Published:Updated:

கோவிட்-19 காலத்தில் நுகர்வோர்களும் வணிகர்களும்! - புது இயல்பு நிலை மாற்றங்கள்!

நுகர்வோர்
பிரீமியம் ஸ்டோரி
News
நுகர்வோர்

விற்காத பொருள்களைத் திரும்பப் பெறும் நிறுவனத்தின் பொருள்களை விற்க வணிகர்கள் ஆர்வம் காட்டுகிறார்கள்!

வுகானில் ஆரம்பித்தத் தொற்று இந்தியாவை மையம்கொள்ள ஆரம்பித்து சுமார் ஏழு மாதங்கள் ஆகிவிட்டன. இந்த ஏழு மாதங்களில் நுகர்வோர்கள் அனைவரும் தொற்றிலிருந்து தங்களைப் பாதுகாத்துக் கொள்ளும் வழிகளோடு வாழும் முறையிலும் பொருள்களை வாங்கும் முறையிலும் வித்தியாசமாகச் செயல்படத் தொடங்கியிருக் கின்றனர். பொருள் உற்பத்தியாளர்களும் விநியோகஸ்தர்களும் தங்கள் பொருள்களை நுகர்வோர்களிடம் எப்படிக் கொண்டு சேர்ப்பது என்பது பற்றி `மாத்தி யோசிக்க’ ஆரம்பித்தனர்.

இதற்கு உதவும் வகையில் சந்தை ஆய்வு நிறுவனங்களும், மேலாண்மை ஆலோசனை நிறுவனங்களும் வேகமாக விற்பனையாகும் நுகர்வோர் பொருள்கள் துறை (FMCG – Fast Moving Consumer Goods) சார்ந்தவர்களிடம் பல ஆய்வுகளைக் குறிப்பிட்ட இடைவெளிக்கு ஒருமுறை மேற்கொண்டு தகவல் சேகரித்தனர். இந்த நிறுவனங்களில் குறிப்பிடத்தக்கவை அக்செஞ்சரும் (Accenture), நீல்சனும் (Nielsen) ஆகும். கோவிட் காலத்திலும், ‘புது இயல்பு’ நிலையிலும் சில்லறை வணிகர்களைத் தக்கவைத்துக்கொள்ள உற்பத்தியாளர்கள் என்ன செய்ய வேண்டுமென்பதை நீல்சன் ஆய்வு கோடிட்டுக் காட்டியிருக்கிறது. அவற்றிலிருந்து சில முக்கியமான விஷயங்கள்...

கோவிட்-19 காலத்தில் நுகர்வோர்களும் வணிகர்களும்! - புது இயல்பு நிலை மாற்றங்கள்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
  • பொருள்களை உற்பத்தி செய்பவர்கள் சில்லறை விற்பனையாளர்களிடம் அதிக நெருக்கமாக இருக்க வேண்டும். ஏனெனில், அவர்களுக்குத் தேவையான பொருள்களைச் சரியான நேரத்தில் முன்னணி நிறுவனம் விநியோகம் செய்து ஒழுங்கான சேவையை வழங்கவில்லை எனில், அவர்கள் போட்டியாளர்களின் பொருள்களை விற்பனை செய்யத் தொடங்கி விடுவார்கள்.

`விற்காத பொருள்களை அல்லது சேதமடைந்த பொருள்களை எளிதில் திரும்ப எடுத்துக்கொள்ளும் நிறுவனத்தின் பொருள்களை விற்க வணிகர்கள் ஆர்வம் காட்டுகிறார்கள்.

  • `சில்லறை வணிகர்களைத் தக்கவைத்துக் கொள்ள வேண்டுமெனில் புதிதாக வணிகர்களை விநியோகச் சங்கிலியில் இணைப்பதற்கென விற்பனைப் பிரதிநிதிகளுக்கு ஊக்கத் தொகை கொடுப்பதற்குப் பதிலாக சில்லறை விற்பனையாளர்கள் தொடர்ந்து மூன்று மாதங்கள் நிறுவனப் பொருள்களை விற்பனை செய்கிறார்களா என்பதன் அடிப்படையிலும், அதன் பின் தொடர்ந்து 12 மாதங்கள் நிறுவனப்பொருள்களை விற்பனை செய்தால் அதன் அடிப்படையிலும் கொடுக்கலாம்.

  • பொருள் வகை (food vs non-food), சேனல், சந்தை, பிராண்ட் ஆகியவற்றைப் பொறுத்து போதுமான சரக்கு, கடையில் எப்போதும் இருப்பில் இருக்குமாறு பார்த்துக்கொள்ள வேண்டும்.

  • இருக்கும் சரக்கை விற்றுத் தீர்க்க வேண்டும் என்பதற்காக புதிய சில்லறை வணிகர்களை இணைக்கும்பட்சத்தில், அவர்களைத் தக்க வைத்துக் கொள்ள முடியாது.

  • நிறுவனத்தைச் சேர்ந்த விற்பனைப் பிரதிநிதிகள் சில்லறை வணிகர்களின் நம்பிக்கையைப் பெற விநியோகஸ்தர்களின் பிரதிநிதி மூலம் அவர்களைச் சந்திப்பதைவிட நேரடியாகச் சந்திக்க வேண்டும்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

அக்செஞ்சர் சர்வே சொல்வதென்ன..?

நுகர்வோர்களின் போக்கு பற்றி இந்தியா உள்ளிட்ட 20 நாடுகளில் செய்யபட்ட அக்செஞ்சரின் கன்ஸ்யூமர் பல்ஸ் ஆய்வு, நுகர்வோர்களின் நடத்தைப் பற்றிச் சொல்வது என்ன?

கோவிட்-19 காலத்தில் நுகர்வோர்களும் வணிகர்களும்! - புது இயல்பு நிலை மாற்றங்கள்!
  • தனிநபர் ஆரோக்கியம், குடும்பத்தினர், உறவினர், நண்பர்களின் ஆரோக்கியம் மற்றும் நிதிப் பாதுகாப்பு ஆகியவை நுகர்வோர்களின் முன்னுரிமையாக இருக்கின்றன. நிதிப் பாதுகாப்பு முக்கியம் எனக் கருதுபவர்களின் எண்ணிக்கை மார்ச் மாதம் 36 சதவிகிதமாக இருந்தது. ஆனால், ஜூன் மாத ஆய்வில் அது 50 சதவிகிதமாக உயர்ந்திருக்கிறது.

  • ஆய்வுக்குட்பட்டவர்களில் சுமார் 48 சத விகிதத்தினர் தனிநபர் ஆரோக்கியம் சம்பந்தமான பொருள்களுக்கு இப்போது அதிகம் செலவிடுவதாகக் கூறியிருக்கிறார்கள்.

  • வேலை பாதுகாப்பு குறித்து 64 சதவிகி தத்தினரும், பொருளாதாரத் தாக்கம் குறித்து 88 சதவிகிதத்தினரும் தங்களது கவலையை வெளிப்படுத்தியிருக்கின்றனர்.

கோவிட்-19 காலத்தில் நுகர்வோர்களும் வணிகர்களும்! - புது இயல்பு நிலை மாற்றங்கள்!
  • அடுத்த இரண்டு மாதங்களில் பொது இடங்களான பார் (Bar), விளையாட்டு, இசை நிகழ்ச்சி, பொதுமக்கள் போக்குவரத்து உபயோகிப்பு, உணவகம் செல்வது, உறவினர் வீட்டுக்குச் செல்வது போன்றவை ஓரளவுக்கு செளகர்யமாக இருக்கும் என உணர்பவர்களின் எண்ணிக்கை சுமார் 25%. அடுத்த ஆறு மாதங்களில் இன்னும் அதிக அளவு செளகர்யமாக இருக்கும் என்று சொல்பவர் களின் எண்ணிக்கை 31% ஆகும்.

  • அடுத்த ஆறு மாதங்களுக்கு பொது இடங்களில் `socializing’ செய்வதற்குப் பதிலாக வீடுகளிலேயே அதைச் செய்ய விரும்புகிறார்கள். நண்பர்களுடன் மெய்நிகர் (virtual) உலகிலேயே தொடர்பு வைத்துக் கொள்வது நல்லது என நினைக் கிறார்கள். வயதைப் பொறுத்தவரை இந்தக் கருத்தில் அவ்வளவாக வேறுபாடு எதுவுமில்லை. பார் (bar) அல்லது கிளப்களுக்குச் செல்வது அவர்களது பட்டியலில் கடைசியில் இருக்கிறது.

  • வெளியே அதிகமாகச் செல்ல முடியாமல் இருக்கும் இந்த நேரத்தில் சமையல் செய்வது, பேக்கிங் செய்வது, தோட்டவேலை செய்வது, வீட்டை அலங்கரிப்பது ஆகியவை முக்கியமான பொழுதுபோக்குகளாக இருக்கின்றன.

  • இதற்கு முன்பு வீடுகளிலிருந்து அலுவலக வேலை செய்யாதவர்களில் சுமார் 53 சதவிகித மானவர்கள் அதை விரும்ப ஆரம்பித்திருப்ப தோடு, இனிவரும் நாள்களிலும் அவ்வப்போது வீட்டிலிருந்து அலுவலக வேலையைச் செய்யப் போவதாகத் தெரிவித்துள்ளனர்.

  • வீட்டிலிருந்து வேலை செய்வதைப் பெரும்பாலோனர் விரும்புவதால், அதற்கேற்றாற்போல சில்லறை வணிகர்கள் அவர்களது சந்தைப்படுத்தும் உத்திகளை மாற்றிக்கொள்ள வேண்டுமெனவும் இந்த ஆய்வு மூலம் தெரியவந்திருக்கிறது.

வீட்டிலிருந்து வேலை செய்வதைப் பெரும்பாலோனர் விரும்புவதால், சில்லறை வணிகர்கள் அவர்களது சந்தைப்படுத்தும் உத்திகளை மாற்றிக்கொள்ள வேண்டும்!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

  • உள்ளூர்/உள்நாட்டுப் பொருள்களையும் வசிக்கும் இடத்துக்கு அருகில் இருக்கும் கடைக்காரர்களையும் ஆதரிப்பது அவசியம் என நுகர்வோர்கள் நினைக்கிறார்கள்.

  • அனைவரும் வீட்டில் இருப்பதால் எவ்வளவு பொருள்கள் வீணாக்கப்படுகிறது என்பது தெரிய வந்திருப்பதால், இனி அதில் கவனம் செலுத்தப் போவதாகவும், தேவையானதை மட்டும் வாங்க வேண்டும் என்ற உணர்வு ஏற்பட்டிருப்பதாகவும் கூறியிருக் கிறார்கள்.

கோவிட்-19 காலத்தில் நுகர்வோர்களும் வணிகர்களும்! - புது இயல்பு நிலை மாற்றங்கள்!
  • ஆய்வுக்குட்பட்டவர்களில் 35% பேர் அவர்களது வருமானம் குறைந்திருப்பதாகவும் 54 சதவிகிதத்தினர் `budget and mid-range’-ல் இருக்கும் பொருள்களை மட்டுமே வாங்கப் போவதாகவும் கூறியிருக்கிறார்கள்.

  • புதிய உபயோகிப்பாளர்கள், அவ்வப்போது பொருள்களை வாங்குபவர்கள் ஆன்லைன் சானலை அதிகமாக உபயோகப்படுத்தப் போவதாகத் தெரிவித்திருப்பதும் ‘கோவிட் காலத்தில் ஆன்லைனில் பொருள்கள் வாங்கும் அனுபவம் திருப்திகரமாக இருக்கிறது என்பதால் நிலைமை சீரான நிலைக்கு வந்தாலும்கூட ஆன்லைனில் வாங்குவதைத் தொடர்வேன்’ எனப் பெரும்பாலானவர்கள் கூறியிருப்பது மின்வணிக நிறுவனங்களுக்கு மகிழ்ச்சியளிக்கும் செய்தியாகும்.

ஆக, தொற்று குறைந்தாலும் அல்லது முடிவுக்கு வந்தாலும் நுகர்வோர்களின் தனிநபர் சுகாதாரம், ஆரோக்கியம், அனாவசிய செலவைக் குறைத்து தேவைக்கு மட்டும் செலவு செய்தல், வீட்டிலிருந்து அலுவலக வேலை செய்வதற்கான விருப்பம், ஆன்லைன் பரிவர்த்தனை போன்றவை நிரந்தரமாகவே நிலைத்துவிடக் கூடுமெனத் தெரிகிறது.