Published:Updated:

டெக் மஹிந்திரா... கார் வாரன்டியில் கில்லியான கதை!

பெற்றோருடன் லட்சுமணன்
பிரீமியம் ஸ்டோரி
பெற்றோருடன் லட்சுமணன்

பிசினஸ்

டெக் மஹிந்திரா... கார் வாரன்டியில் கில்லியான கதை!

பிசினஸ்

Published:Updated:
பெற்றோருடன் லட்சுமணன்
பிரீமியம் ஸ்டோரி
பெற்றோருடன் லட்சுமணன்

ன்றைக்கு பிசினஸ் செய்பவர்களின் மிகப்பெரிய கவலை, ஏற்கெனவே இருக்கும் வாடிக்கையாளர்களை எப்படித் தக்கவைத்துக்கொள்வது, புதிய வாடிக்கையாளர்களை எப்படிப் பெறுவது என்பதுதான். இந்தப் பிரச்னைக்கு டெக் மஹிந்திராவின் உயரதிகாரியான லட்சுமணன் சிதம்பரம் காட்டும் வழி சுவாரஸ்யமானது. டெக் மஹிந்திராவுக்காக அமெரிக்காவை மையமாகக் கொண்டு செயல்படும் அவர் அண்மையில் சென்னை வந்திருந்தார். இது குறித்து நம்மிடம் அவர் விரிவாகப் பேசினார்.

 கார்
கார்

‘‘அமெரிக்காவின் புகழ்பெற்ற கார் கம்பெனி அது. தன் வாடிக்கையாளர்களுக்கு அது அளிக்கும் வாரன்டியை நிர்வகிப்பதில் அதற்குப் பல வகையான சவால்கள் இருந்தன. காரணம், அந்த கம்பெனிக்கு அமெரிக்கா முழுவதும் ஆயிரத்துக்கும் மேற்பட்ட சர்வீஸ் சென்டர்கள் இருந்தன. பழுதடையும் கார் உதிரி பாகங்களை வாரன்டி காலத்துக்குள் வாடிக்கையாளர்களுக்கு மாற்றிக்கொடுக்க வேண்டும். அதற்கு சம்பந்தப்பட்ட கார் வாரன்டி காலவதியாகாமல் இருக்கிறதா என்பதைப் பார்ப்பதில் தொடங்கி, மாற்றித் தர வேண்டிய உதிரி பாகத்துக்கான வாரன்டி இருக்கிறதா என்பது வரை... சங்கிலிதொடர்போல ஏராளமான விஷயங்களை ஒன்றுக்கு இரண்டு முறை சரிபார்க்க வேண்டும்.

பழுதடைந்த உதிரி பாகத்தைத் தன்னுடைய செலவில் மாற்றிக்கொடுத்துவிட்டு, அதற்கான தொகையை சர்வீஸ் சென்டர்கள், கார் கம்பெனியிடமிருந்து ரீஃபண்ட் பெற்றுக்கொள்ள வேண்டும். ஒரு சர்வீஸ் சென்டர் மாற்றிக் கொடுக்காத ஓர் உதிரி பாகத்தை, மாற்றிக்கொடுத்ததாக ரீஃபண்ட் வாங்கத் தப்பித் தவறிக்கூட இடம் கொடுத்துவிடக் கூடாது.

வாரன்டி ரீஃபண்ட் தொடர்பாக ஏற்கெனவே இருந்த மென்பொருளில் ஏராளமான ஓட்டைகள் இருந்தன. அந்த நிலையில் அவற்றையெல்லாம் நிவர்த்தி செய்ய வேண்டிய தேவை டெக் மஹிந்திரா மூலம் நாங்கள் உருவாக்கவிருந்த புதிய மென்பொருளுக்கு இருந்தது.

பொதுவாக, ஒரு மென்பொருள் நிறுவனம், ஒரு கார் கம்பெனியிடமிருந்து மென்பொருள் தயார்செய்து தருவதற்கான ஆர்டரை வாங்க வேண்டுமென்றால், அதற்கு சில மாதங்கள் ஆகும். ஆர்டர் வாங்கிய பிறகு மென்பொருளை உருவாக்க மேலும் பல மாதங்களோ, ஒன்றிரண்டு வருடங்களோகூட ஆகும். இந்த விஷயத்திலும் அப்படித்தான் ஆனது. ஆனால், மென்பொருள் தயாரிக்கும் காலத்தில் பல மாற்றங்கள் நடந்துவிட்டன. முக்கியமாக, தொழில்நுட்பம் வெகுவாக மாறியிருந்தது. அதனால் ஒப்புக்கொண்ட பட்ஜெட்டிலும் கால அவகாசத்திலும் எங்களால் அந்த மென்பொருளைத் தயாரிக்க முடியவில்லை. அந்த நேரத்தில் அந்த கார் கம்பெனியின் உயர் அதிகாரிகளும் மாறியிருந்தார்கள்.

ஒட்டுமொத்த விகடனுக்கும் ஒரே ஷார்ட்கட்!

டெக் மஹிந்திரா... கார் வாரன்டியில் கில்லியான கதை!

புதிய அதிகாரிகளுக்கு நாங்கள் தயார் செய்துகொண்டிருந்த மென்பொருளின் முழுப் பரிமாணமும் பிடிபடவில்லை. ‘பேசிய தொகைக்கு, பேசிய காலத்துக்குள் புராஜெக்டை முடித்துக் கொடுங்கள்’ என்றார்கள். நாங்கள் அந்த மென்பொருளை உருவாக்க ஏற்கெனவே பல கோடி ரூபாய் செலவழித்திருந்த நிலையில் மேலும் சில கோடிகளைச் செலவழித்தால்தான் அந்த புராஜெக்டை மாறிவிட்ட சூழ்நிலைக்கு ஏற்றவாறு உருவாக்க முடியும் என்பது எங்களுக்குத் தெளிவாகத் தெரிந்தது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

அந்த நிலையில் எங்கள் முன்பாக இரண்டு தேர்வுகள் மட்டுமே இருந்தன. ஒன்று, தொழில்நுட்ப மாற்றங்களைக் காரணம் காட்டி, புராஜெக்டிலிருந்து விலகிக்கொள்வது அல்லது எங்கள் கம்பெனிச் செலவில் இன்னும் சில கோடி ரூபாய் செலவு செய்து புராஜெக்டை முடித்துத்தருவது.

பெற்றோருடன் லட்சுமணன்
பெற்றோருடன் லட்சுமணன்

நீண்ட விவாதத்துக்குப் பிறகு நாங்கள் இரண்டாவது முடிவைத் தேர்ந்தெடுத்தோம். புராஜெக்டை முடிக்க அந்த கார் நிறுவனத்திடம் பேசி கூடுதலாகச் சிறிது கால அவகாசத்தைப் பெற்றோம்.

அந்த புராஜெக்டை நாங்கள் தொடர்ந்து செயல்படுத்திய விதத்தைப் பார்த்த நிறுவனத்தின் புதிய அதிகாரிகளுக்கு எங்கள்மீது நம்பிக்கை பிறந்தது. அவர்களே கற்பனை செய்து பார்க்காத பல கோணங்களில் அந்த புராஜெக்டை நாங்கள் அணுகுவதைப் பார்த்து புராஜெட் செலவு உட்பட எல்லா வகைகளிலும் அவர்கள் முழுமையாக ஒத்துழைத்தார்கள். பிறகு அவர்களாகவே முன்வந்து புராஜெட்டை மேலும் முழுமையானதாக ஆக்க அதன் பட்ஜெட்டை பல மடங்கு அதிகமாக்கினார்கள். புராஜெக்ட் பற்றி கேள்விகள் எழுப்பிய புதிய அதிகாரிகளே அதற்கு நல்லெண்ணத் தூதர்கள் ஆனார்கள்.

`தடைக்கற்களை படிக்கற்களாக்குங்கள்’ என்று சொல்வது சுலபம்; செயல்படுத்துவது கடினம். இந்தக் கலை எனக்குக் கைவரக் காரணம் என் தந்தை சிதம்பரம். அவர் ஒரே நேரத்தில் பல வியாபாரங்களில் ஈடுபடக்கூடியவர்.

எங்களுக்கும் நியாயமான லாபம் கிடைத்தது; அத்துடன் வாரன்டி மென்பொருள் ஏரியாவில் நாங்கள் கில்லியானோம். இப்போது வாரன்டி தொடர்பான மென்பொருள் தயாரிக்க வேண்டுமென்றால், உலகின் எந்த நிறுவனமானாலும் எங்களைத்தான் முதலில் `டிக்’ அடிக்கும்.

’தடைக்கற்களை படிக்கற்களாக்குங்கள்’ என்று சொல்வது சுலபம்; செயல்படுத்துவது கடினம். இந்தக் கலை எனக்குக் கைவரக் காரணம் என் தந்தை சிதம்பரம். அவர் ஒரே நேரத்தில் பல வியாபாரங்களில் ஈடுபடக் கூடியவர். அப்போது பல தடைகள் வரும். அவற்றில் ஒன்றிரண்டு நீதிமன்றம் வரைகூடச் செல்லும். நீதிமன்றம் மூலம் தீர்வு கிடைக்க நிறைய காலம் ஆகுமென்பதால், பலரும் பின்வாங்கிவிடுவார்கள். ஆனால், என் அப்பா அப்படி விட்டுவிட மாட்டார். நியாயத்தைப் பெற கடைசிவரை போராடுவார்.

என் தந்தைக்கு இப்போது வயது 88. ஆனால், ஒரு காரியத்தில் இறங்கிவிட்டால், 40 வயது இளைஞராக மாறிவிடுவார். `நேரம் காலம் பார்க்காமல் உழைக்க வேண்டும்’ என்பதை அவரிடம்தான் கற்றேன். அந்தப் பாடம் எனக்கு மிக உதவியாக இருக்கிறது’’ என்றார் லட்சுமணன்.

இளைஞர்கள் பின்பற்ற வேண்டிய சரியான பாடம் இது!