Published:Updated:

முதலீட்டில் பாதுகாப்புக்கே முக்கியத்துவம்!

ஒட்டுமொத்த விகடனுக்கும் ஒரே ஷார்ட்கட்

Use App
ஏ.எம்.சி’ ஏ.பாலசுப்பிரமணியனுடன் ரகுவீர் ஸ்ரீனிவாசன்
ஏ.எம்.சி’ ஏ.பாலசுப்பிரமணியனுடன் ரகுவீர் ஸ்ரீனிவாசன்

தெளிவான விளக்கம்

பிரீமியம் ஸ்டோரி

சென்னையில், மெட்ராஸ் மேனேஜ்மென்ட் அசோசியேஷனும் (எம்.எம்.ஏ), தமிழ்நாடு இன்வெஸ்டார் அசோசியேஷனும் (டி.ஐ.ஏ) இணைந்து முதலீட்டாளர் விழிப்புணர்வுக் கூட்டத்தை அண்மையில் நடத்தின. இதில், ஆதித்ய பிர்லா சன் லைஃப் மியூச்சுவல் ஃபண்ட் ஏ.எம்.சி நிறுவனத்தின் நிர்வாக இயக்குநரும், முதன்மைச் செயல் அதிகாரியுமான ஏ.பாலசுப்பிரமணியன் கலந்துகொண்டார்; ‘நிதிச் சந்தைகளில் வளர்ந்து வரும் போக்குகள்’ என்ற தலைப்பில் சிறப்புரையாற்றினார்.

முதலீட்டில் பாதுகாப்புக்கே முக்கியத்துவம்!

‘‘இந்தியாவில் நிதித் திட்டங்களில் முதலீடு செய்பவர்களின் எண்ணிக்கை நீண்டகாலமாக சுமார் 6 - 6.5 சதவிகிதமாக இருக்கிறது. இது அதிகரிக்க வேண்டும். பொதுவாக, பொருளாதாரம் வளர்ந்தால் நிதிச் சந்தைகளும் வளரும். நிதிச் சந்தைகள் குறிப்பாக, நிதிச் சேவைத்துறை என்று எடுத்துக்கொண்டால், வங்கிகள் (தனியார் மற்றும் பொதுத்துறை), சொத்து நிர்வாக நிறுவனம் (மியூச்சுவல் ஃபண்ட்), ஆயுள் காப்பீடு, பொதுக் காப்பீடு, வீட்டு வசதி நிறுவனங்கள் எனப் பல இருக்கின்றன. இவற்றில், அதிக வளர்ச்சி காணப்போவது மியூச்சுவல் ஃபண்ட் துறை.

நிஃப்டி குறியீட்டை எடுத்துக்கொண்டால், அதில் நிதிச் சேவை நிறுவனங்களின் வெயிட்டேஜ் 41.98% என அதிகமாக இருப்பதிலிருந்து அவற்றின் முக்கியத்துவத்தை அறிந்துகொள்ள முடியும். நிஃப்டி ஃபைனான்ஷியல் சர்வீசஸ் இண்டெக்ஸை எடுத்துக்கொண்டால் வங்கிகள் 63.93%, வீட்டு வசதி நிறுவனங்கள் 19.2%, இன்ஷூரன்ஸ் 7.84% மற்றும் வங்கி சாரா நிதிச் சேவை நிறுவனங்கள் (என்.பி.எஃப்.சி) 7.54% வெயிட்டேஜ் கொண்டிருக்கின்றன. வங்கிகள் கிளை திறக்க தயங்கும் கிராமங்களில் சேவை அளித்துவரும் என்.பி.எஃப்.சி-க்கள் பாராட்டுக்குரியவை. 2019-ம் ஆண்டு, நிஃப்டி செக்டோரல் இண்டெக்ஸ்களில் அதிக வருமானம் கொடுத்தது ஃபைனான்ஷியல் துறைதான் (24% வருமானம்)’’ என்று நிதிச் சேவைத்துறையின் முக்கியத்துவம் குறித்து விரிவாக விளக்கினார் ஏ.பாலசுப்பிரமணியன்.

இந்தியாவில் நிதித் திட்டங்களில் முதலீடு செய்பவர்களின் எண்ணிக்கை நீண்டகாலமாக சுமார் 6 - 6.5 சதவிகிதமாக இருக்கிறது.
‘ஆதித்ய பிர்லா சன் லைஃப் மியூச்சுவல் ஃபண்ட் ஏ.எம்.சி’ ஏ.பாலசுப்பிரமணியனுடன் ரகுவீர் ஸ்ரீனிவாசன்
‘ஆதித்ய பிர்லா சன் லைஃப் மியூச்சுவல் ஃபண்ட் ஏ.எம்.சி’ ஏ.பாலசுப்பிரமணியனுடன் ரகுவீர் ஸ்ரீனிவாசன்

‘‘முதலீடு என்று வரும்போது வருமானம், பாதுகாப்பு, எளிதில் பணமாக்குதல் (லிக்விடிட்டி) ஆகியவற்றில் எதற்கு அதிக முக்கியத்துவம் தர வேண்டுமென்றால், நாங்கள் பாதுகாப்புக்குத்தான் அதிக முக்கியத்துவம் தருகிறோம். அடுத்து, பணமாக்குதல்; கடைசியாகத்தான் வருமானம். தனிநபர்களின் முதலீட்டு வருமானம் பெருகவும், மியூச்சுவல் ஃபண்ட்துறையின் நிர்வகிக்கும் தொகை அதிகரிக்கவும் எஸ்.ஐ.பி பெரிதும் உதவுகிறது. எஸ்.ஐ.பி முறையில் இலக்கை நிர்ணயித்துக்கொண்டு தொடர்ந்து முதலீடு செய்துவருவது பாராட்டுக்குரியது’’ என்று சொன்னார் அவர்.

முன்னதாக எம்.எம்.ஏ செயல் இயக்குநர் கேப்டன் விஜயகுமார் வரவேற்றுப் பேசினார். டி.ஐ.ஏ பிரசிடன்ட் வெங்கடேஷ் சேஷாத்திரி அறிமுக உரை நிகழ்த்தினார். `தி ஹிந்து பிசினஸ்’ எடிட்டர் ரகுவீர் ஸ்ரீனிவாசன் சிறப்புப் பேச்சாளரை அறிமுகப்படுத்திப் பேசினார்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு