Published:Updated:

நியூஸ் எம்பஸி

நியூஸ் எம்பஸி
பிரீமியம் ஸ்டோரி
நியூஸ் எம்பஸி

வடக்கு அட்லாண்டிக் பெருங்கடலில் அமைந்திருக்கிறது ஃபேரோ தீவு (Faroe Island). இந்தத் தீவில், செப்டம்பர் 12-ம் தேதி பாரம்பர்யத் திருவிழா நடத்தப்பட்டது.

நியூஸ் எம்பஸி

வடக்கு அட்லாண்டிக் பெருங்கடலில் அமைந்திருக்கிறது ஃபேரோ தீவு (Faroe Island). இந்தத் தீவில், செப்டம்பர் 12-ம் தேதி பாரம்பர்யத் திருவிழா நடத்தப்பட்டது.

Published:Updated:
நியூஸ் எம்பஸி
பிரீமியம் ஸ்டோரி
நியூஸ் எம்பஸி
நியூஸ் எம்பஸி

கனடா: முன்கூட்டியே தேர்தல் ஏன்?

கனடாவில், வரும் செப்டம்பர் 20-ம் தேதி பொதுத்தேர்தல் நடைபெறவிருக்கிறது. 2023-ல் நடைபெறவேண்டிய இந்தத் தேர்தலை, ஆட்சியைக் கலைத்துவிட்டு, முன்கூட்டியே நடத்தத் திட்டமிட்டிருக்கிறார் கனடா பிரதமர் ஜஸ்டின் ட்ரூடோ. “2023-ல் கொரோனா நான்காவது அலை உச்சம் பெறும் என்பதால்தான் முன்கூட்டியே தேர்தல் நடத்தப்படுகிறது” என்கிறது ட்ரூடோ தரப்பு. ஆனால், ``காரணம் அதுவல்ல... 2019 தேர்தலில் ட்ரூடோவின் லிபரல் கட்சியால் பெரும்பான்மையைப் பெற முடியவில்லை. சிறிய கட்சிகளைக் கூட்டணியில் இணைத்துக்கொண்ட பிறகே ஆட்சியமைத்தார். இதனால் எந்தவொரு விஷயத்திலும் அவரால் தனித்து முடிவெடுக்க முடியவில்லை. கொரோனாவைச் சிறப்பாகக் கையாண்டு, மக்கள் மத்தில் நற்பெயர் பெற்றிருக்கும் இந்தச் சமயத்தில் தேர்தல் நடத்தினால், பெரும்பான்மையுடன் வெற்றிபெறலாம் என்று கணக்கு போட்டே முன்கூட்டியே தேர்தலை நடத்தத் திட்டமிட்டிருக்கிறார் ட்ரூடோ’’ என்கிறார்கள் சர்வதேச அரசியல் நோக்கர்கள். ஆனால், கள நிலவரமோ அவருக்கு எதிராகவே இருக்கிறது. `60 சதவிகித கனடா மக்கள் முன்கூட்டியே தேர்தல் நடத்துவதை விரும்பவில்லை’ என்கிறது ஒரு கருத்துக் கணிப்பு. அதுமட்டுமல்லாமல், கட்டாய கொரோனா தடுப்பூசித் திட்டத்துக்கு எதிராகக் கனடாவின் பல பகுதிகளில் போராட்டங்கள் வெடித்திருப்பது ட்ரூடோவுக்குப் பின்னடைவை ஏற்படுத்தியிருக்கிறது.

நியூஸ் எம்பஸி

மறைந்து வாழும் பெண் நீதிபதிகள்!

ஆப்கானிஸ்தானில் தாலிபன்கள் இடைக்கால ஆட்சியமைத்து, பல்வேறு கட்டுப்பாடுகளை விதித்துவருகின்றனர். இந்தநிலையில், ஆப்கன் முழுவதுமிருக்கும் சுமார் 200 பெண் நீதிபதிகள் தலைமறைவாக வாழ்வதாகச் செய்திகள் வெளியாகின்றன. கடந்த ஆகஸ்ட் 15-ம் தேதியன்று காபூலைக் கைப்பற்றிய தாலிபன்கள், சிறைகளிலிருந்த அல்-கொய்தா, ஐ.எஸ் உள்ளிட்ட பயங்கரவாத அமைப்புகளைச் சேர்ந்தவர்களை விடுவித்தபோதே பல்வேறு தரப்பிலிருந்தும் எதிர்ப்புகள் எழுந்தன. தற்போது விடுதலையான பயங்கரவாதிகள் பலரும், தங்களுக்கு எதிராகத் தீர்ப்பு வழங்கிய நீதிபதிகளை குறிப்பாக, பெண் நீதிபதிகளைக் கொலை செய்வதற்காகத் தேடிக் கொண்டிருப்பதாகச் சொல்கிறார்கள். பயங்கரவாதிகளுக்கு பயந்து, பெண் நீதிபதிகள் பலரும் தலைமறைவாக இருக்கின்றனர். சிலர் நாட்டைவிட்டுத் தப்பிச் செல்லும் முயற்சிகளிலும் ஈடுபட்டுவருவதாகக் கூறப்படுகிறது.

நியூஸ் எம்பஸி

டால்பின் படுகொலை!

வடக்கு அட்லாண்டிக் பெருங்கடலில் அமைந்திருக்கிறது ஃபேரோ தீவு (Faroe Island). இந்தத் தீவில், செப்டம்பர் 12-ம் தேதி பாரம்பர்யத் திருவிழா நடத்தப்பட்டது. அதன் ஒரு பகுதியாக, படகில் சென்று டால்பின்களைப் பிடித்து வந்து, கரையில்வைத்துக் கொன்று குவித்திருக்கின்றனர் அந்தப் பகுதி மக்கள். இதனால், கடற்கரை முழுவதும் ரத்த வெள்ளமாகக் காட்சியளித்தது. இது தொடர்பான புகைப்படங்கள் சமூக வலைதளங்களில் வைரலானதை அடுத்து, கடல்நீரை மாசுபடுத்தியதற்காகவும், டால்பின்களை இரக்கமின்றி கொன்று குவித்ததற்காகவும் கண்டனங்கள் எழுந்திருக்கின்றன. சுற்றுச்சூழல், விலங்குகள் நல ஆர்வலர்கள் பலரும் இந்த விவகாரத்தில் உரிய நடவடிக்கை எடுக்கப்பட வேண்டுமெனக் குரல்கொடுக்கத் தொடங்கியிருக்கின்றனர்!