ஐந்தாண்டுகளுக்கான திட்ட வரையறையை வெளியிட்டார் நிதியமைச்சர் நிர்மலா சீதாராமன். இந்த அறிவிப்பு, உள்கட்டமைப்புப் பணிகளில் ஈடுபட்டிருக்கும் தனியார் நிறுவனங்களுக்கு நம்பிக்கை அளிப்பதாகவும் ஊக்கம் அளிப்பதாகவும் அமைந்துள்ளது.

இன்ஃப்ராதுறைக்கு ரூ.102 லட்சம் கோடி ஒதுக்கீடு!

எவ்வளவு செலவிடப்பட்டிருக்கிறது?

கடந்த ஆறு ஆண்டுகளில் ரூ.51 லட்சம் கோடி வரை செலவிடப்பட்டிருப்பதாகவும், மொத்த உள்கட்டமைப்புப் பணிகளில் 63% பணிகள் ஏற்கெனவே நடந்துவருவதாகவும் நிதியமைச்சர் தெரிவித்திருக்கிறார். இந்தப் பணிகள் நல்ல முறையில் சரியாக நிறைவடைவதற்குத் தனியார்துறைகள், மாநிலங்கள், வங்கிகள், முதலீட்டாளர்கள் என அனைத்துத் தரப்பு ஒத்துழைப்பும் முழுமையாகத் தேவைப்படுகிறது.

இந்த உள்கட்டமைப்புத் திட்டப்பணிக்கான முதலீட்டு ஒதுக்கீட்டில், எரிசக்தித்துறைக்கு 24%, நகர்ப்புறக் கட்டமைப்புப் பணிகளுக்கு 16%, ரயில்வேதுறைக்கு 13%, சாலைப் போக்குவரத்துக்கு 19% என ஒதுக்கீடு செய்யப்பட்டிருக்கிறது. இவற்றில், ரயில்வேதுறைக்கு 10 சதவிகிதத்திலிருந்து 13 சதவிகிதமாகவும், நகர்ப்புறக் கட்டமைப்புக்கு 13 சதவிகிதத்திலிருந்து 16 சதவிகிதமாகவும் முதலீடு உயர்த்தப்பட்டிருக்கிறது. அடுத்த ஐந்து ஆண்டுகளுக்கு இந்தத் துறை சார்ந்த நிறுவனங்களின் வளர்ச்சி சிறப்பாக இருக்கும் என எதிர்பார்க்கப்படுகிறது.

நாடு முழுவதும் உள்கட்டமைப்பு வசதிகளை அதிகரிப்பதற்கான பணிகள் முழுவீச்சில் தொடர்கின்றன.
விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

செலவுத் தொகை அதிகரிப்பு!

உள்கட்டமைப்புப் பணிகளுக்காக மத்திய, மாநில அரசுகள் கடந்த ஆறு ஆண்டுகளாகச் செலவழித்திருக்கும் தொகையைவிட, தற்போது இரண்டு மடங்குத் தொகை அதிகமாகச் செலவழிக்க இலக்கு நிர்ணயிக்கப்பட்டிருக்கிறது. மத்திய பட்ஜெட்டில் இவற்றுக்கான நிதி ஒதுக்கீடு பற்றிய அறிவிப்புக்காக பங்குச் சந்தை காத்திருக்கிறது. அதன் பிறகு, மேலும் வளர்ச்சிப் பாதையில் பயணம் தொடரக்கூடும். இவை அனைத்தும் பங்குச் சந்தை முதலீட்டாளர்களுக்கு மகிழ்ச்சி தரக்கூடியவை; இந்தியப் பொருளாதார வளர்ச்சிக்கும் உகந்தவை.

இன்ஃப்ராதுறைக்கு ரூ.102 லட்சம் கோடி ஒதுக்கீடு!

பலனடைய வாய்ப்புள்ள பங்குகள்!

இதனால் ஏற்கெனவே உள்கட்டமைப்புப் பணிகளில் ஈடுபட்டுவரும் எல் அண்ட் டி நிறுவனம் பெரிய அளவில் பலனடையும் எனப் பலரும் எதிர்பார்க்கிறார்கள். உள்கட்டமைப்புப் பணிகளால் எல் அண்ட் டி, கே.என்.ஆர் கன்ஸ்ட்ரக்‌ஷன்ஸ், அசோகா பில்ட்கான், சீமென்ஸ், ஏ.பி.பி., பி.என்.சி., ஹெச்.ஜி இன்ஃப்ரா மற்றும் கெபாசிட் இன்ஃப்ரா புராஜெக்ட்ஸ் போன்ற நிறுவனங்களின் பங்குகள் ஏற்றம் பெற வாய்ப்பிருக்கிறது.

எவ்வளவு ஒதுக்கீடு?

உள்கட்டமைப்புக்கான நிதி மதிப்பீட்டில், போக்குவரத்துத்துறையில் சாலைப் பராமரிப்புக்கு ரூ.19.6 லட்சம் கோடி, ரயில்வே கட்டமைப்புக்கு ரூ.13.7 லட்சம் கோடி, துறைமுக மேம்பட்டுக்கு ரூ.1 லட்சம் கோடி, விமான நிலையக் கட்டமைப்புக்கு ரூ.1.4 லட்சம் கோடி ஒதுக்கப்பட்டிருக்கிறது. நகர மற்றும் கிராமப்புறக் கட்டமைப்பைப் பொறுத்தவரை நகர்ப் பகுதிக்கு ரூ.16.3 லட்சம் கோடி, கிராமப் பகுதிகளில் குடிநீர் மற்றும் சுகாதாரப் பணிகளுக்கு ரூ.3.6 லட்சம் கோடி, கிராமப்புறக் கட்டமைப்புக்கு ரூ.4.1 லட்சம் கோடி ஒதுக்கப்பட்டுள்ளது.

எரிசக்தித்துறையின் கட்டமைப்பில் மின்சக்தி உற்பத்திக்கு ரூ.11.8 லட்சம் கோடி, புதுப்பிக்கப்பட்ட எரிசக்தி உற்பத்திக்கு ரூ.9.3 லட்சம் கோடி, அணுமின் சக்தி உற்பத்திக்கு ரூ.1.5 லட்சம் கோடி, பெட்ரோலியம் மற்றும் இயற்கை வாயு உற்பத்திக்கு ரூ.1.9 லட்சம் கோடி ஒதுக்கீடு செய்யப்பட்டுள்ளது. விவசாயத்துறையில் நீர்ப்பாசனத்துக்கு ரூ.7.7 லட்சம் கோடி ஒதுக்கப்பட்டிருக்கிறது.

புதிய உள்கட்டமைப்புப் பணிகள் இல்லை!

மத்திய நிதியமைச்சரின் அறிவிப்பு குறித்தும், பங்குச் சந்தையில் அதன் தாக்கம் குறித்தும் பங்குச் சந்தை நிபுணர் ஏ.கே.பிரபாகரிடம் கேட்டோம்.

“தற்போது வெளியாகியிருக்கும் அறிவிப்பில் குறிப்பிடப்பட்டுள்ள திட்டங்கள் ஏற்கெனவே செயல்பாட்டிலிருக்கும் திட்டங்களின் தொகுப்புதான். இவற்றில் குறிப்பிடப்பட்டுள்ள பணிகள் அனைத்துமே ஏற்கெனவே பணி ஆணை வழங்கப்பட்டு முக்கியக் கட்டத்தை எட்டியிருக்கின்றன. அவற்றையெல்லாம் தற்போது தொகுத்து, ஒழுங்குமுறைப்படுத்தி அறிவித்திருக்கிறார்கள். மற்றபடி எந்தப் புதிய உள்கட்டமைப்புப் பணியும் இடம்பெறவில்லை.

தற்போது அனைத்துத் திட்டப்பணிகளும் ஒழுங்குமுறைக்குக் கொண்டுவரப்பட்டுள்ளன. என்னென்ன திட்டங்கள் எங்கெங்கே நடக்கின்றன, எந்த அளவில் கட்டமைப்பு செய்து முடிக்கப்பட்டிருக்கின்றன போன்ற விவரங்கள் அனைத்தும் பதிவு செய்யப்பட்டுள்ளன. உள்கட்டமைப்புத் திட்டங்கள் தொடர்பான அனைத்து விவரங்களும் முழுமையாகத் திரட்டப்பட்டுவிட்டதால், ஒவ்வொரு திட்டத்தையும் எப்படிச் செயல்படுத்துகிறார்கள், குறிப்பிட்ட காலத்துக்குள் செய்துமுடிக்கிறார்களா என்பவையெல்லாம் கண்காணிக்கப்படும். எனவே, இனி அனைத்துப் பணிகளும் கால தாமதமில்லாமல் நடக்கும். தாமதம் ஏற்பட்டால் அது குறித்து மத்திய அரசோ, மாநில அரசோ சம்பந்தப்பட்ட துறையிடம் விளக்கம் கேட்கும். எனவே, திட்டப்பணிகள் தொய்வில்லாமல் தொடர்ந்து நடைபெற்று, குறித்த காலத்துக்குள் நிறைவு பெறும்.

நல்ல தொடக்கம்!

நம் நாட்டில் எந்தவொரு திட்டமும் குறித்த காலத்துக்குள் செய்து முடிக்கப்படுவதில்லை. கால தாமதம் ஆகும்போது திட்டத்துக்கான செலவும் கூடும். கட்டுமானப் பொருள்களின் விலை அதிகரிப்பதால், அதற்கேற்ப கூடுதல் தொகையை ஒதுக்க வேண்டியிருக்கும். எனவே, ஒரு பணியைக் குறித்த காலத்துக்குள் நிறைவேற்றுவதுதான் மிகப்பெரிய சேமிப்பாக இருக்கும். தற்போதைய செயல்பாடு அதற்கான நல்ல தொடக்கமாக இருக்கிறது.

70 சுற்று ஆலோசனை!

நிதியமைச்சர் வெளியிட்டிருக்கும் தேசிய உள்கட்டமைப்புத் திட்ட வரையறையில் (NIP) அடுத்த ஐந்து ஆண்டுகளுக்கான நிதி ஒதுக்கீடு, செலவு குறித்து வரையறுக்கப்பட்டுள்ளது. இந்த வரையறையை உருவாக்குவதற்காக மத்திய மற்றும் மாநில அமைச்சர்கள், வங்கிகள், உள்கட்டமைப்புக் கட்டுமான நிறுவனங்கள், ஒப்பந்ததாரர்கள் உள்ளிட்ட அனைத்துத் தரப்பினரிடமும் 70 சுற்றுகளுக்கும் மேல் ஆலோசனை நடத்தப்பட்டிருக்கிறது.

infrastructure industry
infrastructure industry

ஐந்து ஆண்டுகளில் 102 லட்சம் கோடி!

உள்கட்டமைப்புப் பணிகளுக்காகக் கடந்த பத்து ஆண்டுகளில் 101 லட்சம் கோடி மதிப்பீட்டில் செலவிடப்பட்டுள்ளது. தற்போது, அடுத்த ஐந்து ஆண்டுகளுக்கு 102 லட்சம் கோடி செலவிடப்பட விருக்கிறது.

உள்கட்டமைப்புப் பணிகளுக்கான ரூ.102 லட்சம் கோடியில், 43% புராஜெக்டுகள் செயல்படுத்தக்கூடிய நிலையிலும், 33% புராஜெக்டுகள் திட்ட அளவிலும், 19% புராஜெக்டுகள் வளர்ச்சி நிலையிலும் உள்ளன. வளர்ச்சி நிலையிலுள்ள புராஜெக்ட்டுகளுக்கு மட்டும் இனிமேல்தான் நிதி வழங்கப்பட வேண்டும்.

வளர்ந்த நாடுகளில், நாட்டின் வளர்ச்சிப் பணிகளில் தேசிய உள்கட்டமைப்புத் திட்ட வரையறை போன்ற செயல்பாடு முக்கியமாகக் கடைப்பிடிக்கப்படும். இந்தியாவைப் பொறுத்தவரை தற்போதுதான் தேசிய உள்கட்டமைப்புத் திட்டம் முதன்முறையாக வரையறுக்கப்பட்டிருக்கிறது. இனி அடுத்த கட்டமாக, இதைச் செயல்படுத்தத் தேவையான அனைத்துப் பிரிவுகளையும் ஒருங்கிணைக்கும் பணியில் ஈடுபட வேண்டும். புராஜெக்டுகளை அடையாளம் கண்டு கண்காணிக்க வேண்டும்.

பங்குச் சந்தை முதலீட்டாளர்களின் பார்வையில் இது ஒரு நடுநிலையான செயல்பாடு. இனி இந்தத் திட்டங்களைச் செயல்படுத்துவதில் எந்தப் பின்னடைவோ, பிரச்னையோ இருந்தாலும் மத்திய அரசு அதில் தலையிட்டுச் சரிசெய்யும். எல் அண்ட் டி., கே.இ.சி., பி.என்.சி இன்ஃப்ரா, கே.என்.ஆர். கன்ஸ்ட்ரக்‌ஷன், பவர் கிரிட் ஆகிய நிறுவனங்களில் முதலீடு செய்வது குறித்து முதலீட்டாளர்கள் கவனம் செலுத்தலாம்” என்றார்.

இன்ஃப்ராதுறையில் லாபம் தர வாய்ப்புள்ள பங்குகள்...

எல் அண்ட் டி

இந்தியாவின் முன்னணி உள்கட்டமைப்புத் துறை நிறுவனமாக எல் அண்ட் டி உள்ளது. நெடுஞ்சாலைகள், எலிவேட்டர் காரிடார், ரீஃபைனரி கட்டமைப்பு, உரத்தொழிற்சாலை கட்டமைப்பு, மெட்ரோ ரயில்பாதை அமைத்தல் போன்ற கட்டமைப்புகளில் ஈடுபட்டுவருகிறது. சர்வதேச அளவிலும் பல்வேறு நாடுகளில் கட்டமைப்புப் பணிகளில் ஈடுபட்டுவருகிறது. கடந்த காலாண்டில் இதன் நிகர லாபம் 6.83% அதிகரித்து, ரூ.2,770.43 கோடியாக இருந்தது. இந்த நிறுவனத்துக்கு ரூ.48,292 கோடி மதிப்பிலான புதிய பணி ஆணைகள் கிடைத்துள்ளன. சர்வதேசப் பணி ஆணைகள் ரூ.16,675 கோடி மதிப்பில் கிடைத்துள்ளன. இந்த நிறுவனத்தின் ஒருங்கிணைந்த பணி ஆணை ரூ.3 லட்சம் கோடியைத் தாண்டியிருக்கிறது.

கே.இ.சி இன்டர்நேஷனல்

உலக அளவில் உள்கட்டமைப்புப் பொறியியல் பணிகளில் ஈடுபட்டுவரும் முன்னணி நிறுவனம் இது. மின்சக்தி பரிமாற்றம் மற்றும் விநியோகப்பணிகள், ரயில்வே பணிகள், சூரிய சக்தி, ஸ்மார்ட் சிட்டி இன்ஃப்ராஸ்ட்ரக்சர் போன்ற பணிகளிலும் ஈடுபட்டுவருகிறது.

கடந்த செப்டம்பர் காலாண்டில் இந்த நிறுவனத்தின் ஒருங்கிணைந்த லாபம் 42% அதிகரித்து, ரூ.139 கோடியாக உள்ளது. நிறுவனத்தின் வருமானம் 17% அதிகரித்து, ரூ.2,809 கோடியாக உள்ளது. சமீபத்தில் இந்த நிறுவனம் ரூ.1,806 கோடி மதிப்பிலான புதிய பணி ஆணைகளைப் பெற்ரிருக்கிறது.

பங்குச் சந்தை முதலீட்டாளர்களின் பார்வையில் இது ஒரு நடுநிலையான செயல்பாடு. இனி இந்தத் திட்டங்களைச் செயல்படுத்துவதில் எந்தப் பிரச்னை இருந்தாலும் மத்திய அரசு அதில் தலையிட்டுச் சரிசெய்யும்.

பி.என்.சி இன்ஃப்ரா

உத்தரப்பிரதேசத்தில் ஆக்ரா-குவாலியர் நான்கு வழிச்சாலைப் பணியை முன்கூட்டியே முடித்ததற்காக தேசிய நெடுஞ்சாலைத்துறை ஆணையத்திடமிருந்து போனஸ் தொகையைப் பெற்றிருக்கிறது இந்த நிறுவனம். இதேபோல குவாலியரில் மற்றொரு புராஜெக்ட்டையும் குறிப்பிட்ட கால அவகாசத்துக்கு முன்னரே முடித்திருக்கிறது.

infrastructure industry
infrastructure industry

இந்திய மிலிட்டரி இன்ஜினீயரிங் சேவைக்காக ‘SS’ (Super Special Class) அங்கீகாரத்தைப் பெற்றிருக்கிறது. கான்பூர் மற்றும் லக்னோவில் ஏர்ஃபோர்ஸ் ரன்வே புராஜெக்ட்கள் தற்போது செயல்படுத்தப்பட்டு வருகின்றன. கடந்த காலாண்டில் நிகர விற்பனை ரூ.1,180.22 கோடியாகவும், மொத்த செயல்பாட்டு வருவாய் ரூ.1,180.22 கோடியாகவும் இருந்தது.

கே.என்.ஆர் கன்ஸ்ட்ரக்‌ஷன்

எக்ஸ்பிரஸ் நெடுஞ்சாலைகள், தேசிய நெடுஞ்சாலைகள், மேம்பாலங்கள், பாலங்கள், நீர்ப்பாசன புராஜெக்ட்டுகள், நகர்ப்புற வளர்ச்சித் திட்டங்கள், வணிக வளாகங்கள் போன்ற கட்டமைப்புப் பணிகளில் ஈடுபட்டுவருகிறது இந்த நிறுவனம்.

என்.ஹெச் 63, ஹூப்ளி-ஹோஸ்பேட் நான்கு வழிச்சாலை, திருவனந்தபுரம் பைபாஸ் நான்கு வழிச்சாலை, காஞ்சிபுரம்-வந்தவாசி சாலை புதுப்பித்தல், ஆற்காடு-விழுப்புரம் சாலை புதுப்பித்தல் உட்பட இந்தியா முழுவதும் பல்வேறு உள்கட்டமைப்புப் பணிகளில் ஈடுபட்டுவருகிறது. கடந்த காலாண்டில் இந்த நிறுவனத்தின் மொத்த வருவாய் ரூ.571.76 கோடி. இதன் பங்கு மதிப்பு 254.55 ரூபாய்.

பவர்கிரிட் கார்ப்பரேஷன்

பவர்கிரிட் கார்ப்பரேஷன் ஆஃப் இந்தியா நிறுவனம், 1,61,790 சர்க்யூட் கிலோமீட்டர் தூரத்துக்கு பல்வேறு திறன்களில் மின் பரிமாற்றப் பணிகளைச் செய்திருக்கிறது. 248 சப்-ஸ்டேஷன்களை அமைத்துள்ளது. கடந்த காலாண்டில் இந்த நிறுவனத்தின் நிகர விற்பனை ரூ.8,684.98 கோடியாக உள்ளது. நிகர லாபம் ரூ.2,527.14 கோடியாக உள்ளது.

இந்தப் பங்குகளில் முதலீடு செய்ய நினைப்பவர்கள் நன்கு ஆய்வு செய்து முதலீடு செய்யவும்!