Published:Updated:

கைகோப்போம்... தாகம் தீர்ப்போம்!

ஒட்டுமொத்த விகடனுக்கும் ஒரே ஷார்ட்கட்

Use App
கைகோப்போம்... தாகம் தீர்ப்போம்!
கைகோப்போம்... தாகம் தீர்ப்போம்!

கைகோப்போம்... தாகம் தீர்ப்போம்!

பிரீமியம் ஸ்டோரி

லகில் முக்கால் பாகம் நீர் இருந்தும், அருந்த நீர் இல்லாமல் மூக்கால் அழும் நிலையில் இருக்கிறோம். விவசாய நிலங்களையும், ஏரிகளையும் விளைநிலங்களாக மாற்றிவிட்டு, தாகம் தீர்க்கும் தண்ணீரை விலை கொடுத்து வாங்கிக்கொண்டிருக்கிறோம். இப்படி, தண்ணீர் இல்லாமல் தமிழ்நாட்டின் தலைநகரம் மட்டுமல்ல, கோவை, மதுரை மாதிரியான மெட்ரோ நகரங்களும் தவியாய்த் தவித்துக் கொண்டிருக்கின்றன.

கைகோப்போம்... தாகம் தீர்ப்போம்!

வீடுகளெங்கும் குடிநீர் வழங்கி வரும் மாநகராட்சிக்கு உறுதுணையாக, ரேடியோ சிட்டி ‘தாகம் தீர்ப்போம்’ என்ற பணியை முன்னெடுத்தது. இதற்கு ஆனந்த விகடனும் தோள் கொடுத்தது. கடந்த மார்ச் மாதம் 22-ம் தேதியிலிருந்து, தண்ணீர்த்தேவை அதிகமுள்ள பகுதிகளைக் கண்டறிந்து, லாரிகள் மூலம் குடிநீர் வழங்கப்பட்டன. 

இதுகுறித்து ரேடியோ சிட்டி நிறுவனத்தின்  கோவை மற்றும் மதுரை பண்பலையின் புரோகிராம் ஹெட் கே.பிரபுவிடம் பேசினோம். “2016-ம் ஆண்டு, கோவை மற்றும் மதுரையில் தண்ணீர்ப் பிரச்னை அதிகமாக இருந்த காலகட்டம். மக்களின் தண்ணீர்ப் பிரச்னையைத் தீர்க்க, நம்மால் முடிந்ததைச் செய்வோம் என ஆரம்பிக்கப்பட்டதுதான் இந்த ‘தாகம் தீர்ப்போம்’ களப்பணி. முதல் வருடத்தில் 91 நாள்கள் லாரிகள் மூலம், தண்ணீர் விநியோகம்  செய்தோம். இந்த ஆண்டும் ஒரு மாதத்திற்கு மேலாகத் தண்ணீர் விநியோகிக்கப்பட்டது. எங்களுக்கு பலம் சேர்க்கும் வகையில், இந்த ஆண்டு மதுரையைச் சேர்ந்த `வா நண்பா’ மற்றும் கோவையைச் சேர்ந்த `யூத் ஃபவுண்டேஷன் என்.ஜி.ஓ’ அமைப்புகளும் இணைந்து சிறப்பாகப் பணியாற்றின.

‘தாகம் தீர்ப்போம்’ களப்பணி குறித்த அறிவிப்புகள் ஒவ்வொரு நாளும் ரேடியோ சிட்டியில் ஒலிபரப்பப்பட்டன. தண்ணீர்த் தேவை அதிகம் இருக்கும் ஏரியா பற்றிய விவரங்களை மக்கள் எங்களுக்குத் தெரியப்படுத்தினார்கள். ரேடியோ ஜாக்கிகள் மற்றும் என்.ஜி.ஓ நண்பர்கள் இணைந்து களப்பணியாற்றி, அந்த ஏரியாவுக்குத் தடையில்லாமல் தண்ணீரை விநியோகம் செய்தனர். ஒரு நாளுக்குப் பத்தாயிரம் லிட்டர் தண்ணீர் லாரிகள் மூலமாக விநியோகம் செய்யப்பட்டது” எனப் பெருமிதத்துடன் தெரிவித்தார்.

இந்தக் களப்பணியின் வாயிலாக மக்களுக்கு மட்டுமல்லாமல், வனவிலங்கு ஆர்வலர்கள் வைத்திருக்கும் தண்ணீர்த் தொட்டிகளுக்கும் ‘தாகம் தீர்ப்போம்’ சார்பாக நீர் விநியோகம் செய்யப்பட்டது.

- மு.முத்துக்குமரன்; படங்கள்: வி.சதிஸ்குமார்
 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு