Published:Updated:

ஏப்பம் விடப்படும் ஏகாம்பரநாதர் கோயில் சொத்துகள்!

ஏகாம்பரநாதர் கோயில்
பிரீமியம் ஸ்டோரி
ஏகாம்பரநாதர் கோயில்

அறநிலையத்துறையே அம்பலப்படுத்திய உண்மை

ஏப்பம் விடப்படும் ஏகாம்பரநாதர் கோயில் சொத்துகள்!

அறநிலையத்துறையே அம்பலப்படுத்திய உண்மை

Published:Updated:
ஏகாம்பரநாதர் கோயில்
பிரீமியம் ஸ்டோரி
ஏகாம்பரநாதர் கோயில்

‘தமிழகம் முழுவதும் உள்ள கோயில் சொத்துகளைக் கணக்கெடுத்து, அவை யார் கட்டுப்பாட்டில் உள்ளன என்பதை அறநிலையத் துறை அதிகாரிகள் ஆய்வுசெய்ய வேண்டும். கோயில் நிலங்களில் வாடகை செலுத்தாமல் குடியிருப்பவர்கள், அனுபவிப்பவர்கள் ஆகியோரிடமிருந்து கோயில் சொத்துகளைப் பறிமுதல் செய்யவேண்டும். இதைச் செய்யத் தவறிய அதிகாரிகள்மீதும் நடவடிக்கை எடுக்க வேண்டும்’ - சென்னை உயர் நீதிமன்ற மதுரைக் கிளை, கடந்த பிப்ரவரி மாதம் பிறப்பித்த உத்தரவு இது. சரி, விஷயத்துக்கு வருவோம்.

ஏப்பம் விடப்படும் ஏகாம்பரநாதர் கோயில் சொத்துகள்!

காஞ்சிபுரம் ஏகாம்பரநாதர் கோயிலுக்கு மட்டும் சுமார் 200 ஏக்கர் நிலம், வீடுகள், கட்டடங்கள் என 1,500 கோடி ரூபாய் மதிப்பிலான சொத்துகள் இருக்கின்றன. இந்த நிலங்களின் வாடகை ஒழுங்காக வசூலிக்கப்பட்டால், ஒவ்வோர் ஆண்டும் பல கோடி ரூபாய் வருமானம் கோயிலுக்கு நிரந்தரமாகக் கிடைக்கும். ஆனால், கோயில் நிலங்களை அனுபவிப்பவர்கள் சரியான வாடகை செலுத்துவதில்லை. இந்த நிலையில்தான், காஞ்சிபுரம் ஏகாம்பரநாதர் கோயில் நிர்வாகத் தினர், வாடகை செலுத்தாதவர்களின் பட்டியலை கோயில் வளாகத்தில் பேனராக வைத்திருக் கிறார்கள். இந்த அறிவிப்பின்படி, கோயிலுக்கு வரவேண்டிய வாடகை மற்றும் நஷ்டஈடு தொகை நிலுவை மட்டும் 48.03 கோடி ரூபாய்!

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

காஞ்சிபுரம் மாவட்டத்தில் அதிகள விலான சொத்துகள்கொண்ட புராதன கோயில்கள் நிறைய இருக்கின்றன. காஞ்சிபுரம் வரதராஜப் பெருமாள் கோயில், திருப்போரூர் கந்தசாமி கோயில், ஆளவந்தார் அறக்கட்டளை, பூந்தமல்லி வரதராஜப் பெருமாள் குழுமக் கோயில்கள் என ஒவ்வொன்றும் பல ஆயிரம் கோடி ரூபாய் சொத்துகளைக்கொண்டது. இவற்றின் நிலங்கள் ஆக்கிரமிப்பு செய்யப்பட்டுள்ளன. கோயில் நிலங்களை வீட்டுமனைகளாக மாற்றி, சிலர் ரியல் எஸ்டேட் வணிகம் செய்துவருகின்றனர்.

ஏகாம்பரநாதர் கோயில்
ஏகாம்பரநாதர் கோயில்

இந்துசமய அறநிலையத் துறை அதிகாரி ஒருவரிடம் பேசினோம். ‘‘ஏகாம்பரநாதர் கோயில் சொத்துகளை மீட்கவும் வாடகை பாக்கியை வசூல்செய்யவும் இந்த அதிரடி நடவடிக்கையை எடுத்துள்ளோம். வாடகை செலுத்தாதவர்கள்மீது நீதிமன்றத்தில் வழக்கு தொடர்ந்து, நிலத்தின் சந்தை மதிப்பைவைத்து நஷ்டஈடு தொகை கணக்கிட்டு வசூலிக்கிறோம். அதன்படி, சீதா கிங்ஸ்டன் மெட்ரிகுலேஷன் பள்ளியிடம் 11 கோடி ரூபாயும், கேரளாவைச் சேர்ந்த ஏ.வி.தாமஸ் என்கிற டீ எஸ்டேட் உரிமையாளரிடம் 12 கோடி ரூபாயும், பாலசுப்பிரமணிய செட்டியார் என்பவரிடம் 23 கோடி ரூபாயும் நஷ்டஈடு கேட்டு வழக்கு தொடரப்பட்டுள்ளது. சென்னையில் உள்ள இந்த மூன்று நிலங்கள், வாடகை தொடர்பான வழக்குகள் சென்னை உயர் நீதிமன்றத்தில் கடந்த 20 ஆண்டுகளாக நடக்கின்றன.

ஏகாம்பரநாதர் கோயிலைச் சுற்றியுள்ள மாடவீதிகளில் 10 ஏக்கர் 80 சென்ட்டில் 140-க்கும் மேற்பட்ட வீடுகள் இருக்கின்றன. அவர்கள் வாடகை கொடுக்காமல், ‘நிலம் எங்களுக்குத்தான் சொந்தம்’ என 2010-ல் சென்னை உயர் நீதிமன்றத்தில் வழக்கு தொடர்ந் திருந்தார்கள். ‘அந்த நிலங்கள் கோயிலுக்குச் சொந்தம்’ என 2018-ல் தீர்ப்பானது. சந்தை நிலவரப்படி வாடகை செலுத்த சம்மதித்தால் மட்டுமே இனி அவர்கள் வாடகைக்கு அனுமதிக்கப்படுவார்கள்’’ என்றார்.

ஏப்பம் விடப்படும் ஏகாம்பரநாதர் கோயில் சொத்துகள்!

ஏகாம்பரநாதர் கோயில் பகுதியில் வசிக்கும் தினேஷ், ‘‘கோயில் நிலங்களில் இருக்கும் வாடகைதாரர் களிடம் பத்தில் ஒரு பங்குதான் வாடகை வசூல் செய்கிறார்கள். ஆனால், அதைக்கூட யாரும் செலுத்து வதில்லை. இதனால், பல கோயில்களில் பராமரிப்புப் பணிகள், அடிப்படை வசதிகள், பூஜைகள் என எதுவும் செய்ய முடிவதில்லை. ஒரு மாதத்துக்கு முன்பு கச்சபேஸ்வரர் கோயிலில் வாடகை பாக்கி செலுத்தாத வர்களின் பட்டியலை வெளியிட்டார்கள். வெளியிட்ட மறுநாளே ஐந்து லட்சம் ரூபாய் வசூலானது. காஞ்சிபுரம் வரதராஜப் பெருமாள் கோயிலுக்கு 500 ஏக்கருக்குமேல் நிலங்கள் இருக்கின்றன. இந்த நிலங்களின் வாடகை விவரங்களை ஆர்.டி.ஐ மூலம் கேட்டோம். கோயில் நிர்வாகத்தினர் தகவல் தர மறுக்கின்றனர். அறநிலையத் துறையினர் கடுமையான நடவடிக்கை எடுத்தால் மட்டுமே கோயில் சொத்துகளைப் பாதுகாக்க முடியும்’’ என்றார்.

இந்துசமய அறநிலையத் துறை அமைச்சர் சேவூர் ராமச்சந்திரனிடம் பேசினோம். ‘‘வாடகை வசூல்செய்ய, இந்துசமய அறநிலையத் துறை ஆணையர் அலுவலகம் கடுமையான நடவடிக்கை எடுத்துவருகிறது. வாடகை செலுத்தாமல் ஏமாற்றுவோர், இனி வெளியேற்றப் படுவார்கள். கோயில் நிலங்கள் தொடர்பான வழக்குகளைத் துரிதப்படுத்தவும் நடவடிக்கை எடுத்து வருகிறோம்’’ என்றார்.