Published:Updated:

பொருளாதார வளர்ச்சியில் நீங்களும் பயன்பெறுவது எப்படி? முதலீட்டாளர்களுக்கு யோசனை...

பொருளாதார வளர்ச்சி
பிரீமியம் ஸ்டோரி
News
பொருளாதார வளர்ச்சி

E C O N O M I C G R O W T H

பி.ராமசாமி, முதன்மை செயல் அதிகாரி, Easyinvest.co.in

இந்தியா வேகமாக வளர்ந்து வரும் பொருளாதாரங்களில் ஒன்று என்பதில் மாற்றுக் கருத்து இருக்க முடியாது. இளைய சமுதாயம் மற்றும் இயற்கை வளங்கள் நிறைந்த ஜனநாயக நாடாகத் திகழ்வதால் இந்தியாவின் வளர்ச்சி திடமானதாகவும், நிலை யானதாகவும் இருக்கிறது. 1991-ல் ஆரம்பித்த இந்தப் பொருளாதார விரிவாக்கம், 2021-ல் வேகம் எடுக்கத் தொடங்கியுள்ளது. இந்தியர்களாகிய நாம் பெருமைப்பட வேண்டிய இந்தத் தருணத்தில், இந்தியாவின் இந்த வளர்ச்சியில் பங்கு பெற்றிருக்கிறோமா அல்லது பயன் பெற்றிருக்கிறோமா என்பது சிந்திக்க வேண்டிய கேள்வி.

பி.ராமசாமி 
முதன்மை செயல் 
அதிகாரி, 
Easyinvest.co.in
பி.ராமசாமி முதன்மை செயல் அதிகாரி, Easyinvest.co.in

பொருளாதாரம் வளர வேண்டும் எனில், அதற்கு அரசாங்கம் நிறைய தொழில் சீர்திருத்தங்களை மேற்கொள்ள வேண்டியிருக்கிறது. இதன் மூலமாகத் தொழில் வளர்ச்சி மேம்படுகிறது. ஆகவே, இந்தத் தொழில் சம்பந்தப்பட்டவர்கள், தொழில் அதிபர்கள், தொழிலாளிகள், மூலப்பொருள் விநியோகஸ்தர்கள் மற்றும் வியாபாரிகள் பெரிதும் பங்காற்றி பயன்பெறுகின்றனர்.

சமீபத்தில் அறிவிக்கப்பட்ட மத்திய பட்ஜெட்டில் ஆரோக்கிய பராமரிப்பு, நிதிச் சேவை, உள்கட்டமைப்பு, வாகனம், மின் விநியோகம் மற்றும் தண்ணீர் விநியோகம் போன்ற துறைகளுக்கு முன்னுரிமை அளிக்கப்பட்டன. இந்தத் தொழில்களில் பொது மக்களாகிய நாம் பங்களித்தால், நாம் பயன் பெறுவது உறுதி.

ஆனால், நாம் வேறு தொழிலில் ஈடுபட்டிருந்தால் இந்தத் தொழில் வளர்ச்சியில் எவ்வாறு பயன் பெறலாம் என்ற கேள்வி நம் மனதில் எழுவது சகஜம்தான். வேறு ஒரு தொழிலில் வளர்ச்சி அடைவதற்காகக் நம் தொழிலை மாற்றிக்கொள்ள முடியாது. ஆனால், இதற்கு ஒரு மாற்று வழி உள்ளது. எந்தெந்த தொழில் வளர்ச்சி காண்கிறதோ, அந்தத் தொழில் சார்ந்த நிறுவனங் களின் பங்குச் சார்ந்த திட்டங்களில் நீங்கள் முதலீடு செய்தாலே மறைமுக மாகப் பயன்பெற முடியும்.

உதாரணத்துக்கு, 2021-22-ம் ஆண்டு பட்ஜெட்டில் பொதுத்துறை வங்கி களில் வாராக்கடன்கள் சரிசெய்யப் படும் என அறிவிக்கப் பட்டது. இது பொதுத்துறை வங்கிகளுக்கு மிகவும் சாதகமான ஒன்று. இதேபோல், வாகனத் துறையில் பழைய வாகனங்களைப் பயன்படுத்த புதிய கொள்கை அறிவிக்கப்பட்டது. இது அனைத்து வாகன உற்பத்தியாளர் களுக்கும் பயன் தரக்கூடியது. இந்த அறிவிப்பு வந்த ஒரே வாரத்தில் பொதுத்துறை வங்கியான எஸ்.பி.ஐ-யின் பங்கு விலை 39% ஏற்றம் கண்டது. அதே போல, வாகன உற்பத்தி நிறுவனமான அசோக் லேலாண்ட் மற்றும் டாடா மோட்டார்ஸ் பங்கு விலை சுமார் 20% ஏற்றம் கண்டன.

பொருளாதார வளர்ச்சி
பொருளாதார வளர்ச்சி

இந்த பட்ஜெட் அறிவிப்பில் தொழில் சார்ந்தவர்கள் மற்றும் முதலீட்டாளர்கள் பயன் பெற்றனர் என்பதில் எந்தச் சந்தேகமும் இல்லை. ஆனால், சரியான பங்கை வாங்குவது எப்படி என்பதில் நிறைய பேருக்கு குழப்பம் ஏற்படும். ஒரே துறையைச் சார்ந்த எல்லாப் பங்குகளும் ஒரே மாதிரி விலை ஏற்றம் காணவில்லை.

இந்தச் சூழ்நிலையில், நேரடிப் பங்கு முதலீட்டுக்குப் பதிலாக மியூச்சுவல் ஃபண்ட் மூலமாக முதலீடு செய்வது சற்றே சுலபமானது. உதாரணமாக, பேங்கிங் செக்டார் ஃபண்ட் 15% ஏற்றம் கண்டுள்ளது. அதே போல், இன்ஃப்ரா செக்டார் ஃபண்ட் 10% வளர்ச்சியைக் கண்டது. இதிலும் எந்தத் துறை சார்ந்த மியூச்சுவல் ஃபண்ட் திட்டங்களில் முதலீடு செய்வது என்ற குழப்பம் ஏற்பட்டால், பல்துறை ஃபண்டுகளான ஃபிளெக்ஸிகேப் ஃபண்ட் அல்லது மல்ட்டிகேப் ஃபண்ட் அல்லது இண்டெக்ஸ் ஃபண்ட் சார்ந்த திட்டங்களில் முதலீடு செய்து இந்தியப் பொருளாதாரத்தின் வளர்ச்சியில் பயன்பெற முடியும்.

இந்தியப் பொருளாதாரம் வளர்ச்சி அடையும்போது அதனுடன் சேர்ந்து நாமும் வளர்ச்சி அடைவது நம் உரிமை. வெறும் பார்வையாளராக மட்டுமல்லாமல், முதலீட்டாளராக நீங்கள் பயன் அடையத் தயாரா?