Published:Updated:

நாணயம் பிட்ஸ்...

விவசாய ஸ்டார்ட்அப்கள்
பிரீமியம் ஸ்டோரி
News
விவசாய ஸ்டார்ட்அப்கள்

அண்மைக் காலமாக விவசாய ஸ்டார்ட்அப் நிறுவனங்கள் முதலீட்டைக் குவித்துவருகின்றன.

மீண்டும் முதலீடு செய்யத் தொடங்கிய பஃபெட்!

நாணயம் பிட்ஸ்...

சூப்பர் முதலீட்டாளரான வாரன் பஃபெட், கடந்த சில மாதங்களாகக் கைநிறைய பணத்தை வைத்துக்கொண்டு எந்தத் தொழிலிலும் முதலீடு செய்யாமலே இருந்தார். ‘முதலீடு செய்யும் அளவுக்கு நல்ல நிறுவனம் எதுவும் கிடைக்கவில்லையே!’ எனத் தேடிக்கொண்டே இருந்தார். இந்த நிலையில் அவர், `டொமினீயன் எனர்ஜி நேச்சுரல் கேஸ் பைப்லைன்’ என்ற நிறுவனத்தில் முதலீடு செய்ய ஒப்புக்கொண்டிருக்கிறார். ஏறக்குறைய 10 பில்லியன் டாலர் அளவுக்கு அவர் முதலீடு செய்ய ஒப்புக்கொண்டிருக்கிறாராம். 434 பில்லியன் டாலர் மதிப்புகொண்ட பர்க்‌ஷையர் ஹாத்அவே நிறுவனத்தில் 100 பில்லியன் டாலருக்குமேல் பணத்தை வைத்துக்கொண்டு, நல்ல நிறுவனங்களைத் தேடிவருகிறார் பஃபெட்.

பொறுமைதானே தேர்ந்த பிசினஸ்மேனுக்கு அழகு!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

இன்ஷுரன்ஸ் பிசினஸில் நுழையும் பேடிஎம் விஜய்!

நாணயம் பிட்ஸ்...

ணப் பரிமாற்றம் தொடங்கி மியூச்சுவல் ஃபண்ட் முதலீடு வரை சகல தொழில்களிலும் நுழைந்திருக்கும் பேடிஎம் நிறுவனம், தற்போது இன்ஷூரன்ஸ் பிசினஸில் நுழைவதற்கான அடிப்படையை உருவாக்கியிருக்கிறது. இதற்காக, ரஹேஜா க்யூ.பி.இ ஜெனரல் இன்ஷுரன்ஸ் நிறுவனத்தை ரூ.568 கோடி தந்து வாங்கியிருக்கிறது. நிதிச் சேவை தொடர்பான அனைத்து வகையான அம்சங்களையும் முதலீட்டாளர்களுக்கு அளிக்க இந்தக் கையகப்படுத்தல் மிகவும் உதவியாக இருக்கும் என்கிறது பே டிஎம் நிறுவனம்.

பிசினஸில் விஜய் கில்லிதான்!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

மியூச்சுவல் ஃபண்ட் கமிஷன் மிகவும் குறைந்தது!

மியூச்சுவல் ஃபண்ட் விநியோகஸ்தர்களுக்கு அளிக்கப்படும் கமிஷன் கடந்த மூன்று ஆண்டுகளில் இல்லாத அளவுக்குக் குறைந்திருக்கிறது. கடந்த 2018-ம் நிதியாண்டில் ரூ.8,549 கோடி கமிஷனாகத் தரப்பட்டது. 2019-ம் நிதியாண்டில் ரூ.7,538 கோடி கமிஷனாக வழங்கப்பட்டது. ஆனால், 2020-ம் நிதியாண்டில் ரூ.6,134 கோடி மட்டுமே கமிஷனாகத் தரப்பட்டுள்ளது. இது கடந்த ஆண்டைக் காட்டிலும் 22% குறைவு.

நாணயம் பிட்ஸ்...

முதலீட்டாளர்கள் நேரடியாக ஃபண்டுகளில் முதலீடு செய்வது முக்கியமான காரணமாகப் பார்க்கப்படுகிறது. இதனால் தனிப்பட்ட நபர்களின் வருமானம் குறைந்ததைவிட, பெரிய நிறுவனங்களின் கமிஷன் வருமானம் கணிசமாகக் குறைந்திருக்கிறது.

ஃபண்ட் முதலீட்டை நோக்கி மக்கள் இன்னும் அதிகம் வர வேண்டும்!

உச்சத்தைத் தொட்ட சமையல் எண்ணெய் இறக்குமதி!

நாணயம் பிட்ஸ்...

மையல் எண்ணெய் இறக்குமதி கடந்த ஆறு மாதங்களில் இல்லாத அளவுக்கு உச்சத்தைத் தொட்டிருக்கிறது. கடந்த ஜனவரி மாதத்தில் 1.16 மில்லியன் டன் அளவுக்கு சமையல் எண்ணெய் எண்ணெய் இறக்குமதியானது. அதைத் தொடர்ந்து கோவிட்-19 ஊரடங்கு காரணமாக நாடு முழுக்க உணவகங்கள் மூடப்பட்டதால், சமையல் எண்ணெய் இறக்குமதி குறைந்தது. இந்த நிலையில், கடந்த ஜூன் மாதம் முதல் ஊரடங்கு நடவடிக்கைகள் மீண்டும் விலக்கிக்கொள்ளப்பட்டதால், சமையல் எண்ணெய் இறக்குமதி அதிகரித்திருக்கிறது. இந்த ஜூலை மாதம் முதல் நாட்டின் பெரும்பாலான பகுதிகளில் இயல்பு வாழ்க்கை திரும்பியிருப்பதால், சமையல் எண்ணெய் இறக்குமதி இன்னும் அதிகரிக்கும்!

வியாபாரம் மீண்டும் களைகட்டினால் மகிழ்ச்சிதான்!

முதலீட்டைக் குவிக்கும் விவசாய ஸ்டார்ட்அப்கள்!

நாணயம் பிட்ஸ்...

ண்மைக் காலமாக விவசாய ஸ்டார்ட்அப் நிறுவனங்கள் முதலீட்டைக் குவித்துவருகின்றன. `நின்ஜாகார்ட்’ என்ற விவசாய ஸ்டார்ட்அப் நிறுவனம் கடந்த 2019-ல் 90 மில்லியன் டாலர் அளவுக்கு நிதி திரட்டியிருக்கிறது. கடந்த ஆண்டில் வெறும் ஒன்பது விவசாய ஸ்டார்ட்அப் நிறுவனங்களே முதலீட்டைத் திரட்டின. ஆனால், இந்த ஆண்டில் 15 நிறுவனங்கள் முதலீட்டைத் திரட்டியுள்ளன. அடுத்த இரண்டு ஆண்டுகளில் விவசாய ஸ்டார்ட்அப் நிறுவனங்கள் சுமார் 500 மில்லியன் டாலர் (ரூ.3,500 கோடி) அளவுக்கு முதலீட்டைத் திரட்டும் என மேபில் கேப்பிட்டல் அட்வைஸர்ஸ் நிறுவனம் கணித்திருக்கிறது!

விவசாயம் நமக்கு என்றும் சோறு போடும்!

மீண்டும் பழைய உச்சம்... மகிழ்ச்சியில் மசயோசி சன்!

நாணயம் பிட்ஸ்...

ப்பான் நாட்டு நிறுவனமான சாஃப்ட் பேங்க்கின் நிறுவனர் மசயோசி சன் மகிழ்ச்சியிலிருக்கிறார். காரணம், அவரது நிறுவனம் ஏறக்குறைய 20 ஆண்டுகளுக்குப் பிறகு பழைய உச்ச விலையை தற்போது அடைந்திருக்கிறது. கடந்த 2000-ம் ஆண்டில் சாஃப்ட் பேங்க் நிறுவனத்தின் பங்கு விலை 5,722 யென்-ஐ எட்டியது. டாட்காம் நிறுவனங்கள் தோல்வியடையத் தொடங்கிய பிறகு இந்த நிறுவனத்தின் பங்கு விலை குறையத் தொடங்கியது. இந்த நிறுவனத்தின் பங்கு விலையை உயர்த்த மசயோசி சன்னும் என்னென்னவோ செய்துபார்த்தார். கடைசியில், இந்தப் பங்கைத் தொடர்ந்து பைபேக் செய்ததன் விளைவாக, தற்போது 6,190 யென் என்ற அளவுக்கு உயர்ந்திருக்கிறது.

இனியாவது விலை உயருமா?