Published:Updated:

2K kids: வறுமையும் இளமையும்... இது குழந்தைத் தொழிலாளர்களின் கதை!

சண்முகப்பிரியா.மு

பிரீமியம் ஸ்டோரி
குழந்தைத் தொழிலாளர்களைப் பணிக்கு அமர்த்துவது சட்டப்படி குற்றம். ஆனால், நடை முறையில் அந்தக் குற்றம் நடந்து கொண்டுதான் இருக்கிறது சத்தமின்றி. குறிப்பாக, இந்தக் கொரோனா லாக்டௌனால் பள்ளிகள் மூடப்பட்டிருக்கும் சூழல் மற்றும் குடும்பத்தின் பொருளாதாரம் முடக்கப்பட்டுள்ள நிலையில் பல குழந்தைகளும் வறுமையை எதிர் கொள்ள வருவாய் ஈட்டும் தொழி லாளர்கள் ஆகியுள்ளது நிதர்சனம். அந்தச் சிறுவர்களின் வாழ்வு எப்படி இருக்கும்? தூத்துக்குடி சிறுவர்களின் குரல்களைக் கேளுங்கள்.
2K kids: வறுமையும் இளமையும்... இது குழந்தைத் தொழிலாளர்களின் கதை!
Jjacob

ஒரு நாளைக்கு 100 ரூபாய்... 13 மணி நேரம் வேலை!

வெற்றிலைக் கடையில் வேலை பார்க்கிறான் அந்தச் சிறுவன். ‘`அப்பா ஒரு வருஷத்துக்கு முன்னாடி இறந்துட்டாரு. கொரோனா லாக் டௌனால ஸ்கூல் இல்ல, ஆன் லைன்ல கிளாஸ் அட்டன்ட் பண்ண எங்க வீட்டுல போன் இல்ல. அத னால, அம்மா என்னை வேலைக்கு அனுப்பினாங்க. எனக்கு 12 வயசு. போலீஸ் யாராச்சும் வந்தா, எங்க முதலாளி, கடையில வேலை செய்ற அக்காக்களோட சேர்ந்து சும்மா கடைக்கு வந்திருக்குற அவங்களோட தம்பினு என்னைச் சொல்லச் சொல்லியிருக்காரு. காலையில அஞ்சு மணிக்கு வேலைக்குப் போவேன். ராத்திரி எட்டு மணிக்கு வீட்டுக்கு விடுவாங்க. கடை வேலை போக, முதலாளி வீட்டு வேலைகளும் செய்வேன். அதுக்குத் தனியா எந்தக் காசும் கிடையாது. சொல்லப் போனா கடை வேலையைவிட வீட்டுவேலைதான் அதிகமா இருக்கும். ஒரு நாளைக்கு 100 ரூபாய்னு, வாரத்துக்கு 700 ரூபாய் கொடுப்பாங்க.’’

2K kids: வறுமையும் இளமையும்... இது குழந்தைத் தொழிலாளர்களின் கதை!
Tapshanov

14 வயசுதான்... ஆனா 18 வயசுனு சொல்லிடுவோம்!

பேனா, பென்சிலுக்குப் பதிலாக, அந்தச் சிறுவனின் கை களில் பெயின்ட் பிரஷ் கொடுக்கப் பட்டிருக்கிறது. ‘`கொரோனாவால ஸ்கூல் லீவுன்னு வேலைக்குப் போக ஆரம்பிச்சேன். இப்போ எனக்குப் படிப்புல ஆர்வம் குறைஞ்சுட்டே வருது. நோட்டுப் புத்தகத்துல வரைபடம் வரைஞ் சிட்டு இருந்தவன், இப்போ சுவர்ல பெயின்ட் அடிச்சிட்டு இருக்கேன். கொரோனாவால வீட்ல ஏற்பட்ட வறுமையை சமாளிக்கத்தான் வேலைக்குப் போக ஆரம்பிச்சேன்.

காலையில 9 மணியிலயிருந்து இரவு 8 மணிவரை வேலை. ஆரம்பத்துல என் முதலாளி, 14 வயசுதான் ஆகுதுன்னு என்னை வேலைக்கு எடுக்க மாட்டேன்னுதான் சொன்னார். அப்புறம், வீட்டு நிலைமையை எடுத்துச் சொல்லி நான்தான் வேலை வாங்குனேன். வெளியாள் யாராச்சும் வந்தா, எனக்கு 18 வய சுன்னு முதலாளி சொல்லிடுவாரு.பெயின்ட் வேலையும் வெல்டிங் வேலையும் கொடுப்பாங்க. ஒரு நாளைக்கு 150 ரூபாய் தர்றாங்க.’’

2K kids: வறுமையும் இளமையும்... இது குழந்தைத் தொழிலாளர்களின் கதை!
hadynyah

ராத்திரி எப்போ கடையை அடைக்குறாங் களோ அப்போதான் வீடு!

``நான் டிவி ரிப்பேர் கடை யில வேலைபார்க்குறேன். கடையை தினமும் அவங்க வசதிக்குத்தான் திறப்பாங்க. ஆனா, காலையில ஆறு மணிக்கே நானும் என் நண் பனும் வந்து கடை வாசல்ல உக்கார்ந்திருப்போம். முதலாளி வந்து கடையை திறக்கும்வரை காத்திருப் போம். அவரு 8 மணி, 11 மணி, சில நாள்ல மதியம் 3 மணின்னு ஒவ்வொரு நாளும் ஒவ்வொரு நேரத்துக்கு வருவார். ராத்திரி எத்தனை மணிக்குக் கடையை அடைக் குறாங்களோ, அப்பதான் எங்களையும் வீட்டுக்கு விடுவாங்க. வீட்டுல வறுமை, எனக்கும் வேற வழியில்ல இப்போ. இந்த பத்து வயசுல நிறைய கஷ்டங்கள் பார்த்துட்டேன்!”

நம் செவிகளையும் கண்களையும் கொஞ்சம் கூராக்கினால், இந்த வார்த்தைகளின் நீட்சியாக நாம் செல்லும் இடங்களில் எல்லாம் கேட்டுக்கொண்டே தான் இருக்கின்றன குழந்தை தொழிலாளர்களின் குரல்கள், பார்த்துக்கொண்டேதான் இருக்கிறோம் அவர்களின் வதையை!

ஆட்சியாளர்களின் அவசர கவனத்துக்கு...

இந்தக் கட்டுரையைப் படித்ததுமே... ‘என்ன எங்களுடைய ஆட்சியில் குழந்தைத் தொழி லாளர்களா..?’ என்று கொதித்தெழுந்து தூத்துக்குடியைக் குறிவைத்து ஒட்டு மொத்தத் தொழிலாளர் நலத்துறை மற்றும் சமூகநலத்துறை சுற்ற ஆரம்பித்தால், அதைவிட கேவலம் வேறு எதுவும் இருக்க முடியாது.

தூத்துக்குடி என்பது ஓர் உதாரணம்தான். தமிழகம் முழுக்கவே மூலை முடுக்கெல்லாம் கூட இந்த நிலைதான் நீடிக்கிறது, கடந்த ஓராண்டுக்கும் மேலாக. இது அரசாங்க எந்திரன்கள் அனைவருக்குமே நன்றாகத் தெரிந்த விஷயம்தான்.

குழந்தைகளைப் பள்ளிக்கு அனுப்ப முடியாத கொடுமை ஒருபக்கம் என்றால், வாழ்க்கையை வாழ்ந்து ஆக வேண்டும் என்பதற்காக வயிற்றைக் காப்பாற்ற இப்படி வேலைக்கும் அனுப்ப வேண்டிய கொடுஞ் சூழலில்தான் எண்ணற்ற தாய்மார்கள் கண்ணீர் வடித்துக்கொண்டுள்ளனர்.எனவே, உடனடியாக உங்கள் அதிகாரத்தை நீட்டி, அவர்களுக்குக் கிடைத்துக் கொண்டிருக்கும் ஒருவேளை கஞ்சிக்கும் உலைவைத்துவிடாதீர்கள். அதேசமயம், இந்த விதிமீறல்களைத் தொடர அனுமதிக்க முடியாது என்பதிலும் மாற்றுக்கருத்தில்லை.

எனவே, இத்தகைய குடும்பங்களுக்கு மாற்றுவழியை உடனடியாக யோசித்துக் கொண்டு, உடனடியாகக் களத்தில் இறங்கி, இந்தக் குழந்தைத் தொழிலாளர்களை முழுமையாக மீட்டெடுங்கள்.

* படங்கள் காட்சிக்காக மட்டுமே பயன்படுத்தப்பட்டுள்ளன. கட்டுரையில், இடம் பெற்றிருப்பவர்களுக்கும் அவற்றுக்கும் தொடர்பில்லை.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு