Published:Updated:

அலட்சியப்படுத்தாதீர்கள் அறிகுறிகளை!

அலட்சியப்படுத்தாதீர்கள் அறிகுறிகளை!
பிரீமியம் ஸ்டோரி
அலட்சியப்படுத்தாதீர்கள் அறிகுறிகளை!

பொதுவாகப் பெண்கள் மாதவிடாய் தொடங்குவதற்கு நான்கு நாள்களுக்கு முன்னர் மார்பகம் கனமாக இருப்பதை உணர்வார்கள்.

அலட்சியப்படுத்தாதீர்கள் அறிகுறிகளை!

பொதுவாகப் பெண்கள் மாதவிடாய் தொடங்குவதற்கு நான்கு நாள்களுக்கு முன்னர் மார்பகம் கனமாக இருப்பதை உணர்வார்கள்.

Published:Updated:
அலட்சியப்படுத்தாதீர்கள் அறிகுறிகளை!
பிரீமியம் ஸ்டோரி
அலட்சியப்படுத்தாதீர்கள் அறிகுறிகளை!

நமக்கு ஒரு நோய் ஏற்பட்டால், அது பற்றி நம் உடல் நமக்கு அனுப்பும் தகவலே அறிகுறி. நாம் எதிர்கொள்ள விருக்கும் பெரிய அளவிலான உடல்நலப் பிரச்னை களுக்கான அறிகுறிகள், மிகச்சிறியதாகவே தோன்றும். அதைப் பொருட்படுத்தாவிட்டால் நோய் பரவிப் பெருகி விடும். ஆகவே, அறிகுறிகளை அலட்சியப்படுத்தாதீர்கள் என்பதே மருத்துவர்களின் அறிவுரையாக இருக்கிறது.

நம் உடலில் ஏற்படும் முக்கியப் பிரச்னைகளுக்கான அறிகுறிகள் என்னென்ன... அதை நாம் எவ்வாறு கவனத் துடன் கையாள வேண்டும்... மருத்துவ நிபுணர்களின் அறிவுரை இங்கே...

அலட்சியப்படுத்தாதீர்கள் அறிகுறிகளை!

30 வயதைத் தாண்டிவிட்டாலே..!

“முன்பெல்லாம் 60 வயதைக் கடந்தவர்கள்தாம் சிறு அறிகுறிகளைக்கூட கவனமாகக் கையாள வேண்டும் என்றிருந்தது. இன்று நமது வாழ்க்கைமுறை முற்றிலும் மாறிவிட்டபடியால், 30 வயதைக் கடந்தவர்கள்கூட கவனத்துடன் இருக்க வேண்டும்’’ என்கிறார், மதுரையைச் சேர்ந்த பொதுநலம் மற்றும் நீரிழிவு நோய் சிறப்பு மருத்துவர் இளம்தளிர் இளங்குமரன்.

‘‘பெண்களைப் பொறுத்தவரையில், அவர்களுக்கு ஏற்படக்கூடிய புற்றுநோயின் அறிகுறிகளை அறிந்திருப் பதே நோயை ஆரம்ப நிலையில் கண்டறிவதற்கான முதல் படி.

மார்பகப் புற்றுநோய்

மார்பகத்தில் கட்டி உருவாவது மட்டுமே மார்பகப் புற்றுநோயின் அறிகுறி என்றில்லை. வழக்கத்துக்கும் மாறாக மார்பகம் கனமாக இருப்பதுகூட மார்பகப் புற்றுநோயின் அறிகுறியாக இருக்கலாம். பொதுவாகப் பெண்கள் மாதவிடாய் தொடங்குவதற்கு நான்கு நாள்களுக்கு முன்னர் மார்பகம் கனமாக இருப்பதை உணர்வார்கள். அது வாடிக்கைதான் என்றாலும் 40 வயதுக்கு மேல் அப்படி கனமாக உணர்ந்தாலோ, மார்பகக் காம்பிலிருந்து நீர் எதுவும் வடிந்தாலோ கவனமாக இருக்க வேண்டும். முதலில், மார்பகத் தோல் தடித்து இருக்கிறதா, கட்டி இருக்கிறதா என அவர்களே சுய பரிசோதனை செய்து பார்க்க முடியும். மேலும், மார்பகத்தை ஒட்டியிருக்கும் கையின் அடிப் பகுதியில் நெறிக்கட்டிருக்கிறதா என்றும் பரிசோதனை செய்ய வேண்டும். அப்பரிசோதனையில் வழக்கத்துக்கும் மாறாக ஏதேனும் மாற்றம் தெரிந்தால் உடனடியாக மருத்துவரை அணுகி பரிசோதனை மேற்கொள்ள வேண்டும்.

கர்ப்பப்பை புற்றுநோய்

பொதுவாக, மாதவிடாய் நிற்கும் நிலையான மெனோபாஸின்போது வயிற்றுவலி அதிகமாக இருக்கும். என்றாலும், 40 வயதைக் கடந்த வர்கள், அதீத வயிற்றுவலியை மாத விடாயுடன் தொடர்புபடுத்தி அலட்சியப்படுத்திவிடக் கூடாது. அது கர்ப்பப்பையில் கட்டி உருவாகி கர்ப்பப்பை புற்றுநோயாக மாறு வதற்கான அறிகுறியாகக்கூட இருக்கலாம் என்பதால் கவனம் தேவை. எனவே, வயிற்றிலும் அடி வயிற்றுப் பகுதியிலும் சி.டி ஸ்கேன் எடுத்து பரிசோதனை மேற் கொள்வது நல்லது.

கர்ப்பப்பை வாய் புற்றுநோய்

ஒவ்வொரு மாதமும் மாதவிடாய் முடிந்த பிறகு, அதிகமாக வெள்ளைப்படுதல், பெண்ணுறுப்பில் துர்நாற்றம் வீசுதல் ஆகிய பிரச்னைகள் இருக்கும் நிலையில் கிருமித்தொற்று ஏற்பட்டிருக்க வாய்ப் பிருக்கிறது. பிறப்புறுப்பில் ஏற்படும் கிருமித்தொற்று நாளடைவில் கர்ப்பப்பை வாய் புற்றுநோயாக வளரும் வாய்ப்பை உண்டாக்கும் என்பதால், அதில் மிகுந்த எச்சரிக்கையுடன் இருக்க வேண்டும். தொற்றால் பாதிப்புக்குள்ளாகும்போதே அதற்கான சிகிச்சைகளை மேற்கொண்டு விட்டால் புற்றுநோயாக உருமாறாமல் தடுக்க முடியும். மெனோபாஸுக்குப் பின்னும் சிறிதளவு உதிரம் வெளியேறினால், அதையும் பொருட்படுத்த வேண்டும்.

மேற்சொன்ன அறிகுறிகள் தென்படும் நிலையில் கர்ப்பப்பை வாயிலிருந்து சிறிதளவு தசையை எடுத்து பரிசோதனை செய்வதன் மூலமும், வயிற்றில் சி.டி ஸ்கேன் எடுப்பதன் மூலமும் புற்றுநோய் ஏற்பட்டுள்ளதா என்பதைக் கண்டறிய முடியும். சுகாதாரமின்மை, உடற்பருமன், முறையற்ற உணவுப்பழக்கம், உடற்பயிற்சி யின்மை ஆகியவை கர்ப்பப்பை வாய் புற்றுநோய்க்கான காரணிகளாக உள்ளன என்பது குறிப்பிடத்தக்கது’’ என்ற டாக்டர், பிற முக்கிய நோய்களுக்கான அறிகுறிகள் பற்றித் தொடர்ந்தார்.

நீரிழிவு

உலக அளவில் இந்தியா நீரிழிவு நோயின் தலைமை யகமாக இருக்கிறது. முன்பு 60 வயதைக் கடந்தவர்கள் எதிர்கொள்ளும் நோய்களின் பட்டியலில் இருந்த நீரிழிவு இன்று அந்த வயதைச் சுருக்கி யிருக்கிறது. லேசான உடல்வலி, இரவு அடிக்கடி எழுந்து சிறுநீர் கழித்தல், சிறுநீர் கழிக்கையில் எரிச்சல், சிறுநீர் பாதையில் புண், எப்போதும் சோர்வாக உணர்தல், எடை குறைதல், ஆழ்ந்த உறக்கம் இல்லாமல் போதல் ஆகியவை நீரிழிவு நோயின் அறிகுறிகளாக இருக்க வாய்ப்புகள் அதிக அளவில் இருக்கின்றன. இந்த அறிகுறிகள் தெரிய ஆரம்பித்தால் தாமதிக்காமல் ரத்தச் சர்க்கரை அளவை பரிசோதனை செய்ய வேண்டும். நீரிழிவுக்கு ஆளாகியிருப்பது தெரியவரும் நிலையில், ஆரம்ப கட்டத்தில் அதை முற்றிலுமாக குணப்படுத்திவிட முடியும்.

அது மட்டுமன்றி, அலர்ட்டாகி வாழ்க்கை முறை மாற்றங்களால் மீண்டும் நீரிழிவு ஏற்படாமல் தற்காத்துக் கொள்ள முடியும். அதுவே அலட்சியமாக இருந்து விட்டோமென்றால், ரத்தச் சர்க்கரையை மீண்டும் இயல்பு நிலைக்குக்கொண்டு வருவது கடினம். 30 வயதைக் கடந்தவர்கள் அனைவரும் ஆண்டுக்கு ஒருமுறை யேனும் ரத்தச் சர்க்கரை அளவு பரி சோதனையை மேற்கொள்வது நல்லது.

அலட்சியப்படுத்தாதீர்கள் அறிகுறிகளை!
Deepak Sethi

ரத்த அழுத்தம்

தொடர்ந்து நான்கு நாள்களுக்கு மேலாகத் தலைவலி இருந்தால், பாரசிட்டமால் போன்ற மாத்திரைகளை சாப்பிட்டுவிட்டு அலட்சியமாக இருந்துவிடக் கூடாது. உடனடியாகப் பரிசோதனை மேற்கொள்ள வேண்டும். அதுவும் 30 வயதுக்கு மேற்பட்டவர்கள் மிகவும் கவனமாக இருக்க வேண்டும். தூக்கமின்மை, அதிக வேலைப்பளு போன்றவை ரத்த அழுத்தத்துக்குக் காரணமாக இருக்கலாம். அதனால் தலைவலி உண்டாகியிருக்கலாம். இதைத் தொடக்கத்திலேயே கவனிக்காமல் விட்டு விட்டால் இதயப் பிரச்னைகள் வரை செல்வ தற்கான வாய்ப்புகள் அதிகம் உள்ளன. மேலும், தொடர் தலைவலி மூளையில் கட்டி உருவாவதற்கான அறிகுறியாகவும் இருக்கலாம். Refractive error எனப்படும் பார்வைத்திறன் மங்கும் குறைபாட்டின் அறிகுறியாகவும் தலைவலி இருக்கலாம் என்பதால், கண் பரிசோதனை மேற்கொள்வதும் அவசியம்.

இதய நோய்

தொடர்ச்சியாக நெஞ்சுப் பகுதியில் எரிச்சல் அல்லது வலி இருக்கும் நிலையில் உடனடி யாக இ.சி.ஜி பரிசோதனையை மேற்கொள்ள வேண்டும். அது மாரடைப்பின் அறிகுறியாக இருந்தாலும், உணவுக்குழாயின் மேற்பகுதி நெஞ்சுப்பகுதிக்கு மிக அருகில் இருப்பதால் உணவுக்குழாயில் ஏற்படும் எரிச்சல் அல்லது வலிகூட நெஞ்சு வலி போன்று தோன்றும். எனவே, அதன் காரணத்தை பரிசோதனை மேற்கொள்ளும் போதுதான் கண்டறிய முடியும்.

உணவுக்குழாயில் உண்டான எரிச்சல் எனில், அது இரைப்பையின் அடிப்பகுதிக்குச் சென்று அல்சராக மாறுவதை முன்னரே கண்டறிவதன் மூலம் தடுக்க முடியும். முறை யான உணவுப்பழக்கம் மற்றும் சரியான நேரத்துக்கு சாப்பிடுவதன் மூலம் இந்தப் பிரச்னைக்கு ஆளாவதைத் தவிர்க்கலாம். அதுவே நெஞ்செரிச்சல், நெஞ்சுவலியுடன் இடது தோள்பட்டை மற்றும் தாடைப்பகுதியில் ஏற்படும் வலி மற்றும் மூச்சுத்திணறல் ஆகியவை இதயப் பிரச்னைகளுக்கான அறிகுறியாக இருக்கக்கூடும் என்பதால் உடனடியாக மருத்துவரை நாட வேண் டும்” என்கிறார் இளம்தளிர் இளங்குமரன்.

அலட்சியப்படுத்தாதீர்கள் அறிகுறிகளை!

இந்த உறுப்புகளில் புற்றுநோய்... கவனம்!

“புற்றுநோய்களுக்கென தனியான அறிகுறிகள் ஏதுமில்லை. எனினும், அது உடல் உறுப்புகளின் செயல்திறனை பாதிப்பதன் காரணமாகத் தென்படும் அறிகுறிகளைக் கொண்டு அதைக் கண்டறிய முடியும்” என்று சொல்லும் மதுரையைச் சேர்ந்த பொதுநலம் மற்றும் புற்றுநோய் சிகிச்சை நிபுணர் ஜி.பால முருகன், சில முக்கியப் புற்று நோய்களை சந்தேகம் கொள்ள வேண்டிய அறிகுறிகளைப் பகிர்ந்தார்.

“பசியின்மை, சாப்பிட்டால் வாந்தி வருதல், செரிமானக்கோளாறு போன்றவை தொடர்ச்சியாக இருக்கும் நிலையில் அது இரைப்பை சார்ந்த பிரச்னையாக இருக்கலாம். அரிதினும் அரிதாக அது வயிற்றுப் புற்றுநோயின் அறிகுறியாக இருக்கவும் வாய்ப்புள்ளது. எனவே, மருத்துவரை அணுகி எண்டோஸ்கோபி செய்து பார்ப்பதன் மூலம் தீர்வை நோக்கி நகரலாம்.

மலச்சிக்கல், வயிற்றுப்போக்கு ஆகியவை மாறி மாறி ஏற்பட்டாலும், மலத்தில் ரத்தம் வெளியேறினாலும் மிகவும் எச்சரிக்கையுடன் இருக்க வேண்டும். அவை பெருங்குடல் புற்றுநோய்க்கான அறிகுறியாக இருக்கலாம்.

சிறுநீர் கழிக்கையில் எரிச்சல் மற்றும் சிறுநீர் வெளியேறும் போக்கு முறையற்று இருத்தல், அதிகமுறை சிறுநீர் கழித்தல் ஆகியவை நீரிழிவுக்கான அறிகுறி மட்டுமல்ல, அவை சிறுநீர்ப்பைக்குக் கீழ் இருக்கும் புராஸ்டேட் (Prostate) சுரப்பியில் ஏற்படும் புற்றுநோய்க்கான அறிகுறியாகவும் இருக்கலாம்.

எதையும் முளையிலேயே கிள்ளிவிடுவது நல்லது என்பதால் ஆரம்ப அறிகுறிகளிலேயே அதிக கவனத்துடன் இருப்பதன் மூலம் பின் வரும் பெரும் விளைவுகளிலிருந்து நம்மைக் காத்துக் கொள்ளலாம்” என்கிறார் பாலமுருகன்.

உடல் நமக்கு அனுப்பும் தகவலை அலட்சியம் செய்யாதிருப்போம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism