Published:Updated:

சேமிப்பு... செலவு... கடன்... முதலீடு... இன்றைய இளைஞர்கள் எப்படி?

சர்வே முடிவு
பிரீமியம் ஸ்டோரி
சர்வே முடிவு

சர்வே முடிவு

சேமிப்பு... செலவு... கடன்... முதலீடு... இன்றைய இளைஞர்கள் எப்படி?

சர்வே முடிவு

Published:Updated:
சர்வே முடிவு
பிரீமியம் ஸ்டோரி
சர்வே முடிவு

ம் நாட்டிலிருப்பவர்களில் பெரும்பாலானவர்கள் இளைஞர்களே. ஸ்மார்ட் போனில் ஆரம்பித்து பைக்குகள் வரை இளைஞர்களின் விருப்பத்துக்குரிய பொருள்களே இன்றைக்கு விற்பனையில் சக்கைப்போடு போடுகின்றன.

நிலைமை இப்படியிருக்க, அண்மையில் இந்திய நிதிச் சந்தையில் முக்கிய நிறுவனங்களில் ஒன்றான பேங்க் பஜார், சர்வே ஒன்றை நடத்தியது. இன்றைய இளைஞர்களின் சேமிப்பு மற்றும் செலவு செய்யும் மனப்பான்மை, முதலீட்டுக்கு அவர்கள் கொடுக்கும் முக்கியத்துவம், கடன் வாங்கும் தன்மை உள்ளிட்ட பல விஷயங்கள் பற்றி கேள்வி கேட்கப்பட்டு, அதற்கான பதில் பெறப்பட்டது.

இளைஞர்கள்
இளைஞர்கள்

இந்த சர்வே தொடர்பாகப் பேசிய பேங்க் பஜார் நிறுவனத்தின் தலைமைச் செயல் அதிகாரியும் துணை நிறுவனருமான அதில்ஷெட்டி, “இந்தியாவில் தொழில்நுட்ப மாற்றங்கள் குறிப்பிடத்தக்க அளவுக்கு ஏற்பட்டிருக்கின்றன. கடந்த 2008-ம் ஆண்டு பேங்க் பஜார் தொடங்கப்பட்டதிலிருந்தே இதுமாதிரியான எங்கள் நிறுவனம் தொடர்ந்து கவனித்துவருகிறது.

இந்திய இளைஞர்கள் ஆண்டு முழுக்க நிறைய சம்பாதித்தாலும் கூட, அதில் எவ்வளவு பணத்தைச் சேமிக்கிறார்கள் அல்லது முதலீடு செய்கிறார்கள் என்பது முக்கியமான விஷயம். நிறைய சம்பாதித்து, நிறைய செலவு செய்து கொண்டாட்டமாக வாழும் இளைஞர்களில் பலர், எதிர்காலத்துக்கான முதலீடுகளைச் செய்வதிலும் கில்லாடிகளாகக் கலக்கிவருகிறார்கள். திட்டமிட்டுச் செலவு செய்வதுபோலவே, திட்டமிட்டு முதலீடுகளையும் செய்கிறார்கள்.

புது வாகனம், செல்போன், ஹோட்டலில் அடிக்கடி பார்ட்டி, ஆண்டுக்கு ஒரு முறையாவது ஜாலி டூர் என்று வாழ்க்கையை அனுபவிக்கும் அதே நேரத்தில், பணத்தின் மீதான புரிந்துகொள்ளலும் அவர்களிடம் அதிகரித்தே இருக்கிறது” என்றார்.

சந்தை ஆய்வு மற்றும் நுகர்வோர் ஆலோசனை நிறுவனமான கந்தார் ஐ.எம்.ஆர்.பி (Kantar IMRB) நிறுவனத்தின் மூலம் இந்த சர்வேயைச் செய்திருக்கிறது பேங்க் பஜார். நிதி தொடர்பான இந்திய இளைஞர்களின் பார்வை மற்றும் அவர்களின் சொந்த ஆசைகள் இந்த சர்வேயில் கணக்கிடப்பட்டிருக்கின்றன.

ஆறு அம்சங்கள்

செல்வம், புகழ், பெயர், உறவுகள், சொந்த வளர்ச்சி மற்றும் உடல்நலம் ஆகிய ஆறு அம்சங்களை அடிப்படையாகக்கொண்டு இந்த சர்வே நடத்தப்பட்டது. பணம், வாழ்க்கைமுறை, ஆரோக்கியம், ஆகியவை தொடர்பான இளைஞர்களின் பார்வை குறித்தும் அவர்களின் ஆசைகள் மற்றும் அவற்றை அடைவதற்குத் தயார் செய்யும் நிலை குறித்தும் இந்த சர்வே நடத்தப்பட்டது.

இந்தியாவின் 12 நகரங்களில் 1,828 பேரிடம் இந்த சர்வே மேற்கொள்ளப்பட்டது. 22 வயது முதல் 45 வயது வரையிலான வருமானம் ஈட்டும் ஆண்கள் மற்றும் பெண் களிடம் ஆன்லைனில் கேள்விப் பட்டியல் மூலம் இந்த சர்வே மேற்கொள்ளப்பட்டது.

மெட்ரோ நகரங்களில் வசிப்பவர்களில் 70% பேரும், நகரங்களில் வசிப்பவர்கள் 30% பேரும் இதில் பங்கெடுத்திருக்கிறார்கள். இவர்களில் திருமணமானவர்கள் 70% பேர், திருமணமாகாதவர்கள் 30% பேர்.

தேர்ந்தெடுக்கப்பட்ட இலக்குகளில் எது முக்கியம், அதை அடைவதற்கான முயற்சிகள் மற்றும் தயார்நிலை உள்ளிட்டவை குறித்துக் கேள்விகள் கேட்கப்பட்டிருந்தன. ஒவ்வோர் இலக்குத் தொடர்பான கேள்விகள் கேட்கப் பட்டு, இளைஞர்களின் மனவோட்டம் அறிந்துகொள்ளப்பட்டது.

ஒட்டுமொத்த விகடனுக்கும் ஒரே ஷார்ட்கட்!

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

சர்வேயின் முக்கிய முடிவுகள்

இந்திய இளைஞர்களில் 86.9% பேர், இலக்குகள், ஆசைகளை அடிப்படையாகக் கொண்டே செயல்பட்டு வருகிறார்கள். இவர்களில், கிழக்கிந்திய இளைஞர்கள் ஆசைகளை அடைவதில் அதிக அளவு ஆர்வத்துடன் (87.9%) இருக்கிறார்கள். மேற்கிந்திய இளைஞர்களின் ஆர்வம் 86.8 சதவிகிதமாக இருக்கிறது. வடஇந்திய இளைஞர்கள் மற்றும் தென்னிந்திய இளைஞர்கள் முறையே 86.1% மற்றும் 86.8% ஆர்வத்துடன் இருக்கிறார்கள். இந்தப் பட்டியலில் ஒரிசாவின் தலைநகர் புவனேஸ்வர் நடப்பு ஆண்டில் முதலிடத்தில் (90%) உள்ளது.

அதில்ஷெட்டி
அதில்ஷெட்டி

ஆசைகள் மற்றும் இலக்குகள் குறியீட்டுப் பட்டியலில், பெண்களைவிட (86.3%) ஆண்கள் (87%) அதிக சதவிகிதத்தில் இருந்தாலும் பெண்களின் வளர்ச்சி அபரிமிதமாக இருக்கிறது. ஆண்களுக்கும் பெண்களுக்குமான வளர்ச்சி இடைவெளி நாளுக்கு நாள் குறைந்துகொண்டே வருகிறது.

கடன் வாங்கும் தன்மை

இளைஞர்கள் கிரெடிட் கார்டு (80%) மூலம் மிக அதிகமாகக் கடன் வாங்குகிறார்கள். இதற்கடுத்து, தனிநபர் கடன் (39%), வீட்டுக் கடன் (32%), வாகனக் கடன் (31%), கல்விக் கடன் (17%), தங்க நகைக் கடன் (15%) மற்றும் குறுகிய காலக் கடன் (13%) இடம்பிடித்திருக் கின்றன. கடந்த ஆண்டு சர்வே முடிவுகளுடன் இதை ஒப்பிட்டுப் பார்க்கும்போது, இன்றைய இளைஞர்கள் கடன் வாங்குவது ஓரளவுக்குக் குறைத்திருப்பது ஆரோக்கியமான வளர்ச்சி.

இந்திய இளைஞர்கள் கடன் தொடர்பான விஷயங்களைக் கையாள்வதில் கவனமாக இருக்கிறார்கள். ஏறக்குறைய 80 சதவிகிதத் தினர், தங்கள் மாதாந்தர வருமானத்தில் 30% தொகையைத்தான் இ.எம்.ஐ-க்குச் செலவிடு கிறார்கள். இதையும் ஆரோக்கியமான விஷயமாகவே பார்க்க வேண்டும்.

வீடு வாங்குவதற்கு முன்னுரிமை

ஆசைகள் மற்றும் அவற்றை அடைவதற் கான தயார்நிலை ஆகிய இரண்டுக்கும் இடையேயுள்ள இடைவெளி குறித்த சுவாரஸ்யமான தகவல்கள் இந்த சர்வேயில் தெரியவந்துள்ளன. இன்றைய இளைஞர்கள் பெரும்பாலானோரின் தனிப்பட்ட ஆசை பணம், சொத்து சேர்ப்பதாக இருக்கிறது. முக்கியமாக, சொந்த வீடு வாங்குவதுதான் பலரின் இலக்காக இருக்கிறது. பெரும்பாலானவர் கள் சொந்த வீடு வாங்குவதற்கு முன்னுரிமை தருகிறார்கள். உடல் ஆரோக்கியத்துக்கு முக்கியத்துவம் கொடுப்பவர்கள், சொத்து மற்றும் அந்தஸ்து பற்றி அதிகம் கவலைகொள்ளாமல் இருக்கிறார்கள்.

இளைஞர்களின் சேமிப்பும் முதலீடும்

பொதுவாக, இன்றைய இளைஞர்களிடம் சேமிக்கும் பழக்கம் இல்லை என்ற ஒரு கருத்து நிலவுகிறது. இந்தக் கருத்தினை மறுக்கும் வகையில், சேமிப்பு மற்றும் முதலீட்டில் இன்றைய இளைஞர்கள் அதிக ஆர்வமாக இருப்பது இந்த சர்வேயில் தெரியவந்திருக்கிறது. ஃபிக்ஸ்டு டெபாசிட், எண்டோவ் மென்ட் பாலிசி ஆகியவற்றில் பரவலாக முதலீடு செய்கிறார்கள்.

மூன்றில் ஒருபங்கினர் பங்குச் சந்தையில் முதலீடு செய்து வருகின்றனர். நிரந்தர வைப்புக் கணக்குகள் மற்றும் வங்கிச் சேமிப்பு ஆகியவை அவர்களின் முதலீடுகளில் முக்கியப் பங்குவகிக்கின்றன.

எஸ்.ஐ.பி மீது இளைஞர்களின் கவனம்

இன்றைய இளைஞர்களின் கவனம், மியூச்சுவல் ஃபண்ட் எஸ்.ஐ.பி முறைமீது திரும்பியிருக்கிறது. இளைஞர்களில் பெரும்பாலானவர்கள் எஸ்.ஐ.பி முறையில் முதலீடு செய்ய ஆரம்பித்திருக்கிறார்கள்.

இந்த ஆசை, ஆர்வம், இலக்கு ஆகியவற்றுடன் ஆரோக்கியத்திலும்ம் இன்றைய இளைஞர்கள் கவனம் செலுத்துகிறார்கள். `உடல் மற்றும் மன ஆரோக்கியம் முக்கியம்’ எனக் கருதுகிறார்கள். ஆனால், இந்தப் பிரிவிலும் ஆசை மற்றும் அதை அடைவதற்கான தயார்நிலை ஆகியவற்றுக்கு இடையே அதிகபட்சமாக 3.7 புள்ளிகள் இடைவெளி இருக்கிறது.

ஆரோக்கியத்தையும் உறவுகளையும் தங்களது முக்கிய இலக்காகக் கருதுவதாக 87.7% இளைஞர்கள் தெரிவித்திருக்கிறார்கள். முதலிடத்தில் இந்த இரு பிரிவுகளும் இருக்கின்றன.

இரண்டாவது இடத்தில் சொத்து இருக்கிறது. இதற்கு 87.5% இளைஞர்கள் முக்கியத்துவம் கொடுப்பதாகச் சொல்லியிருக்கிறார்கள். இமேஜுக்கு 87.3% பேரும், புகழுக்கு 86% பேரும் மற்றும் தனிப்பட்ட வளர்ச்சிக்கு 84.9% பேரும் முக்கியத்துவம் கொடுப்பதாகத் தெரிவித்திருக் கிறார்கள்.

இளைஞர்களின் செலவு செய்யும் மனப்பான்மை

இந்த சர்வே முடிவுகளில், 87% இந்தியர்கள் ஆன்லைன் ஷாப்பிங்கில் ஈடுபட்டிருப்பதாகவும், 86% பேர் வெளியில் சென்று உணவுகளுக்காக அதிகம் செலவு செய்ததாகவும், 85% பேர் திரைப்படங்களை பார்ப்பதற்காகச் செலவு செய்ததாகவும் தெரிவித்திருக்கிறார்கள்.

சுமார் 43% பேர் குழந்தைகளின் படிப்புச் செலவுக்காக அதிக தொகையை ஒதுக்குவதாகச் சொல்லியிருக்கிறார்கள். 20% பேர் அவர்களுடைய மேற்படிப்புகளுக்குச் செலவு செய்வதாகத் தெரிவித்திருக்கிறார்கள்.

சர்வே உணர்த்துவது என்ன?

ஆண்களைவிடப் பெண்கள் அதிக அளவில் இலக்குகளை அடைவதில் ஆர்வம் மற்றும் ஆசைகொண்டவர்களாக இருக்கிறார்கள். இந்திய இளைஞர்கள் மத்தியில் ஆரோக்கியம், உறவுகள் மற்றும் சொத்து சேர்ப்பது ஆகியவை முக்கிய நோக்கங்களாக இருக்கின்றன.

புகழ், தனிப்பட்ட வளர்ச்சி ஆகியவை அதற்கு அடுத்த இடங்களைப் பெறுகின்றன. மண்டல அளவிலான மாறுபாடுகளையெல்லாம் கடந்து ஆண், பெண் ஆகிய இருபாலினரின் ஆசைகளும் வீடு வாங்கும் விஷயத்தில் ஒரே மாதிரியாக இருக்கின்றன.

`சேமிப்பு, முதலீடுகளில் இளைஞர்கள் கவனம் செலுத்துவதில்லை’ என்பது தகர்ந்துபோய், அவற்றுக்கு அவர்கள் காட்டும் முக்கியத்துவம் தெளிவாகியிருக்கிறது. `இந்திய இளைஞர்கள் சம்பாதிப்பதில் 40% முதலீடு மற்றும் சேமிப்புக்காக ஒதுக்குகிறார்கள்’ என இந்த சர்வே முடிவு தெரிவித்திருக்கிறது.

இளைஞர்களே, சேமிப்பு, கடன், முதலீடு தொடர்பான விஷயங்களில் நீங்கள் எப்படி? இந்த சர்வே முடிவுகளைப் படித்தபிறகு, நீங்களும் உங்கள் வாழ்க்கையில் திட்டமிட்டுப் பணம் சேமித்து, முதலீட்டை மேற்கொண்டு வரத் தாமதிக்கமாட்டீர்கள் அல்லவா?

“இன்ஷூரன்ஸ் முக்கியம்!

கிருஷ்ணன், கோவை

சேமிப்பு... செலவு... கடன்... முதலீடு... இன்றைய இளைஞர்கள் எப்படி?

“என் வயது 32. நான் மாதம் 25,000 ரூபாய் வருமானம் ஈட்டுகிறேன். பரபரப்பான உலகில், யாருக்கும், எப்போதும், என்ன வேண்டுமானாலும் நடக்கலாம் என்பதால், இன்ஷூரன்ஸ் மிகவும் முக்கியம். மெடிக்ளெய்ம் பாலிசிக்கு ஆண்டுக்கு 12,000 ரூபாய் பிரீமியம் செலுத்தி வருகிறேன். லைஃப் இன்ஷூரன்ஸுக்கு ஆண்டுக்கு 4,500 ரூபாய் பிரீமியம் செலுத்தி வருகிறேன். மேலும், வங்கியில் ஆர்.டி-ஆக மாதம் 2,000 ரூபாய் செலுத்திவருகிறேன். மியூச்சுவல் ஃபண்டில் மாதம் 2,000 ரூபாய் எஸ்.ஐ.பி முறையில் முதலீடு செய்துவருகிறேன். மாதம் 10,000 ரூபாய் வருமானம் வந்தாலும், அதிலும் ஒரு தொகையைச் சேமிக்க வேண்டும் என்பதில் உறுதியாக இருக்கிறேன்.”

சேமிப்பு... செலவு... கடன்... முதலீடு... இன்றைய இளைஞர்கள் எப்படி?

“மியூச்சுவல் ஃபண்டில் முதலீடு செய்ய வேண்டும்!”

வசந்த், மதுரை

“என் வயது 26. கட்டுமானத் துறையில் பணியாற்றி வருகிறேன். மாதம் 15,000 ரூபாய் சம்பளம். பெட்ரோல் அலவன்ஸ் தனி. டூ வீலர் கடனுக்கு மாதம் 3,600 ரூபாய் தவணை செலுத்திவருகிறேன். மாதம் 1,000 ரூபாயை வங்கியில் சேமித்துவருகிறேன். எனது தனிப்பட்டச் செலவுக்கு 1,000 ரூபாய் எடுத்துக் கொண்டு, மீதியை வீட்டுக்குக் கொடுத்து விடுவேன். இன்னும் திருமணம் ஆகவில்லை. எதிர்காலத்தில் இன்ஷூரன்ஸ் பாலிசி எடுக்கவும் மியூச்சுவல் ஃபண்ட் போன்றவற்றில் முதலீடு செய்யவும் திட்டம் வைத்திருக்கிறேன்.”

செ.சல்மான், இரா.குருபிரசாத், படம் : ஈ.ஜெ.நந்தகுமார்

“சேமிப்பு, முதலீட்டைக் கற்றுக்கொடுத்தார் அப்பா!”

முரளி குமார், திருச்சி்

சேமிப்பு... செலவு... கடன்... முதலீடு... இன்றைய இளைஞர்கள் எப்படி?

“என் வயது 34. என் அப்பா, சிறு வயதிலேயே எனக்குச் சேமிப்பு மற்றும் முதலீட்டைக் கற்றுக் கொடுத்துவிட்டார். மின்சாரக் கட்டணம் செலுத்து வது போன்ற வேலை களை என்னையே செய்யச் சொல்வார். என் மாத வருமானம் 18,000 ரூபாய். செல்போன் கட்டணம், பைக் கடன், குடும்பச் செலவு போன்றவை போக மீதமுள்ள பணத்தில், என் மகள் பெயரில் மாதம் 1,000 ரூபாயை இன்ஷூரன்ஸ் பிரீமியமாகச் செலுத்தி வருகிறேன். மாதம் 1,000 ரூபாயை நகைச்சீட்டுக்குக் கட்டி வருகிறேன். இந்தளவுக்குத்தான் இப்போது என்னால் சேமிக்க முடிகிறது. சம்பளம் அதிகரிக்கும் போது சேமிப்பை இன்னும் அதிகரிக்கத் திட்டம் வைத்திருக்கிறேன்.”

சேமிப்பு... செலவு... கடன்... முதலீடு... இன்றைய இளைஞர்கள் எப்படி?

“சீட்டு மூலம் சேமிக்கிறேன்!”

சுபாஷ், சேலம்

“என் வயது 25. பொறியியல் படிப்பை முடித்துவிட்டு, தனியார் கம்பெனி ஒன்றில் வேலை செய்துவருகிறேன். மாதச் சம்பளம் 9,500 ரூபாய். அதில் டூ வீலர் கடனுக்கு மாதம் 3,330 ரூபாய் தவணை செலுத்துகிறேன். பெட்ரோல், மொபைல்போன் பில் ஆகியவற்றுக்கு சுமார் 2,350 ரூபாய் செலவாகிறது. மாதம் 1,000 ரூபாயைச் சீட்டுக் கட்டி வருகிறேன். எனது தனிப்பட்டச் செலவுகள் போக மீதத் தொகையில் மாதம் 1,000 ரூபாய் முதல் 1,500 வரை வீட்டுக்குக் கொடுத்துவிடுவேன். இப்போதைக்கு சீட்டுக் கட்டுவது ஒன்றுதான் சேமிப்பாக இருக்கிறது. வருங்காலத்தில் இதர முதலீடுகளில் கூடுதலாகச் சேமிக்க வேண்டும். அதற்கான திட்டங்களை இப்போதே தீட்டி வைத்திருக்கிறேன்.”

வீ.கே.ரமேஷ், சி.ய.ஆனந்தகுமார், படங்கள்: என்.ஜி.மணிகண்டன், எம்.விஜயகுமார்

“கடன் வாங்குவதில் விருப்பமில்லை!”

செல்வகணபதி, திருநெல்வேலி

சேமிப்பு... செலவு... கடன்... முதலீடு... இன்றைய இளைஞர்கள் எப்படி?

‘‘என் வயது 34. எலெக்ட்ரிக்கல் அண்டு எலெக்ட்ரானிக்ஸ் சேல்ஸ் மற்றும் சர்வீஸ் கடை நடத்திவருகிறேன். மாதம் 40,000 ரூபாய் வருமானம் வருகிறது. சொந்த வீடு என்பதால், வாடகைச் செலவு இல்லை. `வருமானத்தில் திட்டமிட்டு குடும்பத்தை நடத்த வேண்டும்’ என்பதில் கவனமாக இருக்கிறேன். வீட்டுச் செலவு, குழந்தையின் பள்ளிக் கட்டணம், பள்ளி செல்ல ஆட்டோ வாடகை என மாதம் 21,000 ரூபாய்க்கு மேல் செலவாகிறது. மருத்துவம், கல்யாணத்துக்கு மொய் வைப்பது, எதிர்பாராத பயணங்கள் என மாதம் 1,500 ரூபாய் செலவாகிவிடும். வங்கியில் மாதம் 4,000 ரூபாய் சேமித்து வருகிறேன். மாதம் 8,000 ரூபாய் ஏலச்சீட்டுக்குச் செலுத்துகிறேன். தங்க நகை சேமிப்புத் திட்டத்தில் மாதம் 3,000 ரூபாய் செலுத்துகிறேன். `எப்போதும் எதற்காகவும் கடன் வாங்கக் கூடாது’ என்பதில் உறுதியாக இருக்கிறேன்.”

பி.ஆண்டனிராஜ், படம் : எல்.ராஜேந்திரன்

சேமிப்பு... செலவு... கடன்... முதலீடு... இன்றைய இளைஞர்கள் எப்படி?