Published:Updated:

2K kids: எங்களோட ஹேப்பி கஸ்டமர்ஸ்... குழந்தைகள்!

முகமது அலி
பிரீமியம் ஸ்டோரி
News
முகமது அலி

- பா.வேல் பாரதி

குழந்தைகள் வைத்து விளையாடும் சொப்பு சாமான்களின் அப்டேட்டட் வெர்ஷன்... மினியேச்சர் பொருள்கள். அதற்காக ஒரு பிரத்யேக சந்தையே இப்போது உருவாகியிருக்கிறது. சென்னை, ராயப்பேட்டையில் உள்ள ‘ஹோம்டெக்கார்’ கடையில் பல மினியேச்சர் பொருள்கள் ‘அட’ சொல்ல வைத்து மனதை அள்ளுகின்றன.

‘ஹோம்டெக்கார்’ கடையை நடத்திவரும் முகமது அலி மற்றும் அவரின் நெருங்கிய நண்பர் அகமது சரிப், ‘‘மக்கள்கிட்ட இப்போ மினியேச்சர் பொருள்களுக்கு வரவேற்பு அதிகரிச்சுட்டு வருது. அழகுப்பொருள், மினியேச்சர் குக்கிங், ஆர்ட் ஆர்வம்னு பல காரணங்களுக்காக இந்தப் பொருள்களை வாங்குறாங்க. அதை நாம் ஏன் விற்கக் கூடாதுனு யோசிச்சு, கொரோனாவுக்கு முன்னர்தான் இந்தக் கடையை ஆரம்பிச் சோம். இங்க களிமண், எஃகு, அலுமினியம், இரும்பு, வெண்கலம், நெகிழி, தாமிரம், பீங்கான், மூங்கில், உலோகம், மரம்னு பல பொருள்களையும் பயன்படுத்தி செய்த மினியேச்சர் பொருள்களை விற்கிறோம்.

இந்தப் பொருள்களை எல்லாம் செய்து கொடுக்கக்கூடிய கைவினைக் கலைஞர்களைத் தேடித் தேடி கண்டுபிடிச்சோம். அவங்ககிட்ட எங்க யோசனைகளையும் சேர்த்துச் சொல்லி பொருள்களை செய்து வாங்கினோம்.

2K kids: எங்களோட ஹேப்பி கஸ்டமர்ஸ்... குழந்தைகள்!
2K kids: எங்களோட ஹேப்பி கஸ்டமர்ஸ்... குழந்தைகள்!
2K kids: எங்களோட ஹேப்பி கஸ்டமர்ஸ்... குழந்தைகள்!

அவங்கள்ல பலர் வறுமையின் காரணமா இதையெல்லாம் கைவிடும் சூழல்ல இருந்தாங்க. ஆனா, எங்க கடை மூலமா அவங்களுக்கு வாய்ப்பை உருவாக்கித் தந்திருக்கிறதுல மகிழ்ச்சி. மேலும், எங்ககிட்ட பல இல்லத் தரசிகள் மினியேச்சர் பொருள்களை வாங்கிட்டுப்போய் வீட்டிலிருந்தே விற்பனை செய்றாங்க. எங்ககிட்ட 4 ரூபாயிலிருந்து 5,000 ரூபாய் வரை மினியேச்சர் பொருள்கள் இருக்கு’’ என்பவர்கள்,

‘‘எங்களோட ஹேப்பி கஸ்டமர்ஸ், குழந்தைகள்தான். கிச்சன் செட்டை ரொம்ப ஆர்வமா வாங்கிட்டுப் போறாங்க. ‘மொபைல்ல நேரம் செலவழிக்காம, பிள்ளைங்க எல்லாரும் சேர்ந்து இதில் விளையாடும்போது சமையலையும் கத்துக்கிறாங்க’னு அவங்க பெற்றோர் சொல்லும்போது, நாங்களும் ஹேப்பி அண்ணாச்சி...’’ எனச் சிரிக்கிறார்கள் முகமதுவும் அகமதுவும்.

2K kids: எங்களோட ஹேப்பி கஸ்டமர்ஸ்... குழந்தைகள்!
2K kids: எங்களோட ஹேப்பி கஸ்டமர்ஸ்... குழந்தைகள்!

கிச்சன் செட், சமையல் ரேக், சைக்கிள், டெலி போன், பாய்லர், தையல் மெஷின், ஃபேன், இஸ்திரி பெட்டி என ‘ஹோம் டெக்காரி’ல் உள்ள மினியேச்சர் பொருள் களின் விஷுவல் டிலைட்டில் சில உங்கள் பார்வைக்காக..!