ஸ்டெப் - 1

மாஸ்க்கின் மூக்கு மற்றும் வாய் பகுதிக்கு 12 செ.மீ நீளம், 8 செ.மீ அகலம் என காட்டன் துணியில் பென்சிலால் குறித்துக் கொள்ளவும். காதுப் பகுதியில் வரும் வளையம் போன்ற பகுதி தயார் செய்ய 12 செ.மீ நீளம், 4 செ.மீ அகலத்தில் தனியாக இரண்டு இடத்தில் குறித்துக்கொள்ளவும்.

ஸ்டெப் - 2

காட்டன் துணியில் பென்சிலால் குறித்துள்ள இடத்தைத் தனியே கத்தரித்து எடுத்துக்கொள்ளவும்.

ஸ்டெப் - 3

மூக்கு மற்றும் வாய் பகுதிகளுக்கு எனக் கத்தரித்து எடுத்துள்ள பகுதி யைப் படத்தில் காட்டியுள்ளபடி கீழிலிருந்து மேலாக ஃப்ரில் போன்று மடிக்கவும்.

ஸ்டெப் - 4

ஒவ்வொரு மடிப்பிலும் பசை தடவி, அதற்கு மேல் பகுதியுள்ள துணியுடன் சேர்த்து ஒட்டி சில நிமிடங்கள் உலரவிடவும்.

ஸ்டெப் - 5

மாஸ்க்கின் மேல் பகுதி மற்றும் கீழ் பகுதியில் இருந்து நூல் பிரிந்து வராமல் இருக்க, துணியைப் பின்புறமாக மடித்து ஒட்டிக்கொள்ளவும். மாஸ்க்கின் பேஸ் தயார்.

ஸ்டெப் - 6

காது பகுதிகளுக்கென வெட்டி யிருக்கும் துணியைப் பக்கவாட்டில் இரண்டாக மடித்து, மாஸ்கின் பேஸை நடுவில்வைத்து படத்தில் காட்டியுள்ளபடி இரண்டு புறமும் ஒட்டிக்கொள்ளவும்.

ஸ்டெப் - 7

மாஸ்க்கின் பேஸூடன் ஓட்டப்பட்டுள்ள காதுப் பகுதியின் நீளமான பகுதியைக் கீழிருந்து மேலாக வளையம் போன்று மடித்து மாஸ்க்கின் பேஸுடன் ஓட்டவும். காதுகளில் மாட்ட துணி வேண்டாம் என நினைப்பவர்கள் ரப்பர் பேண்ட் அல்லது எலாஸ்டிக் பயன்படுத்திக் கொள்ளலாம்.

ஸ்டெப் - 8

10 நிமிடங்கள் உலரவைத்து பயன்படுத்துங்கள். இது பெரியவர் களுக்கான அளவு. சிறிய குழந்தைகள் எனில் 6 செ.மீ நீளம், 4 செ.மீ அளவுள்ள காட்டன் துணியில் செய்யலாம்.

இப்போது எல்லா இடங்களிலும் வைரஸ்ஸின் தாக்கம் அதிகமாக இருப்ப தால் காட்டன் துணியை வெந்நீரில் நனைத்துப் பயன்படுத்துவது நல்லது.

பாதுகாப்புடன் இருந்து கொரோனாவில் இருந்து மீண்டெழுவோம்.