Published:Updated:

கொரோனா: இந்தியாவில் ஒரே நாளில் 4,194 மரணங்கள்! - 3 லட்சத்தை நெருங்கும் மொத்த பலி எண்ணிக்கை #NowAtVikatan

கொரோனா  பரிசோதனை
கொரோனா பரிசோதனை

22-05-2021 | இன்றைய முக்கிய நிகழ்வுகளின் தொகுப்பு..!

22 May 2021 9 AM

இந்தியாவில் கொரோனா நிலவரம்!

இந்தியாவில் கடந்த 24 மணி நேரத்தில் மேலும் புதிதாக 2,57,299 பேருக்கு கொரோனா பாதிப்பு ஏற்பட்டிருப்பதாக மத்திய சுகாதாரத்துறை தெரிவித்திருக்கிறது. இதன் காரணமாக, இந்தியாவில் மொத்த கொரோனா பாதிப்பு 2,62,89,290 என்ற எண்ணிக்கையை எட்டியிருக்கிறது.

கடந்த 24 மணி நேரத்தில் கொரோனா காரணமாக பலியானவர்களின் எண்ணிக்கை 4,194. இந்தியாவில் இதுவரை கொரோனா பாதிப்பு காரணமாக பலியானவர்களின் எண்ணிக்கை 2,95,525 -ஆக உயர்ந்துள்ளது.

கொரோனா பரிசோதனை
கொரோனா பரிசோதனை

இந்தியாவில் இதுவரை கொரோனா பாதிப்பிலிருந்து மீண்டு வந்தவர்களின் எண்ணிக்கை 2,30,70,365-ஆக இருக்கிறது. தற்போது மருத்துவமனைகளில் 29,23,400 பேர் சிகிச்சையில் இருக்கிறார்கள். ஒரே நாளில் 3,57,630 பேர் பாதிப்பிலிருந்து மீண்டு வீடு திரும்பியிருக்கிறார்கள்.

இந்தியாவில் இதுவரை 19,33,72,819 பேருக்குத் தடுப்பூசி போடப்பட்டிருக்கிறது.

22 May 2021 7 AM

`ஊரடங்கு நீட்டிப்பா..?!’

தமிழகத்தில் கொரோனா பாதிப்பு தொடர்ந்து அதிகரித்துவருகிறது. முதல்வராக இந்த மாதம் பொறுப்பெற்ற ஸ்டாலின், கடந்த 10-ம் தேதி முதல் மாநிலம் தழுவிய ஊரடங்கை 14 நாள்களுக்கு அமல்படுத்தினார். என்றாலும் தொடர்ந்து பாதிப்பு அதிகரிக்க, அதில் சில தளர்வுகள் நீக்கப்பட்டு, கட்டுப்பாடுகள் கடுமையாக்கப்பட்டன. எனினும், தற்போது தமிழகத்தில் தினசரி பாதிப்பு 35,000 -ஐ கடந்துள்ளது. முதல் அலையைவிட இரண்டாம் அலையில் பலி எண்ணிக்கையும் அதிகரித்து காணப்படுகிறது.

கொரோனா மரணம்
கொரோனா மரணம்

ஊரடங்கு, வரும் 24 -ம் தேதி அதிகாலையுடன் நிறைவடையும் நிலையில், இன்று ஸ்டாலின் மருத்துவ வல்லுநர்குழுவுடன் ஆலோசனை நடத்துகிறார். ஊரடங்கின் முடிவில் பாதிப்பு குறையத் தொடங்கியிருந்தால், சில தளர்வுகளை எதிர்பார்த்திருக்கலாம். ஆனால் பாதிப்பு தொடர்ந்து அதிகரித்துவரும் நிலையில், ஊரடங்கு நீட்டிக்கப்படும் என்றே கூறப்படுகிறது. இன்றைய ஆலோசனைக் கூட்டம் சென்னை தலைமைச் செயலகத்தில் காலை 10 மணிக்கு நடைபெறுகிறது. இந்தக் கூட்டத்தில் பங்கேற்கும் மருத்துவக்குழுவினர் தெரிவிக்கும் கருத்துகளின் அடிப்படையில் ஊரடங்கை நீட்டிப்பது குறித்து முக்கிய முடிவுகள் எடுக்கப்படவிருக்கின்றன. கூடுதலாக, முதல்வர் ஸ்டாலின், சட்டமன்ற உறுப்பினர் குழுவுடனும் ஆலோசனை நடத்துவார் எனத் தெரிகிறது.

அடுத்த கட்டுரைக்கு