Published:Updated:

நீர் மேலாண்மை: வறட்சியிலும் நீர் ததும்பும் ஊரணி!

நீர் மேலாண்மை: வறட்சியிலும் நீர் ததும்பும் ஊரணி!
பிரீமியம் ஸ்டோரி
நீர் மேலாண்மை: வறட்சியிலும் நீர் ததும்பும் ஊரணி!

நீர் மேலாண்மை: வறட்சியிலும் நீர் ததும்பும் ஊரணி!

நீர் மேலாண்மை: வறட்சியிலும் நீர் ததும்பும் ஊரணி!

நீர் மேலாண்மை: வறட்சியிலும் நீர் ததும்பும் ஊரணி!

Published:Updated:
நீர் மேலாண்மை: வறட்சியிலும் நீர் ததும்பும் ஊரணி!
பிரீமியம் ஸ்டோரி
நீர் மேலாண்மை: வறட்சியிலும் நீர் ததும்பும் ஊரணி!

றண்ட பூமியான ராமநாதபுரம் மாவட்டத்தில் உள்ள பலநூறு கிராமங்கள் தண்ணீர்த் தேவைக்காகக் கண்ணீர் சிந்திக்கொண்டிருக்கும் நிலையில், எப்போதாவது பெய்யும் மழைநீரைச் சேமித்துவைத்து குடிநீர்ப் பஞ்சத்தைப் போக்கி முன்மாதிரி கிராமமாகத் திகழ்ந்துவருகிறது, `செவல்பட்டி’ கிராமம்.

ராமநாதபுரம் மாவட்டத்தின் எல்லையோர கிராமமாக அமைந்துள்ளது, செவல்பட்டி. சாயல்குடியிலிருந்து சுமார் 14 கி.மீ தூரத்தில் உள்ள இந்தக் கிராமத்திலிருந்து 4 கி.மீ. தூரம் சென்றால், தூத்துக்குடி மாவட்டத்தில் உள்ள வேம்பார் கடற்கரைப் பகுதி வந்துவிடும். ஆயிரத்துக்கும் மேற்பட்ட குடும்பங்கள் வசித்துவரும் இந்தக் கிராமத்தின் பிரதான தொழில், மிளகாய் விளைவித்தல் ஆகும். இவற்றுடன் கம்பு, சோளம், கேழ்வரகு, உளுந்து, மல்லிப் போன்ற தானிய வகைகளும் விளைவிக்கப்படுகின்றன.

நீர் மேலாண்மை: வறட்சியிலும் நீர் ததும்பும் ஊரணி!

வான்மழையை மட்டுமே நம்பியுள்ள இந்தக் கிராமத்தில், கடந்த மூன்று ஆண்டுகளாக மழை பொய்த்துப் போனதால், மிளகாய் விவசாயமும் முடங்கிப்போனது. காவிரிக் கூட்டுக் குடிநீர்த் திட்டத்தின்மூலம் வழங்கப்படும் தண்ணீரும், மாதத்தில் 10 நாள்களுக்கும் குறைவாகவே விநியோகிக்கப்படுகிறது.

ஊரணி என்றால் மனிதர்களுடன் கால்நடைகளும் இணைந்து பயன்படுத்தும் இடம் எனக் காலங்காலமாக இருந்துவரும் நடைமுறைக்குத் தடை விதித்ததன் மூலம், தங்கள் குடிநீர்த் தேவையைத் தீர்த்துக் கொள்கின்றனர் மக்கள்.

ஒட்டுமொத்த விகடனுக்கும் ஒரே ஷார்ட்கட்!

நீர் மேலாண்மை: வறட்சியிலும் நீர் ததும்பும் ஊரணி!

செவல்பட்டி கிராமத்தின் முன்னோர்கள், ஊர்கூடி தங்களது கிராமத்தில் உள்ள இந்த ஊரணியைத் தூர்வாரி ஆழப்படுத்தினர். பக்கத்து மாவட்டங்களில் பெய்யும் மழைநீரை, இந்த ஊரணிப் பகுதியில் அமைந்துள்ள கன்னிமலைப்போடை, ஊடோடை, கஞ்சநாயக்கன்பட்டி ஓடை ஆகியவற்றின் வழியாகத் தங்கள் ஊரணியில் சேமிக்கின்றனர். இதனால், கோடைக்காலத்திலும் முழு அளவில் நீர் நிறைந்து ததும்புகிறது, செவல்பட்டி ஊரணி.

இந்த ஊரணியையும், அதில் உள்ள நீரையும் பாதுகாக்கும் வகையில் ஊரணியைச் சுற்றிலும் முள்வேலிகளை அமைத்துச்  சுகாதாரத்தைப் பேணி வருகின்றனர். இந்த ஊரணியில் குளிப்பதற்கோ, துணி துவைப்பதற்கோ, ஆடு, மாடுகளைக்  குளிப்பாட்டுவதற்கோ அனுமதி கிடையாது. மேலும், ஊரணிக் கரையினைச் சுற்றிலும் மரக்கன்றுகளை நட்டு வளர்த்து வருகின்றனர். குடிநீர்த் தேவையைத் தவிர்த்து மற்ற தேவைகளுக்குப் பயன்படுத்தாத வகையில், மிகவும் கட்டுப்பாட்டு உணர்வுடனும் ஒற்றுமையுடனும் செவல்பட்டி கிராம மக்கள், இந்த ஊரணியைப் பராமரித்து வருகின்றனர்.

-இரா.மோகன், படங்கள்: உ.பாண்டி

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism