Published:Updated:

பெற்றோர் செய்யக்கூடாத மூன்று தவறுகள்! - பாய்ஸ்... கேர்ள்ஸ்... பேரன்ட்ஸ்.. இனி இல்லை இடைவெளி! - 2

ஷர்மிளா, ஆஷ்லி
பிரீமியம் ஸ்டோரி
ஷர்மிளா, ஆஷ்லி

நாம் பெற்றோரானதும் கடந்துவந்த பதின்பருவ பாதையை வசதியாக மறந்துவிட்டு, குழந்தைகளுக்கு பாடம் எடுக்க ஆரம்பித்து விடுவோம்

பெற்றோர் செய்யக்கூடாத மூன்று தவறுகள்! - பாய்ஸ்... கேர்ள்ஸ்... பேரன்ட்ஸ்.. இனி இல்லை இடைவெளி! - 2

நாம் பெற்றோரானதும் கடந்துவந்த பதின்பருவ பாதையை வசதியாக மறந்துவிட்டு, குழந்தைகளுக்கு பாடம் எடுக்க ஆரம்பித்து விடுவோம்

Published:Updated:
ஷர்மிளா, ஆஷ்லி
பிரீமியம் ஸ்டோரி
ஷர்மிளா, ஆஷ்லி

‘குழந்தைங்க பிறக்கும் போதே இப்படித்தான் நடந்துக்கணும்னு ஒரு இன்ஸ்ட்ரக்‌ஷன் மேனுவ லோடு வந்தா எப்படி யிருக்கும்... குழந்தை வளர்ப்புங்கிற பயணம் ஈஸியாவும், பயமில்லாமலும் போகும்ல என்று நிறைய பெற்றோர் இப்படிச் சொல்லிக் கேட்டிருக்கிறேன்.

குழந்தைகளைக் கையாள்வது என்பது இன்று ரொம்பவே மாறிவிட்டது. டீன்ஏஜ் பிள்ளைகளுடனான பயணம் அதைவிடவும் சவாலானது. பெற்றோரின் பேராசைப்படி இன்ஸ்ட்ரக்‌ஷன் மேனுவல் எல்லாம் சாத்திய மில்லை என்றாலும் கடந்துவந்த பாதையின் அனுபவங்களின் அடிப்படையில் சில விஷயங்களை என்னால் சக பெற்றோருடன் பகிர்ந்துகொள்ள முடியும். அவற்றைக் கேட்ட பிறகு ‘எனக்கு மட்டும்தான் இப்படியா...?’ என்ற உங்கள் எண்ணத்தில் மாற்றம் வரலாம். ஆமாம்... உங்ககூட ‘நாங்க இருக்கோம்...’

ஓர் அம்மாவாக என் குழந்தைக்கு எப்போதும் எல்லாவற்றிலும் ஆகச் சிறந்ததே கிடைக்க வேண்டும் என ஆசைப்படுபவள் நான். அநேகமாக எல்லா பெற்றோருக்கும் இந்த எண்ணம் இருக்கலாம். நாம் வாழ்ந்த வாழ்க்கையின் மிகச் சிறந்த விஷயங்களை அவர்களுக்குக் கொடுத்து மிகச் சிறப்பாக வளர்த்துவிட வேண்டும், அவர்கள் தம் வாழ்க்கையில் மிளிர வேண்டும் என்றே எல்லா பெற்றோரும் எதிர்பார்ப்போம். ஆனால், இந்த எதிர்பார்ப்பை நோக்கிய நம் முயற்சிகளில், மெனக்கெடல்களில் நிறைய சறுக்கல்களைச் சந்திப்போம்.

ஒவ்வொரு பெற்றோரும் அந்த விஷயங்களில் தவறுகள் செய்து அவற்றிலிருந்து தான் பாடம் கற்க வேண்டும் என்றில்லை. உங்களுக்கு முன்னோடிகளாக நாங்கள் செய்த தவறுகளை உங்களுக்குச் சொல்கிறோம். பதின்பருவ பிள்ளைகளை வளர்க்கும்போது அந்தத் தவறுகளைத் தவிர்த்துவிட்டீர்கள் என்றால் உங்களுக்கும் உங்கள் பிள்ளைகளுக்கும் இடையிலான உறவு இனிமையானதாக மாறும்.

1. டீன்ஏஜில் பெரும்பாலான பிள்ளைகள் கொஞ்சம் வித்தியாசமாகத்தான் நடந்து கொள்வார்கள். பெற்றோரின் பார்வைக்கு அந்த நடத்தை கொஞ்சம் ‘பைத்தியக்காரத் தனமாக’த் தெரியலாம். அந்தப் பார்வையின் அடிப்படையில் ‘டீன் ஏஜ் பிள்ளைங்கன்னாலே இப்படித்தான்’ என்ற முன்முடிவுக்கும் வந்து விடுவோம்.

நாம் பெற்றோரானதும் கடந்துவந்த பதின்பருவ பாதையை வசதியாக மறந்துவிட்டு, குழந்தைகளுக்கு பாடம் எடுக்க ஆரம்பித்து விடுவோம். ‘எப்படித்தான் உங்க வயசுப் பசங்களால மட்டும் எந்த வேலையும் செய்யாம பொழுதன்னிக்கும் தூங்கவும் ராத்திரி முழுக்க டிவி பார்க்கவும் முடியுதோ...’ என்று புலம்புவோம்.

அந்த இடத்தில்தான் பிள்ளைகள் பெற்றோர்களை மதிக்காமலிருக்கவும், பொய் சொல்லவும், இன்னும் பல விஷயங்களைச் செய்யவும் பழகுகிறார்கள். இப்படி நீங்கள் கேள்விப்படுகிற கதைகளை, அனுபவங்களை வைத்து உங்கள் குழந்தையும் நாளைக்கு டீன்ஏஜில் அடி யெடுத்துவைக்கும்போது அப்படித் தான் இருப்பான்... இருப்பாள் என முன் முடிவு செய்யாதீர்கள்.

பெற்றோர் செய்யக்கூடாத மூன்று தவறுகள்! - பாய்ஸ்... கேர்ள்ஸ்... பேரன்ட்ஸ்.. இனி இல்லை இடைவெளி! - 2

மற்றவர்கள் சொல்வதைக் கேட்டுக்கொள்ளுங்கள். குழந்தை வளர்ப்புப் பயணத்தில் உங்களுடைய கட்டுப்பாட்டை மறந்துவிடாதீர்கள். ஒவ்வொரு பெற்றோரும் ஒவ்வொரு பதின் பருவக் குழந்தையும் வேறுவேறான வர்கள். முன் முடிவுகளுடன் பதின் பருவப் பிள்ளைகளை அணுகுவது உங்கள் உறவை சிக்கலாக்கும்.

2. ஓவர் ஸ்ட்ரிக்ட், ஓவர் சுதந்திரம்... குழந்தை வளர்ப்பில் இந்த இரண்டுமே கூடாது. குழந்தைகள் உங்களிடம் எல்லாவற்றையும் பகிர்ந்து கொள்ளும் அளவுக்கு அவர்களுடன் நட்பாக இருப்பது ஓகேதான். ஆனால், அதையே சாதகமாக்கிக் கொண்டு அவர்கள் உங்களுக்கான மரியாதையைக் குறைப்பது தெரிந்தால் அதை அனுமதிக்கக் கூடாது. நட்பான அணுகுமுறைக்கும் எல்லை மீறலுக்கும் இடையிலான மெல்லிய கோட்டை உங்களால் மட்டும்தான் உணர முடியும்.

3. தொடரின் முதல் அத்தியாயத் தில் வலியுறுத்திய உரையாடலை எக்காரணம் கொண்டும் தவற விடாதீர்கள்.

‘பிள்ளைங்க நம்மகிட்டல்லாம் எங்கே பேசப் போறாங்க...’ என்ற எண்ணத்தில் பல பெற்றோரும் பிள்ளைகளுடனான உரை யாடலைத் தவிர்க்கிறார்கள். அது தவறு. நீங்கள் உங்கள் பிள்ளைகளுக்காக நேரம் ஒதுக்கிப் பேசத் தயாராக இருந்தால் அவர்களும் அதற்குத் தயாராகவே இருப்பார்கள். பெற்றோர்களுக்கும் பிள்ளைகளுக்குமான ஆரோக்கியமான உரையாடல் என்பது உறவுகளை உறுதியாக்கும் அஸ்திவாரம்'' என்கிறார் டாக்டர் ஷர்மிளா.

இம்பர்ஃபெக்ட்டா இருக்கிறது தப்பில்லை!

``ஒரு டீன்ஏஜரா என் பார்வையில் பெற்றோர்கள் எப்படி நடந்துக்கிறாங்கனு பகிர விரும்பறேன். எனக்கு நினைவு தெரிஞ்ச நாள்லேருந்து எங்கம்மாவை ‘மிஸ் பர்ஃபெக்டா’தான் பார்த்திருக்கேன். அந்த எதிர்பார்ப்பைப் பூர்த்திசெய்ய முடியாம பலமுறை நான் அவங்களை ஃபீல் பண்ண வெச்சிருக்கேன். தப்பு மேல தப்பு செய்து ஒருகட்டத்துல நான் சரியில்லைங்கிற முடிவுக்கு வந்தேன்.

எங்களுக்குள்ள நிறைய சண்டைகள் வந்திருக்கு. நான் எவ்வளவுதான் முயற்சி செய்தாலும் எதுவும் போதுமானதா இருக்கப் போறதில்லை, நான் சரியாகப் போறதில்லைனு ஒருகட்டத்துல முயற்சிகள் பண்றதையே நிறுத்திட்டேன். நான் ‘இம்பெர்ஃபெக்ட்’டுங்கிற எண்ணம் வந்ததும் ‘பெர்ஃபெக்ட்’டான எங்கம்மாகிட்டருந்து ஒதுங்கினேன்.

வீட்டுக்குத் தெரியாம நான் ஸ்கூலுக்கு செல்போன் எடுத்துட்டுப் போனதால அம்மாவை ஸ்கூலுக்கு வரச் சொன்னாங்க டீச்சர்ஸ். அன்னிக்கு அம்மா என்னை என்ன பண்ணப் போறாங்களோ, எப்படி யெல்லாம் திட்டப் போறாங்களோனு பயத்தோடவே இருந்தேன்.

ஸ்கூலுக்கு வந்து டீச்சர்ஸ்கிட்ட பேசிட்டு, அம்மா என்னை மரத்தடிக்குக் கூட்டிட்டுப் போனாங்க. திட்டுவாங்கன்னு எதிர்பார்த்த நிலையில அம்மா என்னைக் கட்டிப்பிடிச்சு, ‘இப்ப ஒண்ணும் ஆயிடலை. எல்லாரும் தப்பு பண்றது சகஜம்தான்.

நானும் உன் வயசுல இப்படியெல்லாம் தப்பு பண்ணியிருக்கேன். தப்புனு உணர்ந்து, அடுத்த முறை அதைத் திருத்திக்கணும். இனிமே இப்படிச் செய்யாதே...’னு ரொம்ப அன்பா அட்வைஸ் பண்ணாங்க. அப்போ எனக்கு ரெண்டு விஷயங்கள் புரிஞ்சது.

அம்மா-அப்பாங்கிறவங்க உயர்ந்தவங்க, பிள்ளைங்க தாழ்ந்தவங்கன் னெல்லாம் எதுவும் இல்லை. அம்மா-அப்பாவா இருக்குறதாலயே அவங்க பர்ஃபெக்ட்டாதான் இருப்பாங்கன்னும் இல்லை. அவங்களும் தப்பு பண்ணித் திருத்திக்கிட்டவங்கதான். அதே மாதிரிதான் பிள்ளைங்களும். அம்மா-அப்பா தப்புனு சுட்டிக்காட்டும் விஷயங்களைப் புரிஞ்சுகிட்டு திருத்திக்கிட்டா என் வாழ்க்கை நல்லாருக்கும்னு புரிஞ்சது.

அம்மாவும் என்னை மாதிரியே ‘இம்பர்ஃபெக்ட்’டுனு எனக்குப் புரிஞ்சது. இம்பர்ஃபெக்ட்டா இருக்கிறது தப்பில்லைன்னும் உணர்ந்தேன். அம்மா-மகள் உறவில் நாங்க ரெண்டு பேருமே இம்பெர்ஃபெக்ட்தான் என்பதும் அதுதான் எங்க உறவை பர்ஃபெக்ட்டா வெச்சிருக்கிற விஷயம்னும் அப்ப ரெண்டு பேரும் புரிஞ்சுகிட்டோம்’’ என்றார் ஆஷ்லி.

- ஹேப்பி பேரன்ட்டீனிங்...

டீன் டேட்டா...

12 முதல் 17 வயதுக்குள்ளான டீன் ஏஜர்களில் மூன்றில் ஒருவர் அதாவது 66 சதவிகிதத்தினர், அம்மா - அப்பா என இருவருடன் வாழ்கிறார்கள். 24 சதவிகிதத்தினர் அம்மாவுடன் மட்டும், 5 சதவிகிதத்தினர் அப்பாவுடன் மட்டும் வாழ்கிறார்கள். மற்றுமொரு 5 சதவிகிதத்தினர் அம்மா - அப்பா இருவருமின்றி வாழ்கிறார்கள்.

அம்மா - அப்பாவுக்கிடையிலான உறவு, பிள்ளைகளின் வளர்ச்சியில் மிகப் பெரிய பங்காற்றுகிறது. பிள்ளைகளின் நடத்தை, பள்ளிக்கூடச் செயல்பாடு, அவர்களின் மனநலம், சமூகத் தகைமை போன்றவை அம்மா-அப்பாவின் சுமுகமான, மகிழ்ச்சியான உறவுமுறையைப் பொறுத்தே அமைகின்றன.

அம்மா - அப்பா இருவருடனும் வளரும் குழந்தைகள்தான் பெரும்பாலும் போதைப் பழக்கங்கள், வன்முறை போன்றவற்றுக்குள் செல்லாமல் ஆரோக்கியமானவர்களாக இருக்கிறார்கள். உதாரணத்துக்கு ஏமாற்றம், கோபம், வலி, தோல்வி என உணர்வுகளைக் கையாள்வதில் அம்மா-அப்பா என இருவரின் அணுகுமுறையும் எப்படியிருக்கிறது என்பதை பிள்ளைகள் கவனித்தபடியே வளர்கிறார்கள். பெற்றோரின் பாசிட்டிவ்வான அணுகு முறையையும் பக்குவமான நடத்தையையும் பார்த்து வளரும் பிள்ளைகள், வாழ்க்கையின் எந்தச் சூழலையும் பதற்றமின்றி, பக்குவமாக அணுகப் பழகுகிறார்கள். அம்மா-அப்பா என யாரோ ஒருவருடன் மட்டும் அல்லது வழிநடத்த யாருமில்லாமல் வளரும் பிள்ளைகளுக்கு உணர்வுகளைக் கட்டுப்படுத்துவதிலும் பிரச்னைகளை எதிர்கொள்வதிலும் நிறைய தடுமாற்றங்கள் ஏற்படுகின்றன. அவற்றைக் கையாளத் தெரியாமல் போதை உள்ளிட்ட தவறான பாதைகளுக்குச் செல்கின்றனர்.

இந்த விஷயத்தில் அம்மா-அப்பா இருவரும் ஒரே வீட்டில் சேர்ந்திருப்பது மட்டுமே முக்கியமாவதில்லை. அவர்களது சுமூக உறவு, பிள்ளைகளுடனான உரையாடல், உறவுமுறை போன்றவையும் இந்த விஷயத்தில் முக்கியப் பங்காற்றுகிறது.

source- ACT for Youth

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism