Published:Updated:

குறையும் ஏற்றுமதி... என்ன செய்தால் இனி அதிகரிக்கும்?

exports
பிரீமியம் ஸ்டோரி
News
exports

ஏற்றுமதி

ந்தியாவின் ஏற்றுமதி கடந்த ஆகஸ்ட் மாதத்தில் 6 சதவிகிதமாகச் சுருங்கியுள்ளது. 2018-ம் ஆண்டு ஆகஸ்ட் மாதத்துடன் ஒப்பிடும் போது, கடந்த ஆகஸ்ட் மாதத்தில் 26.13 பில்லியன் டாலர் என்ற அளவில் நமது ஏற்றுமதி 6% அளவுக்குக் குறைந்துள்ளது. இது கடந்த 41 மாதங்களில் இல்லாத அளவுக்குக் குறைவு.

இந்த நிலையில், ‘நம் நாடு 2024-ல் ஐந்து ட்ரில்லியன் பொருளாதாரமாக வளர்வதற்கு நமது ஏற்றுமதி 20% என்கிற அளவுக்கு அதிகரிக்க வேண்டும்’ என விருப்பம் தெரிவித்திருக்கிறார் மத்திய வர்த்தக மற்றும் தொழில் துறை அமைச்சர் பியூஷ் கோயல். அவரின் ஆசையானது நிறைவேறும் அளவுக்கு இந்திய ஏற்றுமதிச் சூழல் சாதகமாக இருக்கிறதா, ஏற்றுமதித் துறையில் என்ன பிரச்னை, ஏற்றுமதி குறைய என்ன காரணம், அதை அதிகரிக்க என்ன செய்யவேண்டும் என்கிற கேள்விகளுடன் ஏற்றுமதி யாளர்களிடமும் பொருளாதார வல்லுநர்களிடமும் கேட்டோம்.

கோபாலகிருஷ்ணன், கே.எஸ். கமாலுதீன்
கோபாலகிருஷ்ணன், கே.எஸ். கமாலுதீன்

“இதற்குமுன் இல்லாத அளவுக்கு இந்திய ஏற்றுமதி கடுமையாகப் பாதிக்கப்பட்டுள்ளது. கடந்த ஆகஸ்ட்டில் 6% குறைந்திருப்பது கவலையையே அளிக்கிறது. இதற்குப் பல காரணங்கள் இருக்கிறது’’ என்று பேச ஆரம்பித்தார் ஓய்வுபெற்ற வங்கி அதிகாரியான கோபாலகிருஷ்ணன்.

கடன் வழங்கத் தயங்கும் வங்கிகள்

“பொதுவாக, டாலரின் மதிப்பு அதிகரிக்கும்போது நமக்குப் பல இடையூறுகள் ஏற்படும். ஆனால், நமது ஏற்றுமதி அதிகரிக்கும். காரணம், டாலரின் மதிப்பு அதிகமாக இருக்கும்போது, நாம் ஏற்றுமதி செய்யும் பொருளுக்கு அதிக அளவில் இந்திய ரூபாய் கிடைக்கும். உதாரணமாக, ஒரு டாலரின் மதிப்பு 70 ரூபாய் என்றால், நமக்கு 70 ரூபாய் கிடைக்கும். அதுவே, ஒரு டாலரின் மதிப்பு 72 ரூபாய் என்றால், நமக்கு இரண்டு ரூபாய் கூடுதலாகக் கிடைக்கும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
குறையும் ஏற்றுமதி... என்ன செய்தால் இனி அதிகரிக்கும்?

ஆனால், இப்போது டாலர் மதிப்பு அதிகமாக இருக்கும் நிலையிலும் ஏற்றுமதி அதிகரிப்பதற்குப் பதிலாக, குறையக் காரணம், வங்கிக்கடன் போதிய அளவுக்குக் கிடைக்காமல் இருப்பதுதான். ஓர் ஏற்றுமதியாளருக்கு வெளிநாட்டிலிருந்து ஒரு ஆர்டர் வந்தால், அந்த ஏற்றுமதியைச் செய்வதற்கு அவரிடம் போதுமான பணம் இல்லையெனில், வங்கிக்கடன் பெற்று ஏற்றுமதி செய்யலாம். ஆனால், தற்போதைய நிலையில் ஏற்றுமதியாளர் களுக்கு வங்கிக்கடன் கிடைப்பது பெரும்பாடாக இருக்கிறது. வங்கிக்கடனே வாங்காமல் ஏற்றுமதி செய்வதென்பது பல ஏற்றுமதியாளர்களுக்கு முடியாத செயல்.

ஜி.எஸ்.டி அச்சங்கள்

முன்பு, முதலில் வரி செலுத்திவிட்டு ஏற்றுமதி செய்தபின் அந்த வரியிலிருந்து குறிப்பிட்ட பகுதியை ஏற்றுமதியாளர்கள் அரசிடமிருந்து திரும்பப் பெற்றுவந்தனர். ஆனால், ஜி.எஸ்.டி வந்தபிறகு இதில் பல சிக்கல்கள். கட்டிய வரியைத் திரும்பப் பெறுவதில் தொடர்ந்து தாமதத்தைச் சந்திக்க வேண்டியிருக்கிறது. இந்த வரியானது இனி விரைவாகத் திரும்பக் கிடைக்க நடவடிக்கை எடுக்கப்படும் என மத்திய நிதி அமைச்சர் சொல்லியிருக்கிறார். இதை உறுதியாகச் செயல்படுத்த வேண்டும்’’ என்றார் அவர்.

விழிப்புணர்வு தேவை

ஏற்றுமதியை அதிகரிக்க என்னென்ன நடவடிக்கைகளை எடுக்க வேண்டும் எனச் சென்னையைச் சேர்ந்த ஏற்றுமதியாளரும் புளூபாரத் எக்ஸிம் பிரைவேட் லிமிடெட் நிறுவனத்தின் நிர்வாக இயக்குநருமான கே.எஸ் கமாலுதீன் விரிவாக எடுத்துச் சொன்னார்.

‘‘எம்.இ.ஐ.எஸ் (Merchandise Exports from India Scheme - MEIS) என்கிற திட்டத்திலிருந்து சில பொருள்களை எடுத்துவிட்டார்கள். சில பொருள் களுக்கு மட்டுமே இதில் மானியம் கிடைக்கிறது. இந்த எம்.இ.ஐ.எஸ் திட்டத்துக்குப் பதிலாக வரும் புதிய சட்டத்தில் விவசாயம் சார்ந்த மற்றும் உணவுப்பொருள்களுக்கு அதிக மானியம் தரவேண்டும்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

மிளகாய்க்கு 5% ஜி.எஸ்.டி வரி விதிக்கிறார்கள். ஜி.எஸ்.டியைப் பொறுத்தவரை part 2 Sec 3 (i) Notification # 41/2017 என்று ஒரு அறிக்கையை மத்திய அரசாங்கம் வெளியிட்டிருக்கிறது. இந்த அறிக்கையின்படி, ஏற்றுமதிக்கான பொருளுக்கு விதிக்கப்படும் ஜி.எஸ்.டி 0.1% மட்டுமே. ஆனால், இந்த அறிக்கை பற்றி பலருக்கும் எந்தவிதமான விழிப்புணர்வும் இல்லை.

நான் ஈரோட்டுக்குப் போய் மஞ்சள் வியாபாரியிடம் மஞ்சள் வாங்கும்போது இந்த நோட்டிஃபிகேஷன்படி ஜி.எஸ்.டி-யை போடச் சொன்னால், போட மறுக்கிறார்கள். ஜி.எஸ்.டி 5 சதவிகிதத்துக்கான பணத்தை முதலில் தந்துவிட்டு, பிற்பாடு திரும்பப் பெறுவதில் பிரச்னை இல்லை.

ஆனால், அரசு உத்தரவின்படி 0.1% மட்டும் கட்டினால், என்னால் இன்னும் கூடுதலாகப் பொருள்களை வாங்கி ஏற்றுமதி செய்ய முடியும். எனவே, இந்த நோட்டிஃபிகேஷன் பற்றி இன்னும் பெரிய அளவில் விழிப்புணர்வை ஏற்படுத்த நடவடிக்கை எடுக்க வேண்டும்.

வெளிநாட்டில் நம் பொருள்களை வாங்குபவர்கள் சில நேரங்களில் பணம் தராமல் ஏமாற்றிவிடுகிறார்கள். மத்திய அரசின் இ.சி.ஜி.சி (Export Credit Guarantee Corporation) மூலம் ஏற்றுமதி செய்யும்போது, வெளி நாட்டிலிருந்து பணம் கிடைக்காமல் போனால், 70% - 80% பணத்தை நமக்கு இ.சி.ஜி.சி தந்துவிடும். அந்தப் பணமும் உடனடியாகக் கிடைக்காமல் தாமதமாவது ஒரு பிரச்னையாக இருக்கிறது.

இந்தப் பிரச்னைகள் எல்லாம் சரிசெய்யப் பட்டால், ஏற்றுமதி இனிவரும் நாள்களில் மீண்டும் உயரவே செய்யும்’’ என்று நம்பிக்கையுடன் பேசி முடித்தார்.

நம் நாட்டின் ஏற்றுமதியைத் தூக்கிநிறுத்த வேண்டுமென்றால், அரசுத் தரப்பில் ஏற்றுமதியாளர்களுடன் முதலில் கலந்துபேசி, அவர்களுக்கு உள்ள பிரச்னைகளை நன்கு தெரிந்துகொண்டு, அவற்றுக்கு நிரந்தரமான தீர்வுகளைக் காண முயற்சி செய்ய வேண்டும். தொய்வில் இருக்கும் நமது ஏற்றுமதியை மீண்டும் அதிகப்படுத்த மத்திய அரசு உடனடியாக நடவடிக்கை எடுக்கும் என்று நம்புவோம்!

அமலாக்கத்துறை தரும் அதிர்ச்சி!

அமலாக்கத் துறையினரின் கெடுபிடிகளால் ஏற்றுமதியாளர்கள் பலர் ஏற்றுமதித் தொழிலையே விட்டுவிட்டு சென்றுவிடுவதாகச் சொல்கிறார்கள் பெயர் சொல்ல விரும்பாத சில ஏற்றுமதியாளர்கள். “மோசடியாக ஈட்டிய பணம் வெளிநாட்டுக்கு எடுத்துச்செல்லப்படுவதைத் தடுப்பதற்கு சில நடவடிக்கைகளை பணமதிப்பு நீக்க நடவடிக்கையின்போது மத்திய அரசு எடுத்தது. அதனால், ஏற்றுமதித் தொழிலில் ஈடுபட்டவர்கள் கடுமையாகப் பாதிப்படைந்தனர்’’ என்கிறார்கள் கவலையுடன்.