Published:Updated:

2K kids: ஷாப்பிங் ஏரியாவில் காலேஜ்... தினம் தினம் திருவிழா!

ஷாப்பிங்
பிரீமியம் ஸ்டோரி
ஷாப்பிங்

எங்க வீட்டுல ஷாப்பிங் பண்ண ணும்னா, ‘காலேஜ் முடிஞ்சதும் அங்கேயே இரு, நாங்க வந்துடுறோம்’னு சொல்லிட்டு கிளம்பி வந்துடுவாங்க எங்க மம்மீஸ் எல்லாம்.

2K kids: ஷாப்பிங் ஏரியாவில் காலேஜ்... தினம் தினம் திருவிழா!

எங்க வீட்டுல ஷாப்பிங் பண்ண ணும்னா, ‘காலேஜ் முடிஞ்சதும் அங்கேயே இரு, நாங்க வந்துடுறோம்’னு சொல்லிட்டு கிளம்பி வந்துடுவாங்க எங்க மம்மீஸ் எல்லாம்.

Published:Updated:
ஷாப்பிங்
பிரீமியம் ஸ்டோரி
ஷாப்பிங்
சென்னை மக்கள் மட்டுமல்ல, தமிழ்நாட்டு மக்கள் மட்டுமல்ல, வெளிமாநில மக்கள் மட்டுமல்ல, இலங்கை மாதிரியான அண்டை நாட்டு மக்களும் ஷாப்பிங் பண்ண விரும்புற ஏரியா... தி.நகர். அங்கதான் இருக்குது எங்க ஸ்ரீ ஷங்கர்லால் சுந்தர்பாய் ஷசுன் ஜெயின் மகளிர் கல்லூரி. அப்படி ஒரு ஷாப்பிங் ஹப் ஏரியாவுல இருக்குற காலேஜ்ல படிக்கிற அனுபவம் எப்படி இருக்கும் தெரியுமா?!

மத்த காலேஜ் ஸ்டூடன்ஸ்லாம் கிளாஸ் முடிஞ்சதும் பீச், மால், தியேட்டர்னு ஹேங்அவுட் செய்வாங்க. ஆனா, நாங்க காலேஜ் கேட்லயிருந்து வெளியே வந்தாலே ஹேங்அவுட்தான். சும்மா ஜேஜேனு இருக்குற தி.நகர் தெருக்கள்ல கூட்டத்தோட கூட்டமா இறங்கி நடந்தோம்னா... தினம் தினம் திருவிழா ஃபீல்தான்.

பீட்சா, பர்கர்னு மத்த காலேஜ் ஸ்டூடன்ட்ஸ் தேடிப் போகலாம். ஆனா எங்களுக்கு பானி பூரி முதல் மசாலா சோளம்வரை, தெருவுக்குத் தெரு வெரைட்டி வெரைட்டியா கிடைக்கும் உணவுகள்.

2K kids: ஷாப்பிங் ஏரியாவில் காலேஜ்... தினம் தினம் திருவிழா!

காலேஜ் கல்சுரல்ஸில் இருந்து இன்டர் காலேஜ் மீட் வரைக்கும், ஸ்டேஜ் காஸ்ட்யூம் ரெடி பண்ண மத்த காலேஜ் பசங்க எல்லாம் பாவம் நிறைய அலைவாங்க. ஆனா, எங்களுக்கு அது பக்கத்து வீட்டுக்குப் போற வேல மாதிரி... அவ்ளோ ஈஸி. ‘இத்தனை மணிக்கு, இத்தனை பேர் இந்தக் கடைக்கு வந்துடுங்க’னு பிளான் போடவெல்லாம் தேவையேயில்ல. கிளாஸ் முடிஞ்சதும் அப்டியே எல்லாரும் கைகோத்துட்டு ரங்கநாதன் தெருவுல இறங்கிட வேண்டியது தான்.

‘ஆனா, உங்க காலேஜ் ரோடு எப்பவுமே கூட்டமா, கசகசனு, நெரிசலா இருக்குமே...’னு சிலர் கேட்பாங்க. அதைக் கூட்டம்னு பார்க்குறவங்களுக்கு கூட்டம், மனுஷங்கனு பார்க்குறவங்களுக்கு மனுஷங்க. தினம் தினம் நாங்க இங்க எத்தனை மனிதர்களைப் பார்க்குறோம், ரசிக்குறோம் தெரியுமா...

உண்மையில அதுவே ஒரு கொண்டாட்டம் தான். 20 ரூபாய்க்கு ஒரு பொம்மை வாங்கினதும் மனசெல்லாம் நிறைஞ்சு முகம் மலர்ந்துபோற குழந்தை, தன்னோட 20 ரூபாய் பொருளை விற்க உலக லெவல் மார்க்கெட்டிங் பண்ற தம்பினு ஒவ்வொரு முகமும் ஒவ்வொரு கதை சொல்லும்ங்க.

ஒண்ணு தெரியுமா... காலேஜ் முடிஞ்சதும் ஏ.சி காத்து வாங்குறதுக்காகவே கடை கடையா விண்டோ ஷாப்பிங் பண்ற கூட்டம் எங்க கூட்டம். அதெல்லாம் கேம்பஸ் டைரியின் குளுகுளு பக்கங்கள்.

எங்க வீட்டுல ஷாப்பிங் பண்ணணும்னா, ‘காலேஜ் முடிஞ்சதும் அங்கேயே இரு, நாங்க வந்துடுறோம்’னு சொல்லிட்டு கிளம்பி வந்துடுவாங்க எங்க மம்மீஸ் எல்லாம்.

டெய்லி காலேஜ் போகும் போது எந்த எந்தக் கடையில என்ன என்னவெல்லாம் பார்த்து வெச்சிருந்தோமோ, அதையெல்லாம் அந்தத் திருநாள்ல பில்லை போட்டுடுவோம்.

தி.நகர்ல காலேஜ் இருக் குறது எவ்ளோ ஜாலியில்ல?!