Chutti Vikatan - 30 April 2019 - நீர் | Water informations

நாம் குடிக்கும் தண்ணீர், நம் உடலின் ஒவ்வொரு பாகத்திலும், ஒவ்வொரு வேலையைச் செய்கிறது. அவை என்ன?

. ஒவ்வொரு செல்லுக்குள்ளும் சென்று புத்துணர்வு அளிக்கிறது.

. உணவு மண்டலத்தில் ஜீரண நீர் உற்பத்திக்கும், பித்தப்பையில் பித்தநீர் உற்பத்திக்கும், கணையத்தில் கணைய நீர் உற்பத்திக்கும் உதவுகிறது.

. நுரையீரலுக்குள் சென்று, கார்பன்-டை ஆக்சைடை வெளியேற்றுகிறது.

. சிறுநீரகத்தில் பிரியக்கூடிய யூரியா, நைட்ரஜன் போன்ற தேவையற்ற தனிமங்களை நீக்குகிறது.

. குடலில், மலத்தில் உள்ள கழிவுகளை வெளியேற்ற உதவுகிறது.

. உடலில் நீர் வறட்சி ஏற்படாமல் பாதுகாக்கிறது.

. ஆக்சிஜன் மற்றும் உடலுக்குத் தேவையான சத்துகளை திசுக்களுக்கு எடுத்துச்செல்லும் ரத்தத்தின் அளவைப் பராமரிக்கவும், ரத்த அழுத்தத்தைச் சீராக வைத்துக்கொள்ளவும் உதவுகிறது.

. வியர்வைச் சுரப்பிகள் மூலம், உடலின் வெப்பநிலையை 98.6 டிகிரியாக வைக்கிறது

. குடிக்கும் தண்ணீர், எலும்பு மூட்டுகளுக்குச் சென்று மசாஜ் செய்கிறது.

. கண்ணீரில் நோய்க்கிருமிகள் ஏற்படாமல், கண்களைப் பாதுகாக்க கண்ணீராக உதவுகிறது.

. மூக்கின் வழியாக காற்று உள்ளே செல்லும்போது, நம் உடலின் தன்மைக்கேற்றவாறு மாற்றும் திசுக்களை, ஈரமாக இருக்க உதவுகிறது.

. உமிழ்நீர்ச் சுரப்புக்கு உதவுகிறது.

. ஆண்கள் நாளொன்றுக்கு 3 லிட்டர் தண்ணீரும், பெண்கள் 2.5 லிட்டர் தண்ணீரும் அவசியம் குடிக்க வேண்டும்.

. ஒரு வயது குழந்தைக்கு 300 மி.லிட்டரும், 6 வயதில் 600 மி.லிட்டரும், 12 வயதில் 1.200 லிட்டரும் தேவை.

. -இரா.செந்தில் குமார்

தகவல் உதவி: குழந்தைகள் நல மருத்துவர் செல்வன்.