Published:Updated:

சர்க்கரை ஆலைக் கழிவு... வெல்லப்பாகுக் கழிவு... வாசத்துக்காக ‘கூப்பனி’!

கருப்பட்டி கலப்படம்
பிரீமியம் ஸ்டோரி
கருப்பட்டி கலப்படம்

மிரளவைக்குது கருப்பட்டி கலப்படம்

சர்க்கரை ஆலைக் கழிவு... வெல்லப்பாகுக் கழிவு... வாசத்துக்காக ‘கூப்பனி’!

மிரளவைக்குது கருப்பட்டி கலப்படம்

Published:Updated:
கருப்பட்டி கலப்படம்
பிரீமியம் ஸ்டோரி
கருப்பட்டி கலப்படம்

`உடன்குடி என்றாலே, உள்நாக்கெல்லாம் தித்திக்கிறது!’ என்பார்கள். தூத்துக்குடி மாவட்டம் உடன்குடியில் தயாரிக்கப்படும் கருப்பட்டிதான் அதற்குக் காரணம். உலக அளவில் புகழ்பெற்ற உடன்குடி கருப்பட்டியில், இப்போது கலப்படம் அதிகமாகிவிட்டதாக, புகார்கள் வரிசைகட்டுகின்றன. அதை மெய்ப்பிக்கும் வகையில், உணவுப் பாதுகாப்புத் துறையினர் அதிரடி சோதனை நடத்தி, ஐந்து ஆலைகளில் சுமார் ஒன்றரை கோடி ரூபாய் மதிப்புள்ள 40 டன் கலப்படக் கருப்பட்டியைப் பறிமுதல் செய்துள்ளனர்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இதுகுறித்து ஆம் ஆத்மி கட்சியின் மாவட்ட இணை ஒருங்கிணைப்பாளர் குணசீலன், ‘‘உடன்குடி கருப்பட்டிக்கு என தனி மதிப்பு இருந்தது. அது இப்போது கொஞ்சம் கொஞ்சமாகக் குறைந்துவருகிறது. காரணம், கலப்படம். பலரும் சீனிக்கருப்பட்டியைத் தயாரித்து, ஒரிஜினல் கருப்பட்டி என்று பொய் சொல்லி விற்றுவிடுகின்றனர். பெரும்பாலான கம்பெனிகள், பேக்கிங்கில் லேபிள்கூட ஒட்டுவது கிடையாது. இப்படி ஏமாற்றுபவர்களுக்கு எதிராக மனுக்கள் கொடுத்தது மட்டுமல்லாமல், பல்வேறு அமைப்புகளுடன் இணைந்து போராட்டங்களும் நடத்தினோம்.

சர்க்கரை ஆலைக் கழிவு... வெல்லப்பாகுக் கழிவு... வாசத்துக்காக ‘கூப்பனி’!

டெல்லியில் உள்ள இந்திய உணவுப் பாதுகாப்புத் துறை அலுவலகத்துக்கே நேரில் சென்று மனு கொடுத்தேன். அதன் பிறகு, கருப்பட்டி தயாரிப்புக்கு நிறைய விதிமுறைகள் வகுக்கப்பட்டன. ஆனாலும், பிரச்னை தீரவில்லை. மாறாக, கலப்படக் கருப்பட்டி தயாரிப்பவர்களிடமிருந்து கொலை மிரட்டல்தான் வருகிறது. இப்போது சிறிய ஆலைகளில்தான் சோதனை நடத்தப்பட்டிருக்கிறது. பெரிய ஆலைகளில் ஆய்வு நடத்தினால், நினைத்துப்பார்க்க முடியாத அளவுக்குக் கலப்படக் கருப்பட்டிகள் வெளிவரும்’’ என்றார்.

குணசீலன், ரவி
குணசீலன், ரவி

கருப்பட்டி உற்பத்தியாளரும் தமிழ்நாடு வணிகர் சங்கப் பேரவையின் தூத்துக்குடி தெற்கு மாவட்டத் தலைவருமான ரவியிடம் பேசினோம். ‘‘மார்ச் முதல் ஆகஸ்ட் மாதம் வரை பனை சீஸன். அந்த சீஸனில்தான் கற்கண்டும் கருப்பட்டியும் தயாரிக்க முடியும். சீனிக்கருப்பட்டியை ஆண்டு முழுவதும் தயாரிக்கலாம். சர்க்கரை ஆலைக் கழிவுகளையும், `மொலாசஸ்’ எனப்படும் வெல்லப்பாகுக் கழிவு களையும் கலந்து சீனிக்கருப்பட்டியைத் தயாரிக்கிறார்கள். இப்படித் தயாரிக்கப் பட்டும் சீனிக்கருப்பட்டி ஒரிஜினல் கருப்பட்டியைப்போல் இருக்க வேண்டும் என்பதற்காக, அத்துடன் `கூப்பனி’யைக் (கற்கண்டு தயாராகும் பானையின் அடியில் தேங்கி இருக்கும் பதநீர்க் கழிவு) கலந்து, கொள்ள லாபம் பார்க் கிறார்கள். இதனால் ஒரிஜினல் கருப்பட்டி உற்பத்தியாளர்கள் பாதிக்கப் படுவதுடன், மக்களுக்கும் தரமான கருப்பட்டி கிடைப்பதில்லை’’ என்றார்.

உணவுப் பாதுகாப்புத் துறையின் தூத்துக்குடி மாவட்ட நியமன அலுவலர் கருணாகரனிடம் பேசினோம். ‘‘தூத்துக்குடி மாவட்டத்தில் மொத்தம் 29 ஆலைகள்தான் கருப்பட்டி தயாரிப்பதற்கான உரிமம் பெற்றுள்ளன. ஆனால், 150-க்கும் மேற்பட்ட ஆலைகள் உரிமம் பெறாமலேயே கருப்பட்டி தயாரிப்பதாக புகார்கள் வந்துள்ளன. எங்கள் சோதனை, தொடர்ந்து நடைபெறும். உரிமம் இல்லாமல் கருப்பட்டி தயாரிப்பவர்கள், சீனிக்கருப்பட்டியை கருப்பட்டி என்று விற்பவர்கள் கடுமையான நடவடிக்கைக்கு உள்ளாவார்கள்’’ என்றார் உறுதியுடன்.