Election bannerElection banner
Published:Updated:

`சந்தேக நபரைப் புகைப்படம் எடுத்தாலே போதும்!' - திண்டுக்கல் காவல்துறையில் FACETAGR செயலி

FACETAGR செயலி பயிற்சி வகுப்பு
FACETAGR செயலி பயிற்சி வகுப்பு

சந்தேகப்படும் நபரை, மொபைலிலுள்ள FACETAGR செயலியின் மூலம் புகைப்படம் எடுத்தால், அவர் பழைய குற்றவாளியா அல்லது சாதாரண நபர்தானா என்பதைக் கண்டறிய முடியும்.

திண்டுக்கல் மாவட்ட எல்லைக்கு உட்பட்ட காவல்நிலைய ஆய்வாளர்கள், உதவி ஆய்வாளர்கள் மற்றும் காவலர்கள் என 60 நபர்களுக்கு, FACETAGR செயலி பற்றிய பயிற்சி வகுப்பு நடைபெற்றது. இதில், மாவட்ட காவல் கண்காணிப்பாளர் ரவளி ப்ரியா, கூடுதல் காவல் கண்காணிப்பாளர்கள், துணைக் கண்காணிப்பாளர் என உயரதிகாரிகள் கலந்துகொண்டனர்.

FACETAGR செயலி பயிற்சி வகுப்பு
FACETAGR செயலி பயிற்சி வகுப்பு
டிரைவிங் லைசன்ஸ் மறந்துட்டோமேன்னு இனி கவலை வேண்டாம்..! - ஒரு அசத்தல் செயலி #MyVikatan

பயிற்சி வகுப்பு பற்றி, மாவட்ட காவல்துறை சார்பில் வெளியிடப்பட்டிருக்கும் அறிக்கையில், `இரவு நேரங்களில் ரோந்துப்பணியில் ஈடுபடும்போது, சந்தேகத்துக்கு இடமான நபர் என நினைத்தால், உடனே தனது மொபைலிலலுள்ள FACETAGR செயலியின் மூலம் அந்த நபரைப் புகைப்படம் எடுத்தால், அவர் மீது ஏற்கெனவே குற்ற வழக்குகள் ஏதும் இருக்கிறதா என அந்தச் செயலி ஒப்பிட்டுக்காட்டும். பழைய குற்றவாளிகளாக இருந்தாலும் இதன் மூலம் கண்டுபிடிக்க முடியும். அதே நேரத்தில், சந்தேகத்ததுக்கு ஆளான நபர், குற்றவாளி இல்லையென்றால், அவரை உடனே விடுவிக்க முடியும். இந்தச் செயலி, இரவு நேரம் மட்டுமல்லாமல், 24 மணி நேரமும் ரோந்துப்பணியில் ஈடுபடும் காவல்துறையினருக்கு பெரிதும் உதவியாக இருக்கும்” என அந்த அறிக்கையில் தெரிவிக்கப்பட்டிருக்கிறது.

FACETAGR செயலி பயிற்சி வகுப்பு
FACETAGR செயலி பயிற்சி வகுப்பு
வாழை நோய்களைக் கண்டறியும் ‘டுமாய்னி’ செயலி!

சட்டம், ஒழுங்குப் பிரச்னை ஏற்படும் இடங்களுக்குச் செல்லும் காவல்துறையினர், அங்கு பிரச்னையில் ஈடுபடும் நபர் மீது ஏற்கெனவே குற்ற வழக்குகள் இருக்கின்றனவா என உடனடியாக அறிந்துகொள்ள FACETAGR செயலி பயன்படும் எனவும், சென்னை மாநகர காவல்துறையினரால் மட்டுமே தற்போது பயன்படுத்தப்படும் இந்தச் செயலி, தென் மாவட்டங்களில் திண்டுக்கல் மாவட்டத்தில்தான் முதன்முறையாக அறிமுகம் செய்யப்பட்டிருக்கிறது எனவும் கூறப்பட்டிருக்கிறது. மேலும், அருகேயுள்ள மாவட்டங்களின் குற்றவாளிகளின் விவரங்களும், இந்தச் செயலியில் அப்டேட் செய்யப்பட்டிருப்பதால், குற்றவாளிகளை விரைவாக அடையாளம்காண உதவும் எனவும் கூறப்படுகிறது. FACETAGR செயலி முழுக்க முழுக்க காவல்துறையினருக்கானது. அதனால், மக்கள் யாரும் இந்தச் செயலியைப் பயன்படுத்த இயலாது என்பது குறிப்பிடத்தக்கது.

Election bannerElection banner
அடுத்த கட்டுரைக்கு