Published:Updated:

கிரெடிட் கார்டில் ஸ்மார்ட் பர்ச்சேஸ்! - சூப்பர் டிப்ஸ்!

கிரெடிட் கார்டு
பிரீமியம் ஸ்டோரி
News
கிரெடிட் கார்டு

இந்த வருடம் பலரும் இ-காமர்ஸ் விற்பனைத் தளங்கள் மூலம் பொருள்கள் வாங்க ஆர்வம் காட்டுவது இயல்பானது!

ண்டிகைக் காலம் தொடங்க உள்ளது. வழக்கமாக இந்தக் காலங்களில் மக்கள் எந்தத் தயக்கமும் இல்லாமல் தாராளமாகச் செலவு செய்து புதிய ஆடைகள், காலணிகள், பரிசுகள், அணிகலன்கள், ஃபர்னிச்சர், கேட்ஜெட், வீட்டு உபயோகப் பொருள்கள் மற்றும் ஆட்டோமொபைல்கள் என வாங்கிக் குவிப்பார்கள்.

எனினும், இந்த கொரோனா பாதிப்பு மக்களின் வழக்கமான பண்டிகைக் கால உற்சாகத்தை வெகுவாகப் பாதித்திருக்கிறது.ஆனாலும், பலர் தங்களுக்குத் தேவையான பொருள்களை ஆன்லைன் மூலம் ஆர்டர் செய்தோ, கடைகளுக்குச் சென்று சமூக இடைவெளி கடைப்பிடித்தோ வாங்கவும் செய்கிறார்கள். வணிகர்களும் வாடிக்கையாளர்களைக் கவர பல ஆஃபர்களையும் அறிவிக்கிறார்கள். இதுபோன்ற சூழலில் பொருள்கள், சேவைகளை வாங்கும்போது ரொக்கமாகவோ, டெபிட் கார்டு அல்லது நெட்பேங்கிங், யு.பி.ஐ மூலமாகவோ வாங்காமல் உங்களிடம் உள்ள கிரெடிட் கார்டு மூலம் வாங்கும்போது குறிப்பிட்ட அளவு பணத்தைச் சேமிக்கலாம். கிரெடிட் கார்டை எப்படியெல்லாம் பயன்படுத்தினால் பணத்தை மிச்சப்படுத்தலாம் என்பதைப் பார்ப்போம்.

கிரெடிட் கார்டில் ஸ்மார்ட் பர்ச்சேஸ்! - சூப்பர் டிப்ஸ்!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பண்டிகைக் கால உடனடித் தள்ளுபடி!

இந்த வருடம் பெரும்பாலானோர் இ-காமர்ஸ் விற்பனைத்தளங்கள் மூலம் வாங்க ஆர்வம் காட்டுவது இயல்பானது. பாதுகாப்பு கருதியும், பல பொருள்களை இருந்த இடத்திலிருந்தே வாங்கலாம் என்பதுடன் பண்டிகைக் கால ஆஃபர்களையும் அனுபவிக்க முடியும் என்பதால் ஆன்லைனில் பலரும் ஆர்டர் செய்ய முக்கியக் காரணமாகும்.

அதுவும் கிரெடிட் கார்டு மூலம் வாங்குபவர் களுக்குக் கூடுதல் தள்ளுபடி வசதிகளையும் இ-காமர்ஸ் தளங்கள் தருகின்றன. உதாரணமாக, இந்தப் பண்டிகைக் காலத்தில் இரண்டு முன்னணி இ-காமர்ஸ் தளங்கள் இரண்டு முக்கிய வங்கிகளின் கிரெடிட் கார்டு பயனாளிகளுக்குப் பொருள்கள் மீது 10% வரை தள்ளுபடி வழங்குகின்றன. அந்த இரண்டு வங்கிகளின் கிரெடிட் கார்டுகளின் பயனாளிகளாக நீங்கள் இருந்தால், இந்த வாய்ப்பைப் பயன்படுத்தி பணத்தை மிச்சப்படுத்தலாம்.

உதாரணமாக, உங்களுக்குப் பிடித்த ரூ.30,000 ஸ்மார்ட்போன் ரூ.22,000-க்கு ஆன்லைன் ஷாப்பிங் மூலம் வாங்கலாம் எனில், அந்த ஸ்மார்ட்போனை கிரெடிட் கார்டில் வாங்கினால் கூடுதலாக ரூ.3,000 சேமிக்கலாம். மேலும், உங்களுடைய பழைய மொபைலைக் கொடுத்து மாற்றினால் கூடுதலாக ரூ.4,000 மிச்சமாகும். இறுதியில் ரூ.15,000 அந்த ஸ்மார்ட்போனை நீங்கள் வாங்கலாம். இது 50% தள்ளுபடி விலை ஆகும். எனவே, ஒரு பொருளை வாங்கும் முன் எல்லோருக்கும் பொதுவாக வழங்கப்படும் ஆஃபர்களோடு சேர்த்து கிரெடிட் கார்டுக்கு ஏதேனும் தள்ளுபடி உண்டா என்றும் பார்க்க வேண்டும். ஆன்லைன் ஷாப்பிங் மட்டுமன்றி, சில ரீடெயில் பிரிவுகளிலும் கிரெடிட் கார்டுகளுக்கு ஆஃபர்கள் வழங்கப்படுகின்றன.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

வட்டியில்லாத் தவணை!

கிரெடிட் கார்டுமூலம் பொருள் வாங்குவதில் இருக்கும் இன்னொரு முக்கியமான பலன் பெரிய தொகையை வட்டியில்லாத தவணைகளாக மாற்றிக்கொள்ள முடியும் என்பதாகும். எனவே, இந்த வசதி உங்களுடைய கிரெடிட் கார்டுக்கு உண்டா என்பதைத் தெரிந்துகொள்ளுங்கள். அதற்கு ஏதேனும் கட்டணம் உண்டா என்பதையும் தெரிந்து கொள்ளுங்கள்.

கிரெடிட் கார்டில் ஸ்மார்ட் பர்ச்சேஸ்! - சூப்பர் டிப்ஸ்!

அதே நேரம், இந்த வசதியைப் பயன் படுத்துவதால், உங்களுடைய மாதாந்தர கிரெடிட் கார்டு பில் பட்ஜெட்டைவிட அதிகமாகிறதா என்றும் பார்த்துக்கொள்ளுங்கள்.

அப்படி மாதாந்தர பில் உங்களுக்கு அழுத்தம் தரக்கூடியதாக இருக்கும்பட்சத்தில், எளிய தவணைகளாக மாற்றிக்கொள்ளும் வசதி இருக்கிறது என்பதற்காகப் பொருள்களை வாங்க வேண்டிய அவசியமில்லை.

கிரெடிட் கார்டு ரிவார்டு

கிரெடிட் கார்டுகளில் மேற்சொன்ன உடனடித் தள்ளுபடி போன்ற வசதிகள் இருந்தாலும் இல்லாவிட்டாலும் அடிப்படையிலேயே அவற்றில் சில பலன்கள் உள்ளன. ரிவார்டு புள்ளிகள், கேஷ்பேக் ஆஃபர்கள் ஆகியவை மூலமும் கணிசமான பணத்தைச் சேமிக்க முடியும். உதாரணமாக, நாம் வாங்கும் பொருள்களில் வழங்கப்படும் கேஷ்பேக் ஆஃபர்கள் மூலம் மாதாந்தர கிரெடிட் கார்டு பில் தொகையில் குறிப்பிட்ட தொகையை நாம் சேமித்திருப்போம்.

கிரெடிட் கார்டில் ஸ்மார்ட் பர்ச்சேஸ்! - சூப்பர் டிப்ஸ்!

அதேபோல், நாம் குறிப்பிட்ட காலத்துக்கு கிரெடிட் கார்டில் பொருள்களை வாங்கி வந்ததன் மூலம் சேமிக்கப்பட்ட ரிவார்டு புள்ளிகளைப் பயன்படுத்தி பணமாக கேஷ்பேக் பெற முடியும் அல்லது வங்கியின் மெர்ச்சன்ட் இணையதளத்தில் உள்ள பொருள்களையும் வாங்கிக்கொள்ளலாம். எனவே, பெரும்பாலான நம் மாதாந்தர செலவுகளை நம் பட்ஜெட்டுக்கு ஏற்றாற்போல் கிரெடிட் கார்டைப் பயன்படுத்தி செலவுகளை மேற்கொள்ளலாம். அதன்மூலம் நாம் கேஷ்பேக், ரிவார்டு புள்ளிகள் உள்ளிட்ட பலன்களை அனுபவிக்க முடியும். கணிசமான தொகையையும் சேமிக்கலாம். வீட்டுக்குத் தேவையான மளிகைப் பொருள்கள் வாங்குவதிலிருந்து, பயன்பாட்டுக் கட்டணங்கள் வரை அனைத்துக்கும் கிரெடிட் கார்டில் ரிவார்டு புள்ளிகள் அல்லது கேஷ்பேக் போன்றவை கிடைக்கும்.

வீட்டுக்குத் தேவையான மளிகைப் பொருள்கள் வாங்குவதிலிருந்து, பயன்பாட்டுக் கட்டணங்கள் வரை அனைத்துக்கும் கிரெடிட் கார்டில் ரிவார்டு புள்ளிகள் அல்லது கேஷ்பேக் போன்றவை கிடைக்கும்!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

தற்காலிக சலுகைகள்..!

கிரெடிட் கார்டின் அடிப்படை சலுகை களோடு கூடுதலாகப் பல தற்காலிக புரொமோஷன் சலுகைகள் வணிக நிறுவனங் களுடன் இணைந்து வழங்கப்படும். இவை சிறப்பு தள்ளுபடிகளாக, இ-காமர்ஸ் தளங்களில், ரீடெயில் கடைகள், உணவகங்கள், சூப்பர் மார்க்கெட் போன்றவற்றிலும்கூட வழங்கப்படும். உங்களிடம் உள்ள கிரெடிட் கார்டில் எங்கெல்லாம் என்னென்ன சலுகைகள் கிடைக்கின்றன என்பதைப் பார்த்து அவற்றைப் பயன்படுத்திக்கொள்ளலாம். வழக்கமாக, வங்கித் தரப்பிலிருந்தே இந்தச் சலுகைகள் பற்றிய விவரங்கள் மெயில் அல்லது எஸ்.எம்.எஸ் மூலம் அனுப்பப்படும்.

கிரெடிட் கார்டில் ஸ்மார்ட் பர்ச்சேஸ்! - சூப்பர் டிப்ஸ்!

கூடுதல் ரிவார்டுகளுக்கு டிப்ஸ்

பணத்தை மிச்சம் செய்யும் வகையில் கிரெடிட் கார்டைப் பயன்படுத்துவது எப்படி என அறிந்துகொள்ள வேண்டும். முடிந்தவரை அதிகபட்ச ரிவார்டு சலுகைகளைப் பெறும் வகையில் கிரெடிட் கார்டு செலவுகளைத் திட்டமிட வேண்டும். உதாரணமாக, மளிகைப் பொருள்களுக்கு மாதம் ரூ.15,000 செலவு செய்கிறீர்கள் எனில், கிரெடிட் கார்டு மூலம் செலவு செய்தால் 5% கேஷ்பேக் கிடைக்கும். இதன்மூலம் மாதம் ரூ.750, ஆண்டுக்கு ரூ.9,000 சேமிக்கலாம். அதே நேரம், கேஷ்பேக் வரம்பு, ரிவார்டு புள்ளிகளின் காலாவதி காலம், ரிடம்ப்ஷன், சலுகை கிடைக்கும் பொருள்கள், சலுகை பெறுவதற்கான குறைந்தபட்ச மற்றும் அதிகபட்ச செலவுத் தொகை ஆகிய விவரங்களைத் தெரிந்து வைத்திருக்க வேண்டும்.

சக்திக்கு மீறிய செலவு கூடாது

கிரெடிட் கார்டைப் பொறுத்தவரை, எப்போதுமே நம் பட்ஜெட்டுக்குள்தான் செலவுகளைச் செய்ய வேண்டும். இதன்மூலம் மாதாந்தர பில் தொகையை வட்டியில்லா காலத்துக்குள் நம்மால் செலுத்த முடியும். குறைந்தபட்ச பில் தொகை செலுத்தினாலோ, தாமதமாக பில் தொகையைச் செலுத்தினாலோ 3-4% வட்டி மற்றும் அபராதக் கட்டணமும் செலுத்த வேண்டிவரும். இது உங்களுடைய கிரெடிட் ஸ்கோரைப் பாதிக்கும். எதிர்காலத்தில் ஏதேனும் அவசரக் கடன் தேவைப்படும்போது கடன் மறுக்கப்படும் நிலை உண்டாகும்.

எனவே, நம்முடைய வருமானத்துக்கான குறுகியகால மாற்று வசதி மட்டுமே. கிரெடிட் கார்டை ஸ்மார்ட்டாகப் பயன்படுத்தி பணத்தைச் சேமிக்க வேண்டுமே தவிர, அளவுக்கு அதிகமாகச் செலவு செய்து கடனில் சிக்கிக்கொள்ளக் கூடாது.