Published:Updated:

‘‘தமிழகத்தின் பெருமையை தனியாருக்குத் தாரைவார்க்கத் துடிக்கிறார்கள்!’’

ஐ.சி.எஃப் ஊழியர்கள் போர்க்குரல்
பிரீமியம் ஸ்டோரி
ஐ.சி.எஃப் ஊழியர்கள் போர்க்குரல்

- ஐ.சி.எஃப் ஊழியர்கள் போர்க்குரல்

‘‘தமிழகத்தின் பெருமையை தனியாருக்குத் தாரைவார்க்கத் துடிக்கிறார்கள்!’’

- ஐ.சி.எஃப் ஊழியர்கள் போர்க்குரல்

Published:Updated:
ஐ.சி.எஃப் ஊழியர்கள் போர்க்குரல்
பிரீமியம் ஸ்டோரி
ஐ.சி.எஃப் ஊழியர்கள் போர்க்குரல்

யில் பெட்டித் தயாரிப்பில் உலகப் புகழ்பெற்ற இணைப்புப் பெட்டி தொழிற்சாலை (ஐ.சி.எஃப்), சென்னையில் இருக்கிறது. இங்கே, கடந்த சில வாரங்களாக அமைதியற்றச் சூழல் நிலவுகிறது. கார்ப்பரேஷனாக மாற்றப்போகிறோம் என்ற பெயரில் தனியார்மயமாக்குவதற்கான முயற்சி நடப்பதாக தி.மு.க. அ.தி.மு.க மற்றும் பா.ஜ.க-வின் தொழிற்சங்கங்கள் உட்பட அத்தனை தொழிற் சங்கங்களும் போர்க்கொடி தூக்கியிருக்கின்றன.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

தனியார் ரயில்களுக்கு அனுமதி அளிப்பது, ஐ.சி.எஃப் உள்ளிட்ட ரயில்வேயின் முக்கிய உற்பத்திக் கேந்திரங்களை கார்ப்பரேஷனாக மாற்றுவது என்ற முடிவானது, மத்திய அரசின் 100 நாள் செயல்திட்டத்தின் முக்கியமான அம்சம். அதன்படி, டெல்லி – லக்னோ இடையே தனியார் ரயில் சோதனை ஓட்டம் தொடங்கியுள்ளது. அடுத்து, டெல்லி – அகமதாபாத் இடையே தனியார் ரயில் சோதனை ஓட்டம் தொடங்கவுள்ளது. இதையடுத்து உற்பத்திக் கேந்திரங்களை கார்ப்ப ரேஷனாக மாற்றும் நடவடிக்கைகள் நடைபெற்றுவருவதாகவும் தகவல் வருவதால், பதறிக்கிடக்கிறார்கள் தொழிலாளர்கள்.

‘‘தமிழகத்தின் பெருமையை தனியாருக்குத் தாரைவார்க்கத் துடிக்கிறார்கள்!’’

மேற்குவங்கத்தில் உள்ள சித்தரஞ்சன் லேகோ ஒர்க்ஸ், உத்தரப்பிரதேசம் வாரணாசியில் செயல்பட்டுவரும் டீசல் லோகோமோடிவ் ஒர்க்ஸ், பஞ்சாப் மாநிலம் பாட்டியாலாவில் இயங்கிவரும் டீசல் லோகோ மாடர்னைசேஷன் ஒர்க்ஸ் ஆகிய மூன்று தொழிற்சாலைகளும் ரயில் இன்ஜின் தயாரிப்பில் ஈடுபட்டு வருகின்றன. பஞ்சாப் மாநிலம் கபூர்தலாவில் உள்ள ரயில் கோச் ஃபேக்டரி, உத்தரப்பிரதேசம், ரேபரேலியில் உள்ள மாடர்ன் கோச் ஃபேக்டரி, சென்னையில் உள்ள இணைப்புப் பெட்டி தொழிற்சாலை (ஐ.சி.எஃப்) ஆகிய மூன்று தொழிற்சாலைகளும் ரயில் பெட்டி தயாரிப்பில் ஈடுபட்டுவருகின்றன. இவைபோக, பெங்களூரில் ரயில் வீல் ஃபேக்டரி என்ற தொழிற்சாலை ரயில் சக்கரங்களைத் தயாரிக்கிறது. அரசு நிறுவனங்களான இந்த ஏழு உற்பத்திக் கேந்திரங்களையும் கார்ப்பரேஷனாக மாற்ற, மத்திய அரசு நடவடிக்கை எடுத்து வருவதாகச் சொல்கிறார்கள்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

தமிழகத்தின் பெருமை!

சென்னை பெரம்பூரில் 1955-ல் அன்றைய பிரதமர் ஜவஹர்லால் நேருவால் தொடங்கப்பட்ட ஐ.சி.எஃப், சுமார் 500 ஏக்கர் பரப்பளவில் பரந்து விரிந்துள்ளது. அதிக எண்ணிக்கையிலும் ஏராளமான மாடல்களிலும் ரயில்பெட்டிகளைத் தயாரிப்பதால், இந்திய அளவில் புகழ்பெற்ற தொழிற்சாலையாகத் திகழ்கிறது ஐ.சி.எஃப். இங்கு தயாரிக்கப்பட்ட ரயில்கள் மற்றும் ரயில் பெட்டிகள் இலங்கை, பங்களாதேஷ், மலேசியா உட்பட 17 நாடுகளுக்கு ஏற்றுமதி செய்யப் பட்டுள்ளன. புறநகர் ரயில்கள், மின்சார ரயில்கள் உள்ளிட்ட வழக்கமான ரயில் பெட்டிகளைத் தயாரிப்பதோடு ஐ.சி.எஃப் நின்றுவிடவில்லை. பிரமிக்கத்தக்க வகையிலான சொகுசு ரயில் பெட்டிகளையும், அரண்மனை போன்ற வசதிகளுடன்கூடிய பேலஸ் ஆன் வீல்ஸ், மஹாராஜா எக்ஸ்பிரஸ், டெக்கான் ஒடிஸி போன்ற அதிநவீன சொகுசு ரயில் பெட்டிகளையும் தயாரித்து அசத்தியிருக்கும் ஐ.சி.எஃப் நிறுவனத்தின் சமீபத்திய சாதனை, `டிரெயின் 18’ என்றழைக்கப்படும் வந்தே பாரத் எக்ஸ்பிரஸ். இது, முழுக்க முழுக்க ஐ.சி.எஃப் நிறுவனத்தின் சொந்த தயாரிப்பு. இந்த ரயிலைத்தான் கடந்த பிப்ரவரியில் பெருமிதத்துடன் தொடங்கிவைத்தார் பிரதமர் மோடி.

சேவைகள்… சாதனைகள்!

துகுறித்து ஐ.சி.எஃப் யுனைடெட் ஒர்க்கர்ஸ் யூனியன் (சி.ஐ.டி.யூ) தலைவரான ராஜாராமிடம் பேசினோம். ‘‘ஐ.சி.எஃப் உள்ளிட்ட ஏழு உற்பத்திக் கேந்திரங்களும், இந்திய ரயில்வேக்குத் தேவையான ரயில் இன்ஜின்கள், ரயில் பெட்டிகள் மற்றும் உதிரிபாகங்களைத் தயாரித்துக்கொடுக்கின்றன. அரசு நிறுவனமாக இருப்பதால்தான் ஏராளமான சாதனைகளைப் படைத்துள்ளோம். வில்லுப் பட்டறை போன்ற பழங்காலத் தொழில்நுட்பத்தில் ஆரம்பித்து அதிநவீன தொழில்நுட்பமான லேசர் கட்டிங் வரை தன்னை காலத்துக்கு ஏற்றவாறு உருமாற்றி வளர்ந்திருக்கிறது ஐ.சி.எஃப். தொழிலாளர்களும் தொழில்நுட்பரீதியாக முன்னேறியுள்ளனர். அதனால்தான் எங்களால் அடுத்தடுத்த உயரங்களைத் தொட முடிந்தது.

‘‘தமிழகத்தின் பெருமையை தனியாருக்குத் தாரைவார்க்கத் துடிக்கிறார்கள்!’’

வந்தே பாரத் எக்ஸ்பிரஸ், முழுக்க முழுக்க எங்களின் சொந்த தயாரிப்பு. நூறு கோடி ரூபாயில் அதைத் தயாரித்துள்ளோம். இப்போது வடிவமைப்பு கையில் இருப்பதால், அதுபோன்ற ரயிலை இனி 70 கோடி ரூபாயில் தயாரித்துவிட முடியும். ஆனால், அதே ரயிலை வெளி நிறுவனத்திடம் வாங்கினால் 230 கோடி ரூபாய் செலவாகும். ஐ.சி.எஃப் உள்ளிட்ட உற்பத்திக் கேந்திரங்களில் தயாரிக்கப்படும் ரயில்களை இந்திய ரயில்வே இயக்குவதால், பயணிகளிடம் குறைந்த கட்டணம் வசூலிக்கப்படுகிறது.

உதாரணமாக, எழும்பூரிலிருந்து கிண்டி செல்வதற்கான கட்டணம் வெறும் ஐந்து ரூபாய்தான். ஐ.சி.எஃப் உள்ளிட்ட ஏழு உற்பத்திக் கேந்திரங்களும் கார்ப்பரேஷனாகிவிட்டால், அவற்றிடமிருந்து இந்திய ரயில்வே விலை கொடுத்துதான் பொருள்களை வாங்க வேண்டியிருக்கும். இதனால், தொழிலாளர்களின் பணிப்பாதுகாப்பு பாதிக்கப்படும். தொழிலாளர்கள் தற்போது அனுபவித்துவரும் உரிமைகள் பறிபோகும். வேலைவாய்ப்புகளில் சமூகநீதி பாதிக்கப்படும்’’ என்கிறார்.

வளர்ச்சியா… வீழ்ச்சியா?

துகுறித்து இந்திய ரயில்வே தொழில்நுட்ப மேற்பார்வையாளர்கள் சங்கத்தின் மூத்த இணை பொதுச்செயலாளர் கே.வி.ரமேஷிடம் பேசினோம். ‘‘ரயில்வே தொழில்நுட்பங்கள் குறித்து ஸ்பெஷலாகப் படிப்பதற்கு இந்தியாவில் இன்ஜினீயரிங் கல்லூரியோ, ஆராய்ச்சி நிறுவனமோ கிடையாது. பிரதமர் முன்வைத்த `மேக் இன் இந்தியா’ திட்டத்தைச் சிறப்பாக நிறைவேற்ற வேண்டுமென்றால், ரயில்வே தொழில்நுட்பங்களைக் கற்றுத்தரும் கல்வி நிறுவனங்கள் தொடங்கப்பட வேண்டும். வெளிநாடுகளிலிருந்து ரயில்களை வாங்கிக்கொண்டிருந்த சீனா, கடந்த 20 ஆண்டுகளில் ரயில் தயாரிப்பில் மிகப்பெரிய வளர்ச்சியடைந்துள்ளது. அதற்குக் காரணம், ரயில்வே தொழில்நுட்பங்கள் கற்றுத்தர அங்கு சுமார் 50 கல்லூரிகள் இருக்கின்றன. ஆனால், இங்கு சிறப்பாகச் செயல்பட்டுவரும் உற்பத்திக் கேந்திரங்களை மேலும் வளர்ப்பதற்குப் பதிலாக, தனியாருக்குத் தாரைவார்க்கும் முயற்சியில் ஈடுபடுகிறார்கள். கார்ப்பரேஷனாக மாற்றினாலும் சரி, தனியார் மயமாக்கினாலும் சரி, சேவை நோக்கம் அடிபட்டுவிடும். இதனால் தொழிலாளர்கள் மட்டுமல்ல... பொதுமக்களும் பாதிக்கப்படுவார்கள்’’ என்றார் கவலையுடன்.

‘‘தமிழகத்தின் பெருமையை தனியாருக்குத் தாரைவார்க்கத் துடிக்கிறார்கள்!’’

இந்தப் பிரச்னைகள் குறித்து ஐ.சி.எஃப் உயர் அதிகாரி ஒருவரிடம் பேசியபோது, “ஐ.ஆர்.சி.டி.சி போன்ற பல கார்ப்பரேஷன்கள் இந்திய ரயில்வேயில் உள்ளன. அவற்றைப்போல, ஐ.சி.எஃப் உள்ளிட்ட உற்பத்திக் கேந்திரங்களையும் கார்ப்பரேஷனாக மாற்ற அரசு முடிவுசெய்துள்ளது. கார்ப்பரேஷன் ஆகிவிட்டால், இந்த உற்பத்திக் கேந்திரங்கள் அனைத்தும் ரயில்வே கட்டுப்பாட்டில் வந்துவிடும். இதனால் சில நல்ல விஷயங்கள் நடக்கும். குறிப்பாக, இங்கு தயாரிக்கப்படும் ரயில் பெட்டிகளை லாபத்துடன் விற்கலாம். ஐ.சி.எஃப் நிறுவனத்தின் தலைமைப் பொறுப்பில் இருப்பவரே ஏற்றுமதி ஆர்டர்களை வாங்குவதற்கு வாய்ப்பு உருவாகும். அதுமட்டுமல்லாது, ரயில்வே லாபத்தில் இயங்குகிறதா... நஷ்டத்தில் இயங்குகிறதா என்பதும் தெளிவாகத் தெரிந்துவிடும். ஏழு கேந்திரங்களும் ஒரே கார்ப்பரேஷனாக்கப்படுமா அல்லது தனித்தனி கார்ப்பரேஷன்களாக்கப்படுமா என்பது இன்னும் முடிவுசெய்யப்படவில்லை. இந்த விஷயங்கள் எல்லாமே ஆலோசனை அளவில்தான் உள்ளன’’ என்றார்.

மினி நகரம்!

பெரம்பூர் இணைப்புப் பெட்டி தொழிற்சாலை வளாகம், ஒரு மினி நகரம். இங்கு பணியாற்றுபவர்களுக்கான குடியிருப்புகள், தொழிலாளர்களின் பிள்ளைகள் படிப்பதற்கு ஒரு சி.பி.எஸ்.சி பள்ளி உட்பட நான்கு பள்ளிகளை ஐ.சி.எஃப் நடத்திவருகிறது. அதிநவீன விளையாட்டு மைதானங்கள், திருமண மண்டபங்கள், வணிக வளாகங்கள், உணவகங்கள், வங்கிகள், 150 படுக்கைகள்கொண்ட மருத்துவமனை என அனைத்து வசதிகளும் இருக்கின்றன. கார்ப்பரேஷனாக்கிவிட்டால், இந்தக் கட்டமைப்பு வசதிகள் நீடிக்காது என அச்சம் தெரிவிக்கின்றன தொழிற்சங்கங்கள்.

வற்றாத குளம்!

யில் பெட்டி உற்பத்தியைத் தாண்டி சுற்றுச்சூழல் உட்பட பல விஷயங்களில் ஐ.சி.எஃப் முன்மாதிரியாக விளங்குகிறது. ஐ.சி.எஃப் நிறுவனத்தின் தண்ணீர் தேவைக்கு என மிகப்பெரிய குளம் ஒன்று உள்ளது. அந்தக் குளம் ஒருபோதும் வற்றியதேயில்லை. இயற்கை சூழ்ந்த அந்தக் குளம், பறவைகளின் சரணாலயமாகவும் விளங்குகிறது. சென்னையில் உள்ள அத்தனை நீர்த்தேக்கங்களும் வற்றியப்போன நிலையிலும்,

ஐ.சி.எஃப் குளத்தில் மட்டும் நீர் நிரம்பியிருந்தது. மின்சாரத் தேவைக்காக 10.5 மெகாவாட் மின்சாரம் உற்பத்தி செய்யக்கூடிய காற்றாலைகளை நிறுவியுள்ளது ஐ.சி.எஃப். திடக்கழிவு மேலாண்மையிலும் சிறப்பாகச் செயல்படுகிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism