Published:Updated:

உயர் மின்கோபுரம் - மீண்டும் திரளும் விவசாயிகள்..!

கோவை மத்திய சிறையிலிருந்து விடுதலையானபோது...
பிரீமியம் ஸ்டோரி
கோவை மத்திய சிறையிலிருந்து விடுதலையானபோது...

பிரச்னை

உயர் மின்கோபுரம் - மீண்டும் திரளும் விவசாயிகள்..!

பிரச்னை

Published:Updated:
கோவை மத்திய சிறையிலிருந்து விடுதலையானபோது...
பிரீமியம் ஸ்டோரி
கோவை மத்திய சிறையிலிருந்து விடுதலையானபோது...

யர் மின்கோபுரங்கள் விவசாயத்துக்குப் பெரும் பிரச்னையாக இருக்கின்றன. உயர் மின்கோபுரங்கள் செல்லும் வழியில் விளைநிலங்களில் பயிர் செய்ய முடியாமல் கஷ்டப்படுகிறார்கள் விவசாயிகள். இதைத் தடுத்து நிறுத்த டெல்லியில்கூடப் போராட்டம் நடத்திவிட்டார்கள். இதையடுத்து சாலைமறியல் போராட்டத்துக்குத் தயாராகி வருகிறார்கள்.

ஈசன்
ஈசன்

இது குறித்து நம்மிடம் பேசினார் உயர்மின் கோபுரங்களுக்கு எதிரான விவசாயிகள் சங்கங்களின் கூட்டியக்கத்தின் ஒருங்கிணைப்பாளர் வழக்குரைஞர் ஈசன். ‘‘மத்திய அரசுக்குச் சொந்தமான பவர்கிரிட் நிறுவனம் பல மாநிலங்களில் உயர் மின்கோபுரங்களை அமைக்கும் திட்டங்களை மேற்கொண்டுவருகிறது. இந்தத் திட்டத்தின் ஓர் அங்கமாக தமிழ்நாட்டில் கோயம்புத்தூர், திருப்பூர், ஈரோடு, கரூர், திண்டுக்கல், திருச்சி, நாமக்கல், சேலம், தர்மபுரி, வேலூர் திருவண்ணாமலை மற்றும் விழுப்புரம் ஆகிய 13 மாவட்டங்களில் உயர் மின்கோபுரங்களை அமைக்கும் பணியில் ஈடுபட்டுவருகிறது.

இந்த மின் வழித்தடங்கள் பெரும்பாலும் விளைநிலங்கள் வழியாகத்தான் அமைக்கப்படுகின்றன. இதனால் ஆயிரக்கணக்கான ஏக்கர் விளைநிலங்களைக் கையகப்படுத்தும் நிலை ஏற்பட்டிருக்கிறது. மேலும், பல லட்சம் தென்னை மரங்களும், பல வகை மரங்களும் வெட்டிச் சாய்க்கப்படும் சூழல் உருவாகியிருக்கிறது. இது குறித்து சம்பந்தப்பட்ட நிலத்தின் உரிமையாளரிடம் எந்தவிதமான முன்னறிவிப்பும் செய்யப்படுவதில்லை.

ஒட்டுமொத்த விகடனுக்கும் ஒரே ஷார்ட்கட்!

கோவை மத்திய சிறையிலிருந்து விடுதலையானபோது...
கோவை மத்திய சிறையிலிருந்து விடுதலையானபோது...

விளைநிலங்களை பாதிக்காத வகையில் புதைவட மின்பாதை முறையில் மின்கம்பிகளைக் கொண்டுபோகும் எளிய மாற்றுவழி இருக்கிறது. அப்படிச் செய்தால் உயர் மின்கோபுரங்கள் அமைக்கத் தேவையில்லை என்ற விவசாயிகளின் ஆலோசனை ஏற்கப்படவில்லை. கடந்த மாதம் திருப்பூர் மாவட்டம், தாராபுரம் வட்டம், மேற்கு சடையபாளையம் கிராமத்தில் எந்தவித முன்னறிவிப்புமில்லாமல் வருவாய்த் துறையினர் நிலஅளவை மேற்கொண்டனர். இதைத் தட்டிக்கேட்ட தமிழக விவசாயிகள் பாதுகாப்பு சங்கத்தின் தலைவர் சண்முகசுந்தரம், செயலாளர் முத்து விஸ்வநாதன், முன்னாள் ஊராட்சிமன்றத் தலைவர் பார்த்தசாரதி மற்றும் விவசாயி தங்கமுத்து ஆகியோருடன் என்னையும் கைது செய்து பல்வேறு பிரிவுகளில் வழக்கு பதிவுசெய்து, ஒரு மாதம் கோவை மத்தியச் சிறையில் அடைத்தது காவல்துறை.

மேலும் உயர் மின்கோபுரங்களுக்கு எதிரான விவசாயச் சங்கங்களின் கூட்டியக்கம் சார்பில் தமிழக மின்துறை அமைச்சர் தங்கமணியை ஐந்து முறை சந்தித்துப் பேச்சுவார்த்தை நடத்தியும் தீர்வு கிடைக்கவில்லை. தொடர்ந்து தமிழக முதலமைச்சருடன் பேச்சுவார்த்தை நடத்த தேதி கேட்டிருக்கிறோம்.

எங்கள் நிர்வாகிகளை முதலமைச்சர் அழைத்துப் பேசி, தீர்வுக்கான வழி சொல்ல வேண்டும். அப்படி அவர் எங்களை அழைக்காத பட்சத்தில் எதிர் வரும் நவம்பர் 18-ம் தேதி, உயர் மின்கோபுரங்களால் பாதிக்கப்படும் 13 மாவட்டங்களில் 50 இடங்களில் விவசாயிகளைத் திரட்டி, சாலைமறியல் செய்ய முடிவு செய்திருக்கிறோம்’’ - குரலில் உறுதி தொனிக்கச் சொல்கிறார் ஈசன்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism