Published:Updated:

ஒரே நாளில் ஆயிரத்தைத் தாண்டிய பாதிப்பு எண்ணிக்கை! -சென்னையில் மட்டும் 804 பேருக்கு தொற்று #Corona #NowAtVikatan

கொரொனா வைரஸ்
கொரொனா வைரஸ்

31.5.2020 | இன்றைய முக்கிய நிகழ்வுகளின் தொகுப்பு..!

31 May 2020 6 PM

தமிழகத்தில் இன்று ஒரே நாளில் 1,149 பேருக்கு கொரோனா!

கொரோனா
கொரோனா

தமிழகத்தில் இன்று ஒரே நாளில் 1,149 பேருக்கு கொரோனா தொற்று உறுதி செய்யப்பட்டிருப்பதாக சுகாதாரத் துறை தெரிவித்துள்ளது. மொத்த பாதிப்பு எண்ணிக்கை 22,333 ஆக இருக்கிறது.

சென்னையில் ஒரே நாளில் 804 பேருக்கு கொரோனா தொற்று உறுதி செய்யப்பட்டுள்ளது. இதன்மூலம் சென்னையில் கொரோனாவால் பாதிக்கப்பட்டோரின் எண்ணிக்கை 8,795 ஆக உயர்ந்துள்ளது. இன்று ஒரே நாளில் 13 பேர் உயிரிழந்தனர்.

31 May 2020 10 AM

முதல்வருக்கு இயக்குநர் பாரதிராஜா வேண்டுகோள்

சின்னத்திரை படப்பிடிப்புக்கு அனுமதி அளிக்கப்பட்டதுபோல் சினிமா படப்பிடிப்புக்கும் அனுமதி அளிக்க வேண்டும் என முதல்வர் எடப்பாடி பழனிசாமிக்கு இயக்குநர் பாரதிராஜா கோரிக்கை விடுத்திருக்கிறார்.

இதுதொடர்பாக அவர் வெளியிட்டுள்ள கடிதத்தில், ``விதிகளைத் தளர்த்தி சின்னத்திரை படப்பிடிப்புக்கு 60 பேர் கொண்ட குழு கலந்து கொள்ளலாம் என அறிவித்துள்ளது உள்ளபடியே மகிழ்ச்சியளிக்கிறது. நன்றிகள். அதேசமயம் சினிமாவும் முடங்கிப்போய் கிடக்கிறது. திரையரங்குகள், விநியோகஸ்தர்கள், தொழிலாளர்கள் என அனைவரும் அடுத்த நிலை என்ன எனத் திணறி வருகிறோம்.

பாரதிராஜா
பாரதிராஜா

பலர் உணவுக்கே வழியின்றி சிரமப்படுகிறார்கள். முதலீடு செய்த தயாரிப்பாளர்கள் வட்டிகட்ட முடியாது திகைக்கின்றனர். பணம் கொடுத்தவர்களும் போட்ட பணத்துக்கான வரவு வழி தெரியாததால் நஷ்டப்பட்டுப் போய் உள்ளனர். சினிமாவை நசிந்துவிடாமல் காக்க வேண்டிய நிலையில் உள்ளோம்.

சின்னத்திரைக்கு அனுமதி கொடுத்துள்ளதைப் போன்ற ஒரு அனுமதியை சினிமாவுக்கும் படப்பிடிப்பைத் தொடங்க கொடுக்குமாறு கேட்டுக்கொள்கிறேன். அரசு வரையறுக்கும் கட்டுப்பாடு, பாதுகாப்பு முறைகளுடன் இயங்குவோம் என உறுதியளிக்கிறோம். இதன்மூலம் சிறுபடங்கள் படப்பிடிப்புக்குச் செல்ல ஏதுவாக அமையும். திரையரங்குகளும் தங்களின் வழிகாட்டுதல்களைப் பின்பற்றி திறந்து செயல்பட திரையுலகினர் சார்பாகக் கேட்டுக்கொள்கிறேன்’’ என்று பாரதிராஜா தெரிவித்திருக்கிறார்.

தொட்டு நடிக்கக்கூடாது... அனுமதி கிடைத்தும் `நோ' ஷூட்டிங்... சின்னத்திரையில் என்னதான் நடக்கிறது?
அடுத்த கட்டுரைக்கு