Published:Updated:

`என்.ஜி.ஓ'வில் இருந்து விலகியது ஏன்?- ஆஸ்கர் விருது பெற்ற பெண்கள் விளக்கம்

ஒட்டுமொத்த விகடனுக்கும் ஒரே ஷார்ட்கட்

Use App
`என்.ஜி.ஓ'வில் இருந்து விலகியது ஏன்?- ஆஸ்கர் விருது பெற்ற பெண்கள் விளக்கம்
`என்.ஜி.ஓ'வில் இருந்து விலகியது ஏன்?- ஆஸ்கர் விருது பெற்ற பெண்கள் விளக்கம்

`என்.ஜி.ஓ'வில் இருந்து விலகியது ஏன்?- ஆஸ்கர் விருது பெற்ற பெண்கள் விளக்கம்

செய்திகளை உடனுக்குடன் தெரிந்துகொள்ள... இங்கே க்ளிக் செய்து இன்றே விகடன் ஆப் இன்ஸ்டால் செய்யுங்கள்!

நாப்கின் தயாரிக்கும் பணியில் பெண்களை ஈடுபடுத்துவதில் இருக்கும் சமூகத் தடைகள், அப்படியே பெண்கள் வந்தாலும் அதனை அவர்கள் வெளியில் சொல்ல காட்டும் தயக்கங்கள் என இவற்றையெல்லாம் மையமாக வைத்து எடுக்கப்பட்டதுதான்  `Period. End of Sentence’ என்ற ஆவணப் படம்.  கிராமப்புறத்திலுள்ள ஏழை எளிய பெண்களும் நாப்கின் பயன்படுத்த வேண்டும் என்பதற்காக மலிவு விலையில் நாப்கின் தயார் செய்யக்கூடிய இயந்திரத்தை உருவாக்கிய கோயம்புத்தூரைச் சேர்ந்த அருணாச்சலம் முருகானந்தத்தின் கதை இது.

இந்த ஆவணப்படம், 2019-ம் ஆண்டிற்கான ஆஸ்கார் விருதை தட்டிச்சென்றது. இந்தப் படம், உத்தரப்பிரதேசத்தில் உள்ள நாப்கின் தயாரிப்பு நிறுவனத்தை மையமாக வைத்து எடுக்கப்பட்டது. சுமன் மற்றும் சினேகா ஆகிய இரண்டு பெண்களும் இந்த ஆவணப்படத்தில் முக்கிய இடம் பெற்றார்கள் என்றே சொல்லலாம். இவர்கள் வேலைபார்த்துக்கொண்டிருந்த என்.ஜி.ஓ-வில் இருந்து தற்போது சரிவர சம்பளம் கொடுக்கப்படவில்லை என்கிற காரணத்தினால் வெளியேறியிருக்கிறார்கள்.

`என்.ஜி.ஓ'வில் இருந்து விலகியது ஏன்?- ஆஸ்கர் விருது பெற்ற பெண்கள் விளக்கம்

இதுகுறித்து தனியார் நிறுவனத்திற்கு அவர்கள் கொடுத்த பேட்டியில், ``கடந்த ஏப்ரல், மே ஆகிய இரண்டு மாதங்கள் எங்களுக்கு சம்பளம் வழங்கப்படவில்லை. நாங்கள் நடித்திருந்த படம் ஆஸ்கார் விருது பெற்றதால், உத்தரப்பிரதேச முதல்வர் எங்கள் இருவருக்கும் தலா ஒரு லட்சம் ரூபாய் வழங்கினார். அந்தப் பணத்தை என்.ஜி.ஓ-வில் தரச் சொல்லி கேட்டார்கள். அப்படி பணத்தை தரவில்லை எனில் வேலையை விட்டு நிற்கச் சொன்னார்கள். இதுவரை என்.ஜி.ஓ-வில் எந்த சம்பள உயர்வையும் நாங்கள் எதிர்பார்க்கவில்லை. அவர்கள் கொடுக்கிற சம்பளத்தைக்கூட கொடுக்காமல் இருப்பது எந்த வகையில் நியாயம்? நாங்கள் ஒரு லட்ச ரூபாய் பணத்தை என்.ஜி.ஓ-வுக்கு கொடுக்காததால் எங்களுக்கு சம்பளம் வழங்காமல் இருந்தார்கள். அதனால், தற்போது அந்த என்.ஜி.ஓ-வில் இருந்து விலகியிருக்கிறோம்'' என்று கூறியுள்ளனர். 

நன்றி : ANI

Vikatan
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு