Published:Updated:

குட் டச்... பேட் டச்... குழந்தைகளுக்குப் பழக்குவது எப்படி?!

குட் டச்... பேட் டச்
பிரீமியம் ஸ்டோரி
குட் டச்... பேட் டச்

#Avaludan

குட் டச்... பேட் டச்... குழந்தைகளுக்குப் பழக்குவது எப்படி?!

#Avaludan

Published:Updated:
குட் டச்... பேட் டச்
பிரீமியம் ஸ்டோரி
குட் டச்... பேட் டச்
‘பெற்றோர்கள் குழந்தைகளுக்கு குட் டச், பேட் டச் கற்றுக்கொடுக்க நேரடியாகப் பேசுவது, அது தொடர்பான வீடியோக்கள் ப்ளே செய்து காட்டுவது, கார்ட்டூன் புத்தகத்தை வாசிக்க வைப்பது என என்னென்ன வழிகளைப் பின்பற்றலாம்..?’ என்று அவள் விகடன் சமூக வலைதளப் பக்கங்களில் கேட்டிருந்தோம். #Avaludan என்ற ஹேஷ்டேக்குடன் அவர்கள் பகிர்ந்திருந்தவற்றில் சிறந்தவை இங்கே...

Nalini Shanthakumari

குழந்தைக்குப் புரிந்துகொள்ளும் வயது வந்ததுமே, அம்மா பால் உறுப்புகள் பற்றிய அடிப்படைகளை நேரடியாக ஆண், பெண் குழந்தை இருவரிடமும் பேச ஆரம்பிக்க வேண்டும். அதன் தொடர்ச்சியாக குட் டச், பேச் டச் உரையாடல் அமைய வேண்டும்.

Shanthi Durairaj

குழந்தைகளுக்குத் தவறாமல் அண்டர் கார்மென்ட் அணிவித்துவிட்டு, அவையெல்லாம் பிரைவேட் பார்ட்ஸ், யாரையும் தொட அனுமதிக்கக் கூடாது என்று அறிவுறுத்தலாம்.

Janani KasthuriRangan

‘குட் டச், பேட் டச்’ என்பது இப்போது சேஃப் டச் (Safe Touch), அன்சேஃப் டச் (Unsafe Touch) என்று அப்டேட் ஆகியுள்ளது. பாலியல் கல்விக்கு என ஒரு வகுப்பு பள்ளியில் நிச்சயம் ஒதுக்கப்பட வேண்டும். பெற்றோர்களுக்கும்கூட பள்ளிகள் அது குறித்த ஒரு பேரன்டிங் பயிற்சியை ஏற்பாடு செய்யலாம்.

Revathi Bobby

‘குட் டச், பேட் டச்’ பற்றி சொல்லிக்கொடுத்துவிட்டு, குழந்தையை பின்புறம் தட்டுவது, உதட்டில் முத்தம் கொடுப்பது போன்ற ‘பேட் டச்’களை வீட்டில் உள்ளவர்களே ‘செல்லம்’ என்ற பெயரில் செய்யக் கூடாது. முதலில் ‘நோ பேட் டச்’ என்பதை வீட்டில் அனைவரும் பின்பற்ற வேண்டும். அப்போதுதான் குழந்தைக்கு அது இயல்புக்கு மாறானது என்பது மனதில் பதியும்.

Dhana Luck Smi

மூன்று வயதுக் குழந்தைகளுக்கு குட் டச், பேட் டச் என்பதை எமோஜி தலையணை, எமோஜி பொம்மலாட்டம் உள்ளிட்டவற்றைக் கொண்டு பழக்கலாம். உதாரணமாக, பேட் டச் செய்தால் ஆங்கிரி ஸ்மைலியைக் குழந்தை காட்ட வேண்டும். அதேபோல நிஜத்தில் யாரேனும் செய்தால் குழந்தை கோபப்பட வேண்டும். கூடவே மறக்காமல், அதை அம்மாவிடம் வந்து உடனடியாகச் சொல்ல வேண்டும் என்பதையும் மறக்காமல் கற்றுக்கொடுக்க வேண்டும்.

Srividhya Prasath

பேசுவது, புத்தகத்தைப் படிக்க வைப்பது போன்றவற்றை விட காட்சி அறிவு குழந்தைகள் மனதில் இன்னும் ஆழமாகப் பதியும். எனவே, குட் டச், பேட் டச் தொடர்பான வீடியோக்களை அவர்களுக்கு ப்ளே செய்து காட்டலாம். மேலும், உடல் பாகங்களுக்கு அதற்குரிய சரியான பெயர்களைச் சொல்லிக் குறிப்பிட வேண்டும். உதாரணமாக `பட்டக்ஸ்' என்று நேரடியாகச் சொல்லிக் கொடுக்காமல், ‘பூம்பூம்’ போன்ற பெயர்களைப் பயன் படுத்த வேண்டாம். காரணம், ஒருவேளை பேட் டச் பற்றி குழந்தை பெற்றோர் அல்லாத வேறு ஒரு நபரிடம் தெரிவிக்க நேர்ந்தால், அப்போது இதுபோன்ற பெயர்களால் குறிப்பிடும்போது அதைக் கேட்கும் பெரியவர்களுக்குப் புரியாது.

குட் டச்... பேட் டச்
குட் டச்... பேட் டச்

Vanirama Vanirama

குழந்தையின் வயது, அதன் புரிந்துகொள்ளும் தன்மை, அதற்கு ஆர்வம் உள்ள ஊடகம் ஆகியவற்றின் அடிப் படையில் அவர்களுக்கு குட் டச், பேட் டச் பற்றி கற்றுக் கொடுக்கலாம். உதாரணமாக, மூன்று வயதுக் குழந்தை யாக இருந்தால் கார்ட்டூன் வீடியோக்கள், கார்ட்டூன் புத்தகங்கள், ஐந்து வயதுக்கு மேற்பட்ட குழந்தைகளுக்கு அதைப் பற்றிய விழிப்புணர்வு வீடியோக்கள்... இப்படி.

Anbu Bala

குழந்தைகளுக்கு ‘குட் டச் பேட் டச்’ என்று தனியாகப் பிரித்துச் சொல்வதைவிட, ‘நோ டச்’ என்று கறாராகச் சொல்லிக்கொடுப்பதுடன் தினமும் சிறிது நேரமாவது குழந்தைகளுடன் செலவிட்டு அன்றாடம் வெளி யிடங்களில் நடந்தவற்றைப் பற்றி விசாரியுங்கள்.

Dr Sharmila

‘குட் டச் பேட் டச்’ பற்றி சொல்லிக் கொடுப்பதோடு நின்று விடக் கூடாது. அப்படிப்பட்ட சந்தர்ப்பங் களில் சமயோசிதமாக எப்படி நடந்துகொள்ள வேண்டும் என்பது பற்றியும் குழந்தைக்குச் சொல்லிக் கொடுக்க வேண்டும். பள்ளிகள், வீடுகளில் தரப்படும் விழிப்புணர்வால் இப்போது பல குழந்தைகளுக்கும் ஒருவர் தன்னை பேட் டச் செய்யும்போது, அதைத் தவறென உணர முடிகிறது. ஆனால், அப்போது தான் என்ன செய்ய வேண்டும் என்பதுதான் தெரிய வில்லை. குழந்தை ‘டோன்ட் டச்’ என்று சொன்ன பின்னரும் அது தொடர்ந்தால், கத்த வேண்டும், அங்கிருந்து உடனடியாக ஓட வேண்டும், பெரியவர்கள் யாரிடமாவது அதைப் பற்றிச் சொல்ல வேண்டும்.

RJ Nithya Gopinath

என் மூன்றரை வயது மகளுக்கு, நான் நேரடியாக குட் டச், பேட் டச் பற்றி சொல்லிக் கொடுத்திருக்கிறேன். அவளை யாராலும் தொட்டுப் பேச முடியாது. ‘அங்கிள்/ஆன்ட்டி... என்னை தொடாம பேசுங்க ப்ளீஸ்...’ என்று கூறி விடுவாள்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism