Published:Updated:

மனோதிடத்தை அதிகரிக்கும் வழிமுறைகள்! - ஒரு வழிகாட்டல்

ஒரு வழிகாட்டல்
பிரீமியம் ஸ்டோரி
ஒரு வழிகாட்டல்

நம்மீது யாராவது அதிகாரம் செலுத்தும் அளவுக்கான சூழலுக்குள் விழுந்துவிடாமல் பார்த்துக்கொள்ள வேண்டியது மிகமிக அவசியம்.

மனோதிடத்தை அதிகரிக்கும் வழிமுறைகள்! - ஒரு வழிகாட்டல்

நம்மீது யாராவது அதிகாரம் செலுத்தும் அளவுக்கான சூழலுக்குள் விழுந்துவிடாமல் பார்த்துக்கொள்ள வேண்டியது மிகமிக அவசியம்.

Published:Updated:
ஒரு வழிகாட்டல்
பிரீமியம் ஸ்டோரி
ஒரு வழிகாட்டல்
னதைத் திடமாக வைத்துக்கொள்பவர்களால் மட்டுமே பல சாதனைகளைச் செய்ய முடியும். மனதைத் திடமாக வைத்துக் கொள்வது எப்படி என்பதற்கான கேள்விக்கு பதில் சொல்கிறது அமி மோரின் எழுதிய ‘13 திங்ஸ் மென்ட்டலி ஸ்ட்ராங் பீப்பிள் டோண்ட் டூ’ என்ற புத்தகம்.
மனோதிடத்தை அதிகரிக்கும் வழிமுறைகள்! - ஒரு வழிகாட்டல்

மனோதிடம் என்றால்..?

இந்தப் புத்தகத்தின் ஆசிரியை, ‘‘மனோதிடம் உடையவர்கள், மனோதிடம் இல்லாதவர்கள் என்றெல்லாம் மனிதர்களைப் பிரிக்க முடியாது. நம் அனைவருக்குமே மனோதிடம் என்பது ஓரளவுக்கு இருக்கவே செய்கிறது. அதேபோல், அதை வளர்த்துக் கொள்வதற்கான வாய்ப்பும் ஒரே அளவில் இருக்கவே செய்கிறது. மனோதிடத்தை வளர்ப்பது என்றால் என்ன..? எந்தமாதிரியான சூழ்நிலையிலும் நம்முடைய உணர்ச்சிகளைக் கட்டுக்குள் வைப்பது, சிந்தனையை ஒருமுகப்படுத்துவது மற்றும் நம்முடைய நடவடிக்கைகளை நேர்மறையாக இருக்குமாறு பார்த்துக்கொள்வது (Behave in a positive manner) ஆகியவைதான்.

மனோதிடத்தை வளர்க்கும் மூன்று விஷயங்கள்..!

மனோதிடம் என்பதை வளர்த்துக்கொள்ள மூன்று விஷயங்களில் ஒருவர் கவனம் செலுத்த வேண்டும். எண்ணம், நடவடிக்கை மற்றும் உணர்ச்சி என்ற மூன்றும்தான் அவை. இதில் எண்ணம் என்பது, நமக்குத் தோன்றும் பகுத்தறிவற்ற எண்ணங்களுக்குப் பதிலாக, எதார்த்தமான எண்ணங்களை ஏற்படுத்திக்கொள்ள முயல்வது. நடவடிக்கை என்பது எந்தச் சூழ்நிலையிலும் நேர்மறையாக நடந்துகொள்ள முயல்வது. ‘உணர்ச்சிகள்’ என்பது நாம் உணர்ச்சிகளின் கட்டுப்பாட்டில் இல்லாமல், உணர்ச்சிகளை நம்முடைய கட்டுப்பாட்டில் வைத்திருப்பதில் கவனம் செலுத்துவது. ‘நேர்மறை நம்பிக்கையான எண்ணங்களைக் கொண்டு இருங்கள்’ (Think positive) என்று எப்போதும் அனைவரும் சொல்வதைக் கேட்டிருக்கிறோம். ஆனால், வெறுமனே நம்பிக்கையுடன் இருப்பதால் மட்டுமே நாம் நம்முடைய முழுமையான ஆற்றல் மூலம் பலனை எட்டிவிட முடியாது’’ என்கிறார் புத்தகத்தின் ஆசிரியை.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

தவறான எண்ணங்கள்..!

மனோதிடம் பற்றி பல தவறான எண்ணங்கள் நம்மிடையே நிலவுகிறது என்று சொல்லி, அவற்றைப் பட்டியலிடுகிறார் இந்தப் புத்தகத்தின் ஆசிரியை. 1. கடினமாக நடந்துகொள்பவர் மனோதிடம் கொண்டவர் 2. மனோதிடம் கொண்டவர்கள் உணர்ச்சிகளை ஒதுக்கி வைத்தவர்கள் 3. உடலை வருத்தி செயல்படும் வலிமை கொண்டவர்களிடம் மனோதிடம் அதிகம் 4. ஒருவர் மனோதிடம் கொண்டவராக இருந்தால், அவருக்குத் தேவையான வற்றை அவரே தேடிக் கொள்ளும்/செய்து கொள்ளும் வல்லமை கொண்டவராக இருப்பார் 5. நேர்மறை எண்ணம் கொண்டிருந்தால் மட்டுமே மனோதிடத்துடன் திகழ முடியும் எனப் பட்டியல் போடும் ஆசிரியை, இவை ஒவ்வொன்றையும் தெளிவாக விளக்கியுள்ளார்.

மனோதிடத்தை அதிகரிக்கும் வழிமுறைகள்! - ஒரு வழிகாட்டல்

பலவகை மனோதிட மனிதர்கள்..!

“மனோதிடம் மிக்கவர்கள் முதலில் அவர்களின் நிலை குறித்து கவலை கொள்ளவே மாட்டார்கள். சுய பரிதாபம் என்பது அவர்களுக்குத் தெரியவே தெரியாது என்கிற மாதிரி செயல்படுவார்கள். சுய பரிதாபம் என்பது நேரத்தை வீணடிக்கும் ஒரு விஷயமே. இது எதிர்மறை எண்ணங்களையே நம்மிடம் உருவாக்கும். இந்த எண்ணங்கள் நம்மை அறியாமலேயே நம்முடைய திறமைக்கு முட்டுக்கட்டைகளைப் போட்டுவிடும். இவற்றையெல்லாம் தாண்டி, நமக்கு ஏற்பட்ட பாதிப்பிலிருந்து மீண்டு, அடுத்த நிலையை நோக்கிச் செல்ல முடியாமல், நம் முன்னேற்றத்துக்குத் தடைக்கற்களாக மாறிவிடும். மேலும், நம் வாழ்வில் உள்ள நல்ல விஷயங்கள் எல்லாவற்றையும் முழுமையாக மறக்கடித்துவிடும்.

பிரச்னைகளால் நாம் மன அழுத்தம் கொண்டிருக்கும் சூழ்நிலையில், சுய பரிதாபத்தையும் நாம் கொண்டுவிட்டோம் எனில், அந்தப் பிரச்னைகளிலிருந்து வெளியே வருவதற்கான தீர்வு காணும் முயற்சிகளை நாம் எடுக்கவே வாய்ப்பில்லாது போய்விடும்’’ என்று ஆசிரியை சொல்வது நூற்றுக்கு நூறு சதவிகிதம் சரி.

மனோதிடத்தை அதிகரிக்கும் வழிமுறைகள்! - ஒரு வழிகாட்டல்

‘‘மனோதிடம் மிக்கவர்கள் தங்களுக்கு இருக்கும் அதிகாரத்தை ஒருபோதும் விட்டுத்தர மாட்டார்கள். எனவே, எப்போதுமே தன்னை அறியாமலேயே நம்மீது யாராவது அதிகாரம் செலுத்தும் அளவுக்கான சூழலுக்குள் விழுந்துவிடாமல் பார்த்துக்கொள்ள வேண்டியது மிகமிக அவசியம்.

மனோதிடம் மிக்கவர்கள் மாற்றம் என்பதைக் கண்டு கூச்சப்பட்டு ஒதுங்க மாட்டார்கள். நாம் விரும்புகிறோமோ இல்லையோ நம் வாழ்க்கையில் மாற்றம் என்பது வந்தே தீரும். பார்த்துக்கொண்டிருக்கும் வேலை போவது, நெருங்கிய நபர்கள் உயிரிழப்பது, படிப்பு/வேலை நிமித்தம் குழந்தைகள் நம்மை விட்டுப் பிரிந்து சென்று வாழ்வது போன்ற இயல்பான பல விஷயங்களும் அனைவரின் வாழ்விலும் தானாகவே மாற்றத்தைக் கொண்டு வந்துவிடுபவையே என்பதைப் புரிந்துகொண்டு நாம் செயல்பட வேண்டும்.

மனோதிடத்தை அதிகரிக்கும் வழிமுறைகள்! - ஒரு வழிகாட்டல்

மனோதிடம் மிக்கவர்கள் தங்களுடைய கட்டுப்பாட்டில் இல்லாத விஷயங்கள்மீது தங்களுடைய கவனத்தைச் செலுத்தவே மாட்டார்கள். நம்மால் கட்டுப்படுத்த முடியாத விஷயங்களின் மீது கவனம் வைத்தால், நாம் அவற்றில் தேக்கநிலையை அடைந்ததைப் போன்ற உணர்வையே மேலோங்கச் செய்யும். அதனால் நம்முடைய சக்தி முழுக்க முழுக்க வீணாகவே விரயமாகும். அதேபோல், மனோதிடம் மிக்கவர்கள் அனைவருக்கும் நல்லவர்களாக இருக்கவும் நினைக்க மாட்டார்கள். மனோதிடம் என்பதே நாம் சரி என்று நினைக்கும் விஷயங்களை நிலைநிறுத்தி செயல்படுவதில் இருப்பதால், எல்லோருக்கும் நல்லவர்களாக இருக்க நினைப்பது என்பது முழுக்க முழுக்க இதற்கு (நிலைப்பாட்டுக்கு) எதிரான ஒன்றுதானே’’ என்று கேட்கிறார் ஆசிரியை.

மனோதிடம் கொண்டவர்களின் குணாதிசயங்கள்!

“பயமேதும் கொள்ளாமல் ஓரளவுக்கு பின்விளைவுகளைக் கணக்கிட்டு, அதற்கேற்றாற்போல் ரிஸ்க்குகளை எடுப்பது, பழைய விஷயங்களை நினைத்து அதில் உழன்று பொருமிக்கொண்டே இல்லாமல் இருப்பது, ஏற்கெனவே செய்த தவற்றைத் திரும்பத் திரும்ப செய்யாமல் இருப்பது, அடுத்தவருடைய வெற்றியைக் கண்டு மனக்கசப்பும், ஆத்திரமும் கொள்ளாமல் இருப்பது, எடுத்த காரியத்தில் முதலில் தோல்வியடைந்தாலுமே அதை அத்துடன் விட்டுவிடாமல் தொடர்வது, தனிமை குறித்து பயப்படாமல் இருப்பது, உலகம் எனக்கு செய்ய வேண்டியது நிறைய இருக்கிறது என்ற எண்ணம் சிறிதளவும் இல்லாமல் இருப்பது, செய்யும் செயல்கள் அனைத்தும் உடனடியாகப் பலனளிக்க வேண்டும் என்ற எண்ணம் கொள்ளாமல் இருப்பது போன்றவையும் மனோதிடம் கொண்டவர்களின் குணாதிசயமே” என்று சொல்லும் ஆசிரியை, இவை அனைத்தையும் பல்வேறு உதாரணங்களின் மூலம் சுலபமாகப் புரிந்துகொள்ளும் வண்ணம் இந்தப் புத்தகத்தில் விளக்கியுள்ளார்.

மனோதிடம் மிக்க மனிதராக நீங்கள் உருவெடுத்துவிட்டால், அதன்பிறகு நீங்கள் சிறப்பான மனிதராகவும், எது சரியோ அதைச் செய்யத் துணிந்தவராகவும், நீங்கள் யார் மற்றும் உங்களால் என்ன முடியும் என்பதில் முழுதிருப்தி கொண்டவராகவும் இருக்க ஆரம்பித்துவிடுவீர்கள் என்று சொல்லும் இந்தப் புத்தகத்தை அனைவரும் ஒருமுறை படிக்கலாம்!