Published:Updated:

புராஜெக்ட்களைப் பதிவு செய்யாவிட்டால் வீட்டைப் பதிவு செய்ய முடியாது!

ஒட்டுமொத்த விகடனுக்கும் ஒரே ஷார்ட்கட்

Use App
புதிய ரியல் எஸ்டேட் சட்டம் குறித்த விழிப்புணர்வுக் கூட்டம்
புதிய ரியல் எஸ்டேட் சட்டம் குறித்த விழிப்புணர்வுக் கூட்டம்

ரியல் எஸ்டேட்

பிரீமியம் ஸ்டோரி

சென்னையில் ஹிந்துஸ்தான் சேம்பர் ஆஃப் காமர்ஸ் சார்பில் புதிய ரியல் எஸ்டேட் சட்டம் குறித்த விழிப்பு உணர்வுக் கூட்டம் நடந்தது. இந்தக் கூட்டத்துக்கு முதலீட்டு ஆலோசகர் வ.நாகப்பன் தலைமை தாங்கினார். இந்தக் கூட்டத்தில், தமிழ்நாடு ரியல் எஸ்டேட் ஒழுங்குமுறை ஆணையத்தின் (TNRERA) சேர்மன் கே.ஞானதேசிகன் ஐ.ஏ.எஸ் (ஓய்வு) சிறப்புரையாற்றினார்.

புராஜெக்ட்களைப் பதிவு செய்யாவிட்டால் வீட்டைப் பதிவு செய்ய முடியாது!

“இந்தியாவின் மொத்த உள்நாட்டு உற்பத்தியில் (ஜி.டி.பி) ரியல் எஸ்டேட் துறை அதிக பங்களிப்பை அளித்து வருகிறது. மேலும், வேலை வாய்ப்பு எண்ணிக்கையிலும் இந்தத் துறையின் பங்களிப்பு பிரதானமாக இருக்கிறது. ரியல் எஸ்டேட்டைப் பொறுத்தவரை, இந்தியா முழுக்க காலதாமதம் பெரும் பிரச்னையாக இருக்கிறது. கிட்டத்தட்ட 80 - 90% வீடுகள் காலதாமதமாகத்தான் ஒப்படைக்கப் படுகின்றன. இந்தக் காலதாமதம் என்பது மூன்றாண்டு, நான்காண்டு என சர்வசாதாரணமாக இருக்கிறது. இப்படிப்பட்ட பிரச்னை களுக்கெல்லாம் நல்லதொரு தீர்வாக ரியல் எஸ்டேட் ஒழுங்குமுறை சட்டம் வந்திருக்கிறது. இது தமிழ்நாட்டில் 2017-ம் ஆண்டு முதல் நடைமுறைப்படுத்தப்பட்டு வருகிறது” என்றவர், அதன் நோக்கங்களைக் குறிப்பிட்டார்.

‘‘அனைத்து ரியல் எஸ்டேட் புராஜெக்ட்களும் ரெராவில் கட்டாயம் பதிவு செய்யப்பட வேண்டும். தமிழ்நாடு ரெராவின் இணையதளத்தில் (http://www.tnrera.in/index.php) புதிய புரா ஜெக்ட்களின் அப்ரூவல் பிளான்கள், பில்டர்கள் பற்றிய விவரங்கள், நிறைவு சான்றிதழ் போன்றவற்றை அறிந்துகொள்ள லாம். இப்போது அனைத்து ரியல் எஸ்டேட் திட்டங்களிலும் கார்ப்பெட் ஏரியா அடிப்படையில்தான் அடுக்குமாடிக் குடியிருப்புகளின் அளவுகளைக் குறிப்பிட வேண்டும் எனக் கொண்டுவந்திருக்கிறோம். மேலும், திறந்தவெளி கார் நிறுத்துமிடம், பொதுப் பயன்பாட்டு இடங்கள், ஒவ்வோர் அடுக்குமாடிக் குடியிருப்புக்கும் பிரிக்கப்படாத மனை (யூ.டி.எஸ்) ஆகியவற்றை பில்டர்கள் தெளிவாகக் குறிப்பிட்டு, அந்த விவரங்களை ரெரா இணையதளத்தில் பதிவேற்றம் செய்து, பதிவு சான்றிதழையும் வழங்கிவருகிறோம். தமிழ்நாட்டில் ஆயிரம் புரா ஜெக்ட்கள்மூலம் சுமார் 70,000 வீடுகள் ரெராவில் பதிவு செய்யப்பட்டுள்ளது” என்றவர், வீடுகளை ஒப்படைப்பதில் காலதாமதம் ஏற்பட்டால் என்ன நடவடிக்கை எடுக்கப்படும் என்பதையும் சொன்னார்.

புராஜெக்ட்களைப் பதிவு செய்யாவிட்டால் வீட்டைப் பதிவு செய்ய முடியாது!

‘‘வீடுகளைக் காலதாமதமாக ஒப்படைக்கும் பட்சத்தில், வீட்டை வாங்கியவர்கள் செலுத்திய தொகைக்கு ஆண்டுக்கு 10.7% வட்டியை பில்டர்கள் வழங்க வேண்டும். வீட்டை வாங்குபவர்கள் பணத்தைத் தாமதமாக கொடுத்தால் அவர்களும் இதே அளவு வட்டி கொடுக்க வேண்டும். மேலும், அனைத்து ரியல் எஸ்டேட் விளம்பரங்களிலும் ரெரா பதிவு பற்றிக் குறிப்பிடுவது கட்டாயம். ரெரா பதிவு எண் இல்லாமல் செய்யப்படும் விளம்பரங்களுக்கு அபராதம் விதிக்கப்படும். அந்த விளம்பரத்தைக் கொடுத்தவர்களுக்கு நோட்டீஸ் அனுப்பி வருகிறோம். அந்த வீடுகளை பத்திரப் பதிவு செய்ய அனுமதிக்கக்கூடாது என சார்பதிவாளர்களுக்குத் தகவல் அனுப்பி வருகிறோம்.

வீடு வாங்குபவர்களில் 66 சதவிகிதத்தினரின் அனுமதியில்லாமல் பில்டர்கள் கட்டுமானத்தின் வடிவமைப்பை மாற்றமுடியாது. ரெராவின்கீழ் கட்டுமானத்தின் ஸ்ட்ரக்சுரல்-க்கு ஐந்தாண்டு கேரன்டி கொடுக்கப்படுகிறது. ரெரா சட்டத்தின் கீழ் ரியல் எஸ்டேட் ஏஜென்ட்டுகள் பதிவு செய்வது அதிகரித்து வருகிறது. ரெரா சட்டத்தைப் பற்றி பொதுமக்கள் முழுமையாகப் புரிந்துகொள்ள மாநிலம் முழுக்க விழிப்பு உணர்வுக் கூட்டங்களை நடத்தி வருகிறோம்’’ என்றார் ரெரா சேர்மன்.

புதிதாக அடுக்குமாடிக் குடியிருப்பு வாங்குபவர் கள் இந்த விஷயங்களைக் கவனிக்கலாமே!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு