Published:Updated:

`தமிழகத்தில் 18,000-ஐ கடந்த கொரோனா பாதிப்பு’ - சுகாதாரத்துறை #NowAtVikatan

கொரோனா
கொரோனா

27.5.2020 | இன்றைய முக்கிய நிகழ்வுகளின் தொகுப்பு..!

27 May 2020 9 PM

காசி வழக்கு சிபிசிஐடிக்கு மாற்றம்!

சுஜி என்கிற காசி
சுஜி என்கிற காசி

சமூக வலைதளம் மூலமாக பெண்களை ஏமாற்றிய நாகர்கோவில் காசி வழக்கை சிபிசிஐடிக்கு மாற்றி டிஜிபி திரிபாதி உத்தரவு பிறப்பித்துள்ளார். சென்னை பெண் மருத்துவர் அளித்த புகாரில் சிக்கிய காசி தற்போது சிறையில் இருக்கிறார்.

27 May 2020 6 PM

தமிழகத்தில் கொரோனா நிலவரம்!

கொரோனா
கொரோனா

தமிழகத்தில் இதுவரை இல்லாத அளவாக ஒரே நாளில் 817 பேருக்கு கொரோனா உறுதி செய்யப்பட்டுள்ளதாக சுகாதாரத்துறை தெரிவித்திருக்கிறது. இதனால் மாநிலத்தில் கொரோனாவால் பாதிக்கப்பட்டவர்களின் எண்ணிக்கை 18,000 -ஐ கடந்திருக்கிறது. மொத்த பாதிப்பு 18,545

மாநிலத்தில் அதிகபட்சமாக சென்னையில் 558 பேருக்கு கொரோனா உறுதி செய்யபட்டுள்ளது. இதன்மூலம் சென்னையில் மட்டும் கொரோனாவால் பாதிக்கப்பட்டவர்களின் எண்ணிக்கை 12,000 -ஐ கடந்திருக்கிறது. சென்னையில் மொத்த பாதிப்பு 12,198

27 May 2020 5 PM

மத்தியஸ்தம் செய்யத் தயார்!

லடாக் பகுதியில் சீன ராணுவம் வீரர்களைக் குவித்து வரும் நிலையில், இந்திய, சீன எல்லைப் பகுதியில் தொடர்ந்து பதற்றம் நிலவி வருகிறது. இந்த நிலையில், இந்தியா - சீனா இடையே எல்லைப் பிரச்னையில் மத்தியஸ்தம் செய்ய அமெரிக்கா தயாராக இருப்பதாக ட்ரம்ப் ட்வீட் செய்திருக்கிறார். இது தொடர்பாக இந்தியா மற்றும் சீனா நாடுகளுக்கு விருப்பத்தை தெரிவித்திருக்கிறோம் என்றும் அவர் குறிப்பிட்டு இருக்கிறார்.

ஏற்கெனவே காஷ்மீர் விவகாரத்தில் ட்ரம்ப் மத்தியஸ்தம் செய்ய விரும்பியதையும் இந்தியா அதை மறுத்ததும் குறிப்பிடத்தக்கது.

27 May 2020 10 AM

இந்தியாவில் 1.5 லட்சத்தைத் தாண்டிய கொரோனா பாதிப்பு!

கொரோனா
கொரோனா

இந்தியாவில் கொரோனாவால் பாதிக்கப்பட்டோர் எண்ணிக்கை 1,45, 380-லிருந்து 1,51,767 ஆக உயர்ந்துள்ளதாக மத்திய சுகாதாரத் துறை அமைச்சகம் தெரிவித்திருக்கிறது. அதேபோல், இந்தப் பாதிப்பிலிருந்து மீண்டவர்கள் எண்ணிக்கை 60,491-இல் இருந்து 64,426 ஆகவும் அதிகரித்துள்ளது.

நாடு முழுவதும் கொரோனாவால் உயிரிழந்தோரின் எண்ணிக்கை 4,167-லிருந்து 4,337 ஆக உயர்ந்துள்ளது.

27 May 2020 9 AM

ஜூன் மாத ரேஷன் பொருள்கள் வாங்க மே 29-ம் தேதி முதல் டோக்கன்!

ஜூன் மாதம் ரேஷன் பொருள்கள் வாங்குவதற்கான டோக்கன்கள் வரும் 29-ம் தேதி முதல் 31-ம் தேதி வரை பொதுமக்களின் வீடுகளுக்கே சென்று விநியோகிக்கப்படும் என்று தமிழக அரசு அறிவித்திருக்கிறது.

ரேஷன் கடை முன் பெண்கள்
ரேஷன் கடை முன் பெண்கள்
உ.பாண்டி

இதுதொடர்பாக முதல்வர் எடப்பாடி பழனிசாமி வெளியிட்டுள்ள அறிவிப்பில், ``தமிழகத்தில் உள்ள குடும்ப அட்டைதாரர்களுக்கு ஜூன் மாத ரேஷன் பொருள்களான ஒரு கிலோ சர்க்கரை, ஒரு கிலோ துவரம் பருப்பு, ஒரு லிட்டர் சமையல் எண்ணெய், அரிசி ஆகியவை விலையின்றி வழங்கப்பட உள்ளது.

இதற்கான டோக்கன் மே 29 முதல் 31-ம் தேதி வரை அவரவர் வீடுகளில் வழங்கப்படும். பொதுமக்கள் முகக்கவசம் அணிந்து உரிய சமூக இடைவெளியைக் கடைப்பிடித்தும் ஜூன் 1-ம் தேதிக்குப் பிறகு ரேஷன் கடைகளுக்குச் சென்று பொருள்களை வாங்கிக் கொள்ளலாம்’’ என்று தெரிவிக்கப்பட்டுள்ளது. அந்த டோக்கன்களில் கடைக்குச் செல்ல வேண்டிய நாள் மற்றும் நேரம் ஆகியவை குறிக்கப்பட்டிருக்கும் என்றும் கூறப்பட்டிருக்கிறது.

‘‘பசியைப் போக்குகிறதா ரேஷன் அரிசி?’’
அடுத்த கட்டுரைக்கு