Published:Updated:

தென்காசி: பீர் பாட்டிலுடன் ரகளையில் ஈடுபட்ட காவலர்! - வைரலாகும் வீடியோ

மது பாட்டிலுடன் காவலர் ராஜகுரு
News
மது பாட்டிலுடன் காவலர் ராஜகுரு

குடிபோதையில் நடுரோட்டுக்கு வந்த போலீஸ்காரரின் கையில் பீர் பாட்டில் இருந்தது. அந்த வழியாகச் செல்வோரிடம் வம்பிழுத்ததை யாரோ வீடியோ பதிவுசெய்து வெளியிட்டது வைரலாகப் பரவிவிட்டது.

தென்காசி மாவட்டம், கடையநல்லூர் காவல் நிலையத்தில் பணியாற்றிவருபவர், ராஜகுரு. அவரைப் பாதுகாப்புப் பணிக்காக திருமலாபுரம் பகுதிக்கு இன்ஸ்பெக்டர் அனுப்பிவைத்துள்ளார். அங்கு செல்லும் வழியில் சேர்ந்தமரம் பகுதியிலிருந்த டாஸ்மாக் கடையைப் பார்த்ததும் உள்ளே நுழைந்துவிட்டார்.

மதுக்கடையில் நன்றாகக் குடித்து முடித்த காவலர் ராஜகுரு, கையில் ஒரு பீர் பாட்டிலுடன் வெளியே வந்திருக்கிறார். காவலர் சீருடையுடன் கையில் பீர் பாட்டிலை வைத்துக்கொண்டு தள்ளாடியபடி நிற்பதை அந்தப் பகுதி வழியாகச் சென்றவர்கள் பார்த்து அதிர்ச்சியடைந்தனர்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

மது போதையில் இருந்த காவலர் ராஜகுரு, சாலையில் செல்வோரை வம்புக்கு இழுத்து தகாத வார்த்தைகளால் திட்டித் தீர்த்துள்ளார். அதைத் தட்டிக்கேட்ட பொதுமக்களை மிரட்டும் வகையில், ‘நான் யார் தெரியுமா? என்னை எவனும் எதுவும் செய்ய முடியாது’ என்று சண்டைக்குச் சென்றிருக்கிறார்.

வைரலாகும் காவலர் வீடியோ
வைரலாகும் காவலர் வீடியோ

மது போதையில் அவர் செய்யும் செயல்களையும், பொதுமக்களை மிரட்டுவதையும் அந்தப் பகுதியில் உள்ள இளைஞர்கள் சிலர் வீடியோ பதிவு செய்துள்ளனர். அந்த வீடியோ சமூக வலைதளங்களில் வைரலாகப் பரவிவருகிறது.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

காவலர் ஒருவர் சாலையில் போதையில் நின்றபடி மிரட்டிவருவது தொடர்பாக ராஜ் என்பவர் சேர்ந்தமரம் காவல் நிலையத்தில் புகார் கொடுத்தார். உடனடியாக, சம்பவ இடத்துக்குச் சென்ற சப் இன்ஸ்பெக்டர் வேல்பாண்டியன், காவலர் ராஜகுருவை காவல் நிலையத்துக்கு அழைத்துச் சென்று விசாரணை நடத்தினார்.

பொதுமக்களிடம் வாக்குவாதம்
பொதுமக்களிடம் வாக்குவாதம்

காவலர் ஒருவர், சீருடையில் பொது இடத்தில், பீர் பாட்டிலுடன் நின்று பொதுமக்களை அச்சுறுத்திய சம்பவத்தை அந்த வழியாகச் சென்ற பொதுமக்கள் அதிர்ச்சியுடன் பார்த்துச் சென்றனர்.