Published:Updated:

காகித டம்ளரில் கண்கவர் ஸ்டாண்டு!

ஸ்டாண்டு
பிரீமியம் ஸ்டோரி
ஸ்டாண்டு

கைவினைக் கலைஞர் பூமா தேவி

காகித டம்ளரில் கண்கவர் ஸ்டாண்டு!

கைவினைக் கலைஞர் பூமா தேவி

Published:Updated:
ஸ்டாண்டு
பிரீமியம் ஸ்டோரி
ஸ்டாண்டு

பென்சில், பேனா, ஜெம் க்ளிப் போன்றவற்றைப் போட்டுவைக்கவென அழகழகான ஸ்டாண்டு வாங்குவோம். ஆனால், அதைத் தவிர மற்ற எல்லா இடங்களிலும் எல்லாப் பொருள்களும் இறைந்து கிடக்கும். காசு கொடுத்து வாங்கிய அல்லது அன்பளிப்பாக வந்த அந்த ஸ்டாண்டு மூலையில் முடங்கும். இதற்கு பதில் யூஸ் அண்ட் த்ரோ காகித டம்ளர் (பேப்பர் கப்)களை வைத்து நாமே மல்ட்டி பர்ப்பஸ் ஸ்டாண்டு தயாரிக்கலாம். அறைக் கொன்றாக, ஆளுக்கொன்றாக வைத்துப் பயன்படுத்தலாம். செலவு குறைவு என்பதால் அவ்வப் போது புதிதாக, நம் கற்பனைக்கேற்ப வேறு வேறு மாடல்களில் செய்து வைக்கலாம். இந்த இதழில் அப்படியோர் அசத்தலான மல்ட்டி பர்ப்பஸ் ஸ்டாண்டு செய்யக் கற்றுத் தருகிறேன்.

தேவையான பொருள்கள்:

யூஸ் அண்ட் த்ரோ காகித டம்ளர், கயிறு, க்ளு கன் அல்லது பசை, செலோ டேப், கத்தரிக்கோல், லேஸ், சார்ட், பேப்பர், அட்டை, பென்சில்.

காகித டம்ளரில் கண்கவர் ஸ்டாண்டு!

ஸ்டெப் 1: சார்ட் பேப்பரைச் சுருட்டி, அதன் நுனிப் பகுதியைப் படத்தில் காட்டியுள்ளபடி ஒட்டவும்.

காகித டம்ளரில் கண்கவர் ஸ்டாண்டு!
காகித டம்ளரில் கண்கவர் ஸ்டாண்டு!

ஸ்டெப் 2: புல்லாங்குழல் மாதிரி இருக்கும் சார்ட்டைச் சுற்றிலும் கயிற்றை ஒட்டவும்.

காகித டம்ளரில் கண்கவர் ஸ்டாண்டு!

ஸ்டெப் 3: காகித டம்ளரின் மேல் பகுதியிலிருந்து கீழ் பகுதிவரை கயிற்றை சிறிது இடைவெளிவிட்டு சுற்றி பசையால் ஒட்டவும்.

காகித டம்ளரில் கண்கவர் ஸ்டாண்டு!

ஸ்டெப் 4: காகித டம்ளரின் மேல் விளிம்பைச் சுற்றிலும் லேஸை ஒட்டவும்.

காகித டம்ளரில் கண்கவர் ஸ்டாண்டு!

ஸ்டெப் 5: காகித டம்ளரின் மேல் பாகத்தை அட்டையில் அளவெடுத்து அதைக் கத்தரித்து எடுத்துக்கொள்ளவும். இது டம்ளருக்கான மூடி.

காகித டம்ளரில் கண்கவர் ஸ்டாண்டு!

ஸ்டெப் 6: கத்தரித்த அட்டையின் நடுவிலிருந்து கயிற்றை முறுக்கு மாதிரி படத்தில் காட்டியுள்ளபடி சுற்றி ஒட்டவும். அதேபோல அடிப்பகுதிக்கும் பெரிய வட்டமாகச் சுற்றி அதன் நுனிப் பகுதியில் லேஸ் ஒட்டவும்.

காகித டம்ளரில் கண்கவர் ஸ்டாண்டு!
காகித டம்ளரில் கண்கவர் ஸ்டாண்டு!

ஸ்டெப் 7: புல்லாங்குழல் வடிவில் இருக்கும் சார்ட்டை பெரிய தட்டின் நடுவில் ஒட்டி அதன் அருகே ஒரு காகித டம்ளரையும், நடுப்பகுதியில் ஒன்றையும், மேல் பகுதியில் ஒன்றையும் ஒட்டவும்.

காகித டம்ளரில் கண்கவர் ஸ்டாண்டு!
காகித டம்ளரில் கண்கவர் ஸ்டாண்டு!

ஸ்டெப் 8: காகித டம்ளரின் மேல் ஏற்கெனவே கத்தரித்து வைத்துள்ள மூடியை வைத்து, அதன் மேல் நமக்குப் பிடித்த பொம்மையையோ, சிறு சிலையையோ வைக்கலாம். மூடி இல்லாமலும் இதை மல்ட்டி பர்ப்பஸ் ஸ்டாண்டாக பென்சில், பேனா, க்ளிப், ரப்பர் பேண்டு போன்றவற்றைப் போட்டு வைக்கவும் பயன்படுத்தலாம்.

காகித டம்ளரில் கண்கவர் ஸ்டாண்டு!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism