Published:Updated:

`ரூ.1.5 லட்சம் ரொக்கம்; 8 லட்சம் டெபாசிட்'- இறந்த பிச்சைக்காரர் வீட்டை சோதித்த போலீஸுக்கு அதிர்ச்சி!

மும்பையில் ரயில் அடிபட்டு உயிரிழந்த பிச்சைக்காரரின் வீட்டில் ரொக்கமாக 1.5 லட்சம் ரூபாய் இருந்துள்ளது.

Coins
Coins

மும்பையில் தண்டவாளத்தை கடக்க முயன்ற முதியவர் ஒருவர் கடந்த வெள்ளிக்கிழமை ரயிலில் மோதி உயிரிழந்தார். ரயில் நிலையத்தில் இருந்தவர்கள் இந்த முதியவர் ரயிலில் வரும் பயணிகளிடம் பிச்சை எடுப்பார் என்று கூறியுள்ளனர். இதனையடுத்து முதியவர் குறித்த விவரங்களை காவல்துறையினர் விசாரித்தனர்.

Mumbai
Mumbai

ரயில் நிலையங்களில் பிச்சை எடுத்து வந்த அந்த முதியவரின் பெயர் புர்ஜூ சந்திரா ஆசாத் என்பது தெரியவந்தது. அவர் மும்பை கோவான்டி குடிசைப்பகுதியில் உள்ள சிறிய வீட்டில் வசித்து வந்ததை போலீஸார் கண்டறிந்தனர். இதனையடுத்து அப்பகுதிக்கு விரைந்த காவலர்கள் முதியவர் குறித்த விசாரித்தனர். உறவினர்கள் யாரும் இல்லை முதியவர் மட்டும் தான் இங்கு தனியாக வசித்து வந்தார் என அக்கம் பக்கத்தினர் கூறியதையடுத்து காவல்துறையினர் அந்த வீட்டிற்குள் சென்று சோதனை செய்தனர்.

அப்போது அந்த முதியவரின் வீட்டில் பேரல்கள் இருந்ததை அதிகாரிகள் கண்டனர். அதற்குள் 1, 2 , 5 மற்றும் 10 ரூபாய் நாணயங்கள் இருந்ததை போலீஸார் கண்டனர். மேலும் வங்கி பாஸ்போர்ட் புத்தகமும் அந்த வீட்டில் இருந்து கண்டெடுக்கப்பட்டது. இவையனைத்ததையும் காவல்நிலையத்திற்கு கொண்டு வந்த அதிகாரிகள் எண்ணத் தொடங்கினர். அதில் சுமார் ஒன்றரை லட்சம் ரூபாய் இருந்துள்ளது. இதில் நிறைய சில்லறைக் காசுகள் மட்டுமே இருந்துள்ளது.

பணம்
பணம்

ரொக்கப்பணம் மற்றும் வங்கியில் 8.77 லட்சம் ரூபாய் வைப்பு நிதியாக இருந்துள்ளது. வங்கியில் டெபாசிட் செய்துள்ள பணத்திற்கு வாரிசாக தனது மகனை நியமித்துள்ளார். அவரது வீட்டில் இருந்து கைப்பற்றப்பட்ட பான் கார்டு, ஆதார் கார்டு, மூத்த குடிமக்களுக்காக அடையாள அட்டை உள்ளிட்ட ஆவணங்கள் மூலம் அவரது குடும்பத்தினரை காவல்துறையினர் தொடர்புக்கொண்டனர். புர்ஜூ சந்திரா ஆசாத் இறப்பு குறித்து அவர்களுக்கு தெரியப்படுத்தினர்.