Published:Updated:

சரிவடைந்த அலிபாபா சாம்ராஜ்ஜியம்! - பின்னணிக் காரணங்கள்..!

ஜாக் மா
பிரீமியம் ஸ்டோரி
ஜாக் மா

ALIBABA

சரிவடைந்த அலிபாபா சாம்ராஜ்ஜியம்! - பின்னணிக் காரணங்கள்..!

ALIBABA

Published:Updated:
ஜாக் மா
பிரீமியம் ஸ்டோரி
ஜாக் மா
ந்தியாவின் முன்னணி நிறுவனமான ரிலையன்ஸ் சந்தை மதிப்பு 2020-ம் ஆண்டு பெருமளவுக்கு உயர்ந்தது. பல புதிய உச்சங்களைத் தொட்டது.

ஆனால், சீனாவின் முக்கிய நிறுவனமான அலிபாபாவுக்கு 2020-ம் ஆண்டு மோசமாகவே முடிந் திருக்கிறது. இந்த ஆண்டு மட்டும் 30 பில்லியன் டாலர் அளவுக்கு சந்தை மதிப்பு சரிந்திருக்கிறது. குழுமத்தின் தலைவர் ஜாக் மாவின் மதிப்பு 11 பில்லியன் டாலர் அளவுக்கு சரிந்தது. இதற்குக் காரணம், சீன அரசுக்கு எதிரான கருத்துகளை ஜாக் மா தெரிவித்ததுதான்.

கடந்த அக்டோபர் மாதத்தில் சீன வங்கித் துறை குறித்து அலிபாபா குழுமத்தின் தலைவர் ஜாக் மா விமர்சனம் செய்தார். இதிலிருந்து அலிபாபா குழுமத்துக்கு எதுவும் சரியாக நடக்கவில்லை. கடந்த வாரம் அலிபாபா மோனோபோலி சட்டத்தின்படி விசாரணை வளையத் துக்குள் கொண்டு வரப்பட்டது. அலிபாபா நிறுவனத்தின் கீழ் விற்பனை செய்யும் விற்பனை யாளர்கள் அந்த நிறுவனத்தின்கீழ் இணைந்த பின் வேறு நிறுவனத்துடன் இணைய முடியாது என்ற விதிமுறை குறித்து சீன அரசு கேள்வி எழுப்பி யிருந்தது.

ஜாக் மா
ஜாக் மா

கடந்த நவம்பர் மாதம் ஆண்ட் நிறுவனத்தின் ஐ.பி.ஓ வெளியாக இருந்தது. 37 பில்லியன் டாலர் மதிப்பிலான ஐ.பி.ஓ இது. சர்வதேச அளவில் மிகப்பெரிய ஐபிஓ-வாக இருக்கும் எனக் கணிக்கப்பட்டிருந்தது. பட்டியலிடுவதற்கு சில நாள்களுக்கு முன்பாக சீன ஒழுங்குமுறை அதிகாரி களால் இந்த ஐபிஓ-வுக்கு தடை விதிக்கப்பட்டது. நிதிசார்ந்த விதி முறைகளை குழுமம் சரியாகப் பின்பற்றவில்லை என சம்மன் அனுப்பப்பட்டது. இது தொடர்பாக நடந்த விசாரணையில் சீன மத்திய வங்கி ஆண்ட் நிறுவனத்துக்குப் புதிய உத்தரவு பிறப்பித்திருக்கிறது. ஆண்ட் நிறுவனத்தின் நிதி சார்ந்த அனைத்து நடவடிக்கைகளையும் புதிய ஹோல்டிங்க் நிறுவனம் மூலம் நிர்வகிக்க வேண்டும். கடன், இன்ஷூ ரன்ஸ், வெல்த் மேனேஜ்மென்ட் உள்ளிட்ட அனைத்து நடவடிக்கை களும் ஹோல்டிங் நிறுவனம் மூலம் நிர்வகிக்க வேண்டும் என சீன மத்திய வங்கி உத்தரவிட்டிருக்கிறது.

தேவையான நடவடிக்கைகளை நாங்கள் எடுப்போம் என்று ஆண்ட் குழுமம் தெரிவித்திருகிறது. ஒழுங்கு முறை ஆணையத்தின் விதிமுறைகளை நாங்கள் பூர்த்தி செய்வோம், தேவை களுக்கு ஏற்ப நிறுவனத்தை மாற்றி அமைப்போம் என்று சொன்ன அலிபாபா, இதை ஒரு வாய்ப்பாகப் பயன்படுத்தி குழுமத்தை வலிமை யாக்குவோம்; சமூகத்துக்கும் தொழில் நிறுவனங்களுக்கும் தேவையான புதுமையான தயாரிப்புகளைத் தொடர்ந்து வழங்குவோம் என அந்த அறிக்கை தெரிவிக்கிறது.

அரசின் இந்த நடவடிக்கை மூலம் அலிபாபா குழுமத்தின் நிதிசார்ந்த தொழில்கள் கடும் சிக்கலைச் சந்திக்க கூடும் என விமர்சனங்கள் வந்திருக் கின்றன. மேலும், சீனாவின் ஃபைனான்ஸில் டெக்னாலஜி மற்றும் சீனப் பொருளாதாரத்துக்கு எதிர்காலத்தில் பாதகங்களை இந்த விதிமுறை உருவாக்கும். தவிர, குழுமத்தின் வெல்த் மேனேஜ்மென்ட் மற்றும் கன்ஸ்யூமர் லெண்டிங் ஆகிய பிரிவுகளில் 75% அளவுக்கு மதிப்பு சரிவடையும் என சர்வதேசச் சந்தை வல்லுநர்கள் தெரிவிக் கிறார்கள்.

பங்குகளின் விலை சரிந்திருக்கும் இந்தச் சூழலில் பைபேக் திட்டத்தை அலிபாபா அறிவித்தது. 10 பில்லியன் டாலர் அளவுக்கு பைபேக் திட்டம் அறிவித்தாலும் இந்தக் குழுமத்தின் பங்குகளின் சரிவைத் தடுக்க முடியவில்லை. அலிபாபாவின் 90 சதவிகிதம் வருமானம் சீனாவிலிருந்து கிடைக்கிறது என்பதால் சீனாவின் துணையின்றி வளர்ச்சி இல்லை. அரசின் விதிமுறைகளைப் பின்பற்று வதாகத் தெரிவித்திருந்தாலும் ஆண்ட் நிறுவனத்தின் ஐ.பி.ஓ வருமா, வந்தாலும் பழைய சந்தை மதிப்பில் பட்டியலாகுமா என்கிற கேள்விக்கான பதிலை பொறுத் திருந்துதான் தெரிந்துகொள்ள வேண்டும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism