Published:Updated:

கண் கெட்டபிறகு சூரிய நமஸ்காரம்

கண் கெட்டபிறகு சூரிய நமஸ்காரம்
பிரீமியம் ஸ்டோரி
கண் கெட்டபிறகு சூரிய நமஸ்காரம்

கண் கெட்டபிறகு சூரிய நமஸ்காரம்

கண் கெட்டபிறகு சூரிய நமஸ்காரம்

கண் கெட்டபிறகு சூரிய நமஸ்காரம்

Published:Updated:
கண் கெட்டபிறகு சூரிய நமஸ்காரம்
பிரீமியம் ஸ்டோரி
கண் கெட்டபிறகு சூரிய நமஸ்காரம்
கண் கெட்டபிறகு சூரிய நமஸ்காரம்

மிழகம் இப்போது மிகப் பெரிய தண்ணீர்ப் பிரச்னையை எதிர்நோக்கியுள்ளது.  ஒட்டுமொத்தத் தமிழகமே தண்ணீருக்காய்த் தவித்துக்கொண்டிருக்கிறது. தலைநகர் சென்னையில் மெட்ரோ குடிநீர் விநியோகம் சுருங்கிவிட்டது. நிலத்தடி நீர்மட்டமும் வெகுவாகக் குறைந்துவிட்டது. ஓரளவுக்கு மழை பெறும் தமிழகத்தின் பிற பகுதிகளும் தண்ணீர்ப் பஞ்சத்தில் சிக்கியுள்ளன.  இவற்றுக்கெல்லாம் இயற்கையைக் காரணம் சொல்வதற்கு முன்பு, நம்மையே நாம் சுயவிமர்சனத்துக்கு ஆளாக்கிக்கொள்ள வேண்டிய அவசியம் இருக்கிறது.

தமிழகம் இயற்கையால் ஆசீர்வதிக்கப்பட்ட மாநிலம்தான். ஆனால், வரங்களையெல்லாம் நாம்தான் சாபங்களாக மாற்றிக்கொண்டோம். உதாரணத்துக்குச் சென்னை நகரை எடுத்துக்கொண்டால், சுமார் ஐம்பது ஆண்டுகளுக்கு முன்புவரைகூட சென்னையிலும் சென்னையைச் சுற்றியுள்ள மாவட்டங்களிலும் சுமார் 3,000 ஏரிகள் இருந்தன. அவ்வளவு ஏன்,  நாம் அழித்ததெல்லாம் போக இப்போதும்கூட ஆயிரத்துக்கும் மேற்பட்ட ஏரிகள் இருக்கின்றன. கொசஸ்தலை, கூவம், அடையாறு என்று சென்னையில் மூன்று ஆறுகள், பக்கிங்காம் கால்வாய், மாம்பலம் கால்வாய், விருகம்பாக்கம் கால்வாய் உள்ளிட்ட 16 கால்வாய்கள் இருக்கின்றன. இந்த நீர்நிலைகளில் சரியான நீரோட்டம் இருந்தாலே நிலத்தடி நீர் நமக்குக் கைகொடுத்திருக்கும்.

சென்னையின் தாகம் தணிக்கும் புழல், செம்பரம்பாக்கம், பூண்டி, சோழவரம் ஆகிய நான்கு ஏரிகளின் மொத்தக் கொள்ளளவு 11 டிஎம்சி. 2015ஆம் ஆண்டு பெருவெள்ளம் திரண்டுவந்து சென்னையை மூழ்கடித்தபோது கடலில் நேரடியாகக் கலந்த மழைநீரின் அளவு இதைவிடப் பலமடங்கு அதிகம். கடந்த ஆண்டு ஜூன், ஜூலை மாதங்களில் பெய்த தென்மேற்குப் பருவமழையின்போது காவிரியாற்றின் வழியாக 200 டி.எம்.சி-க்கு அதிகமான தண்ணீர் கடலில் நேரடியாகப் போய்ச் சேர்ந்தது. முறையான மழைநீர்ச் சேகரிப்பு வசதிகளை ஏற்படுத்தத் தவறியதாலும், குளங்கள், குட்டைகள், நீர்ப்பிடிப்புப் பகுதிகள் ஆகியவற்றில் செய்யப்பட்டிருந்த ஆக்கிரமிப்புகளை அகற்றாததாலும் நம்மால் போதுமான தண்ணீரைச் சேமித்து வைக்கமுடியாத கொடுஞ்சூழல் தமிழகம் முழுக்கவே தொடர்கிறது.

இயற்கை அன்னை கருணையோடு மழையாகக் கொட்டும் தண்ணீரைத் தேவையான அளவுக்குச் சேமித்து வைப்பதற்குரிய எல்லா முயற்சிகளையும் முதலில் தமிழக அரசு செய்ய வேண்டும். அதன்பிறகே மழையை எதிர்பார்த்து மன்றாட வேண்டும். ஆனால், செய்ய வேண்டிய எதையும் செய்யாமல், ‘மழை வேண்டி யாகம் நடத்த வேண்டும்’ என இந்து அறநிலையத்துறை உத்தரவிடுவது, ‘கண்கெட்ட பிறகு சூரிய நமஸ்காரமே!’