Published:Updated:

கண்ணைக் கவரும் நெக்பீஸ்

நெக்பீஸ்
பிரீமியம் ஸ்டோரி
நெக்பீஸ்

கற்பனையும் கைத்திறனும்...

கண்ணைக் கவரும் நெக்பீஸ்

கற்பனையும் கைத்திறனும்...

Published:Updated:
நெக்பீஸ்
பிரீமியம் ஸ்டோரி
நெக்பீஸ்
கண்ணைக் கவரும் நெக்பீஸ்

உடைகளுக்குப் பொருந்திப்போகும் வகையில் மேட்சிங் நகைகள் அணிவது எப்போதும் பெண்களுக்கு பிடித்தமான ஒன்று. சில தனித்துவமான நிறங்களுக்கு எங்கு தேடியும் மேட்சிங் நகை கிடைக்காத சூழலில் வீட்டிலேயே சிம்பிளான நகை செய்து உடைக்குப் பொருத்தமாக அணிந்துகொள்ள முடியும். அந்த வகையில் `க்ளே’யைப் பயன்படுத்தி எளிய முறையில் நெக்பீஸ் செய்யக் கற்றுத்தருகிறார் திருநெல்வேலியைச் சேர்ந்த கார்த்தீஸ்வரி.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer
கண்ணைக் கவரும் நெக்பீஸ்

தேவையானவை: மோல்டிட் க்ளே - ஒரு பாக்கெட், கியர் வயர் - தேவையான அளவு, ஐ-பின் - 7, அக்ரலிக் பெயின்ட் - கறுப்பு, கோல்டன் நிறங்களில், பாசி மணி - தேவையான அளவு, பேக் ரோப், கியர் லாக் - 2, டால்கம் பவுடர் - சிறிதளவு, விரும்பும் டிசைன்களின் கட்டர், கத்தி, பிரெஷ்.

ஸ்டெப்-1: க்ளேவை நன்றாகப் பிசைந்து, உருட்டி, சப்பாத்தி போன்று தேய்த்துக்கொள்ளவும். க்ளே கையில் ஒட்டாமல் இருக்க டால்கம் பவுடர் சிறிதளவு தொட்டுக்கொள்ளவும்.

கண்ணைக் கவரும் நெக்பீஸ்

ஸ்டெப்-2: உங்களுக்கு எந்த வடிவில் பெண்டன்ட் தேவையோ, அந்த வடிவ கட்டரைப் பயன்படுத்தி க்ளேவை கட் செய்துகொள்ளவும் (கட்டர் இல்லை என்பவர்கள் பாட்டில் மூடிகள், குழந்தைகளின் விளையாட்டுப் பொருள்களைக்கூட கட்டராகப் பயன்படுத்தலாம்.)

ஸ்டெப்-3: கட் செய்த பெண்டன்ட்டில் கத்தி அல்லது டூத் பிக் பயன்படுத்தி டிசைன் செய்துகொள்ளவும்.

கண்ணைக் கவரும் நெக்பீஸ்

ஸ்டெப்-4: படத்தில் காட்டியுள்ளபடி ஐ-பின்னுடைய வளையம் பெண் டன்டின் மேல்பகுதியில் இருப்பது போன்று மேலிருந்து கீழாக செருகிக் கொள்ளவும்.

ஸ்டெப்-5: க்ளேவை சிறிய உருண்டையாக உருட்டி, ஐ-பின்னின் அடிப்பகுதியில் செருகிக்கொள்ளவும்.

கண்ணைக் கவரும் நெக்பீஸ்

ஸ்டெப்-6: பெண்டன்டில் கறுப்பு நிற பெயின்ட் அடித்து 20 நிமிடங்கள் காயவிடவும்.

ஸ்டெப்-7: ஆன்டிக் லுக் வேண்டும் என்பவர்கள் கறுப்பு நிற பெயின்டின் மீது கோல்டன் நிற பெயின்ட் அடித்துக்கொள்ளவும்.

கண்ணைக் கவரும் நெக்பீஸ்

ஸ்டெப்-8: நெக் பீஸ் எவ்வளவு உயரத்தில் தேவையோ அதற்கேற்ப தேவையான பெண்டன்டுகளை தயார் செய்து வைத்துக்கொள்ளவும்.

கண்ணைக் கவரும் நெக்பீஸ்

ஸ்டெப்-9: கியர் வயரில் பாசிகளைக் கோத்து, அதன்பின் பெண்டன்டுகளையும் படத்தில் காட்டியுள்ளபடி கோக்கவும்.

ஸ்டெப்-10: கியர்வயரில், கியர் லாக்கைச் சேர்த்து முடிச்சிட்டுக் கொள்ளவும்.

கண்ணைக் கவரும் நெக்பீஸ்
கண்ணைக் கவரும் நெக்பீஸ்

ஸ்டெப்-11: கியர்லாக்கில் இருக்கும் வளையத்தில் பேக் ரோப்பை இணைத்து முடிச்சிட்டிக்கொள்ளவும். கண்ணைக் கவரும் நெக்பீஸ் தயார்.